असार १८, २०७९ शनिबार | Sat Jul 2 2022

काठमाडौं उपत्यकामा ह्वात्तै बढे कोरोना संक्रमित, एकैदिन ६ हजार ३४३ संक्रमित थपिए



काठमाडौं । सरकारले पछिल्लो २४ घण्टामा काठमाडौं उपत्यकामा ६ हजार ३४३ जनामा कोरोनाभाइरस संक्रमण भएको जानकारी दिएको छ । 
 
बुधबार स्वास्थ्य तथा जनसंख्या मन्त्रालयका अनुसार ६ हजार ३४३ जनामा काठमाडौंमा चार हजार ६६६, ललितपुरमा एक हजार १९ र भक्तपुरमा ५७८ जनामा कोरोना संक्रमण भएको हो । 

यसैबीच पछिल्लो २४ घण्टामा मुलुकभर ११ हजार ३५२ जनामा कोरोना संक्रमण भएको स्वास्थ्य मन्त्रालयले जानकारी दिएको छ । देशभरमा २३ हजार ४०९ वटा नमुना परीक्षण गर्दा ११ हजार ३५२ जनामा कोरोनाभाइरसको संक्रमण पुष्टि भएको जनाइएको छ । 

यस्तै पछिल्लो २४ घण्टामा ६ सय १३ जना संक्रमित निको भएका छन् भने चार जनाको मृत्यु भएको छ । 
 

प्रकाशित मिति : माघ ५, २०७८ बुधबार  १२ : ३३ बजे