काठमाडौं । मंगलबारदेखि परेको अविरल वर्षाका कारण काठमाडौं मुलपानीमा पर्खाल भत्किँदा एकै परिवारको तीनजनाको ज्यान गएको छ । बलराम खत्रीको पक्की घरको पर्खाल भत्किँदा मुलपानी बाबाचोकमा टहरामा बस्दै आएका एकै परिवारका तीनजनाको ज्यान गएको प्रहरीले जनाएको छ ।

प्रहरीकाअनुसार ज्यान गुमाउनेहरुमा २० वर्षीया निलु यादव, ३५ वर्षीया सर्मिला यादव र कुन्दन यादव रहेका छन् । उनीहरु एकै परिवारका रहेका प्रहरीको भनाइ छ । मंगलबारदेखि पानी पर्ने थाले पनि बिहीबारदेखिको भीषण वर्षाले मुलुकभर जनधनको क्षति गरेको छ । मुलपानी बाहेक नै विभिन्न जिल्लामा गएको पहिरो, बाढी र डुमानमा परेर सात जनाले ज्यान गुमाएका छन् ।