यति थोरै पैसा जुटाउन सकेनन् अनि ज्यान गुमाउन बाध्य भए तेलुगु अभिनेता बेंकट

काठमाडौं– बलिउडभन्दा पनि ठूलो बजेट र पारिश्रमिकका कथा दक्षिण भारतीय फिल्मका हुन थालेका बेला एक अभिनेता भने मिर्गौला प्रत्यारोपणको सामान्य रकम जुटाउन नसक्दा ज्यान गुमाउन बाध्य भएका छन्।

तेलुगु अभिनेता फिश वेंकटको ५३ वर्षको उमेरमा निधन भएको हो। मिर्गौला र कलेजो फेल भएपछि उनको मृत्यु भएको हो। पछिल्लो समय फिश वेंकटको अवस्था बिग्रँदै गएको थियो। 

उनलाई नियमित रूपमा डायलाइसिस गराइँदै थियो। भेन्टिलेटर सपोर्ट दिइएको थियो। फिश वेंकटको वास्तविक नाम वेंकट राज थियो। उनका श्रीमती र तीन छोराछोरी छन्।

फिश वेंकटको परिवारका सदस्यबाट प्राप्त जानकारी अनुसार उनलाई मिर्गौला प्रत्यारोपण आवश्यक थियो। त्यसका लागि पैसाको व्यवस्था हुन सकेन। 

फिश वेंकटको अवस्था गम्भीर भएपछि उनकी छोरीले आर्थिक सहयोगका लागि अपिल गरेकी थिइन्। उनले मिर्गौला प्रत्यारोपणका लागि ५० लाख भारतीय रुपैयाँ आवश्यक पर्ने बताएकी थिइन्। तर पैसाको व्यवस्था हुन सकेन।

प्रभासका सहायकले हामीलाई फोन गरेर आर्थिक सहयोगको प्रस्ताव गरे। उनले भने कि उनको प्रत्यारोपण भइसकेपछि हामीले उनलाई खबर गर्नुपर्छ ताकि खर्च बेहोरियोस्।’

तर केही दिनपछि, परिवारका एक सदस्यले प्रभासले सहयोग गर्ने प्रस्ताव गरेको खबर सत्य नभएको बताए। 

फिश वेंकटको जन्म १९७१ मा भएको थियो। उनी आफ्नो हास्य भूमिकाका लागि प्रसिद्ध भए। उनले बन्नी, अधुर्स र धी जस्ता फिल्मबाट तेलुगु फिल्म उद्योगमा आफ्नो स्थान बनाए। एजेन्सीको सहयोगमा