• Jan 27 2022 | २०७८, माघ १३गते

२०७८, माघ १३गते

एट्लेटिकोलाई पराजित गर्दै एथ्लेटिको फाइनलमा 

क्यानाडा नेपाल पौष ३० २०७८
  • 276
    SHARES
  • images
    images
    एट्लेटिकोलाई पराजित गर्दै एथ्लेटिको फाइनलमा 

    काठमाडौं - एट्लेटिकोलाई पराजित गर्दै एथ्लेटिको क्लब स्पेनिस सुपर कपको फाइनलमा प्रवेश गरेको छ । बिहीबार राति साउदी अरबमा भएको खेलमा २-१ गोलले पराजित गर्दै एथ्लेटिकोले उपाधिका लागि रियल मड्रिडसँगको भेट पक्का गरेको हो । 

    images

    एथ्लेटिकोका गोलरक्षक उनई सिमोनले आफ्नौ पोष्टमा गोल गरेपछि ६२औ मिनेटमा एट्लेटिकोले अग्रता बनायो । तर, ७७औँ मिनेटमा अल्भारेज र ८१औँ मिनेटमा निको विलियम्सको गोलसँगै एथ्लेटिको खेलमा फर्कियो । 

    खेलको इन्जुरी समयमा मारिया गिमिनेजले रातो कार्ड सामना गरेपछि एट्लेटिको १० खेलाडीमा सीमित बनेको थियो । यसअघि बार्सिलोनालाई ३-२ ले पराजित गर्दै रियल मड्रिड फाइनल यात्रा तय गरिसकेको छ । 

     


    पौष ३०, २०७८ शुक्रवार ०८:२७:५३ बजे : प्रकाशित

    images
    images

    क्यानाडा नेपाल

    अर्कोसमाचार

    वेष्ट इन्डिजविरुद्ध इंग्ल्यान्ड एक रनले विजयी 

  • 164
    SHARES
  • वेष्ट इन्डिजविरुद्ध इंग्ल्यान्ड एक रनले विजयी 

    काठमाडौं - इंग्ल्यान्डले दोस्रो टी-२० खेलमा वेस्टइन्डिजलाई एक रनले पराजित गरेको छ । रोमाञ्चक जितसँगै पाँच टी-२० शृंखला  एक एक बराबरीमा पुगेको छ ।

    images

    यसअघि पहिलो खेलमा वेष्ट इन्डिजले नौ विकेटले जितेको थियो । घरेलु मैदानमा १७२ रनको विजयी लक्ष्य पछ्याएको वेस्टइन्डिजले निर्धारित २० ओभरमा आठ विकेट गुमाउँदै १७० रन बनायो । 

    वेस्टइन्डिजका अकेअलल हुसेन र रोमारियो शेफर्डले समान ४४ रनको योगदान गरे । यस्तै निकोलस पुरनले २४ रन बनाउँदा ड्यारेन ब्राभोले २३ रन बनाए । 

    भ्रमणकारी टोली इंग्ल्यान्डका मोईन अलीले सर्वाधिक तीन विकेट लिए । यस्तै आदिल राशिदले दुई विकेट लिँदा रोस टोपली र क्रिस जोर्डनले समान एक विकेट लिए । यसअघि टस हारेर ब्याटिङ गरेको इंग्ल्यान्डले निर्धारित २० ओभरमा आठ विकेट गुमाउँदै १७१ रन बनायो । 

    उसका जेसन रोयले सर्वाधिक ४५ रन बनाए । यस्तै मोइन अलीले ३१ रन बनाउँदा क्रिस जोर्डनले २७ रन बनाउँदा टम ब्यान्टनले २५ रनको योगदान गरे । वेस्टइन्डिजका फेबिएन एलेन र जेसन होल्डरले समान दुई विकेट लिए । 


    माघ १०, २०७८ सोमवार १३:३८:२४ बजे : प्रकाशित


    क्यानाडा नेपाल

    सर्वाधिक कमाउने खेलाडी हुन् विज्ञापन किङ विराट कोहली, कति छ आम्दानी ?  

  • 220
    SHARES
  • सर्वाधिक कमाउने खेलाडी हुन् विज्ञापन किङ विराट कोहली, कति छ आम्दानी ?  

    काठमाडाैं - भारतीय क्रिकेटर विराट कोहलीले क्रिकेट टिमको कप्तानीबाट राजीनामा दिएपछि उनको ख्यातिमा कस्तो असर पर्ला भनी सर्वत्र चासो राखिएको थियो । टिम इन्डियाका यी सर्वाधिक सफल कप्तानको ख्यातिमा राजीनामापछि पनि कुनै असर नपरेको विश्लेषकहरू बताउँछन् । 

    images

    क्रिकेट खेलबाट नाम कमाएका यी ब्याट्सम्यानलाई विज्ञापनको दुनियाँले अहिले पनि उसैगरी पछ्याइरहेको छ । ठूल्ठूला र राष्ट्रिय-अन्तर्राष्ट्रिय कम्पनीहरूको पहिलो रोजाइको मोडल (ब्रान्ड) यिनै कोहली छन् ।

    कोहली टिम इन्डियाको कप्तान नरहँदा पनि ब्रान्डमा कुनै असर परेको छैन । अहिले पनि उनी जोडिएको ब्रान्ड संख्यामा असर त परेको छैन नै, साथै उनले लिने पारिश्रमिकमा पनि कुनै प्रभाव परेको छैन ।   

    कोहलीको हातमा अहिले पनि ३० भन्दा बढी ब्रान्ड छन् । उनले २०२१ सम्म उनले विज्ञापन खेलेर वार्षिक १७८.७७ करोड भारु आम्दानी गरेका थिए । २०२२ मा पनि सो क्रम जारी रहने देखिएको छ ।

    पुमा इन्डिया तथा दक्षिण पूर्वएसियाका प्रबन्ध निर्देशक अभिषेक गाँगुली भन्छन्, ‘विराटसँथ लामो अवधिको सम्झौता छ र यो हाम्रो कम्पनीको सौभाग्य हो । निश्चित रूपमा विराटले क्रिकेटको कप्तानीबाट राजीनामा दिए र उनी एक शानदार एथलेट हुन् । उनको प्रदर्शन असाधारण छ ।’

    कोहलीसँग जर्मनीको एक कम्पनीले २०१७ मा आठ वर्षका लागि ११० करोड रुपैयाँमा सम्झौता गरेको थियो, जुन अद्यापि जारी छ । कोहली पुमा स्पोर्ट्सवियर, हिरो टु ह्विलर्स, एमआरएफ टायर, अडी कार, फेसन प्लेटफर्म मिन्त्रा, अमेरिकन टुरिस्टर लगेज, भिभो स्मार्टफोन, हाइपरिस वेलनेस, क्लोदिङ तथा एक्सेसरिज ब्रान्ड रोनलगायत थुप्रै ब्रान्डसँग आवद्ध छन् ।

    विश्लेषकहरूका अनुसार, जसरी एमएस धोनीले कप्तानी छाडेपछि पनि उनको ब्रान्ड भ्याल्युमा कुनै कमी आएन, त्यसरी नै कोहलीको ब्रान्ड भ्याल्यु वृद्धि भइरहेको छ । कोहली सोसल मिडियामा उत्तिकै सक्रिय छन्, उनका फलोअर्स बढ्ने क्रम जारी छ । 

    कोहली २०२१ मा हापर इन्स्टाग्राम रिचमा सर्वोच्च र्‍यांकिङ लिस्टमा पर्ने भारतीय नागरिक बनेका थिए । हापरका अनुसार, विराट कोहलीले इन्स्टाग्राममा प्रत्येक प्रोमोसनल पोस्टका लागि करिब पाँच करोड भारु पाउँछन् ।
     

     


    माघ १०, २०७८ सोमवार १३:५९:०९ बजे : प्रकाशित


    क्यानाडा नेपाल

    पाकिस्तानका अफ्रिदी 'आईसीसी क्रिकेटर अफ दि इयर ' घोषित

  • 158
    SHARES
  • पाकिस्तानका अफ्रिदी 'आईसीसी क्रिकेटर अफ दि इयर ' घोषित

    काठमाडौं - पाकिस्तानका तीव्र गतिका बलर साहिन शाह अफ्रिदी आईसीसी ‘क्रिकेटर अफ दि इयर’ घोषित भएका छन् ।  सन् २०२१ मा ३६ अन्तर्राष्ट्रिय खेल खेलेका अफ्रिदीले २२ दशमलव २० को औसतमा ७८ विकेट हात पारे ।

    images

    गत वर्ष विशेषतः अफ्रिदीले टेस्ट र टी-२० क्रिकेटमा निकै राम्रो छाप छोडे । टी-२० विश्वकपमा आफ्नो ‘पिक प्वाइन्ट’ मा रहेका अफ्रिदीले प्रतियोगितामा विश्व क्रिकेटका हस्तिहरूलाई पछि पारे ।

    पाकिस्तानले सेमिफाइनलसम्मको यात्रा तय गर्दा अफ्रिदीले ६ खेलमा सात विकेट लिए । गत वर्ष क्रिकेटको सबैभन्दा सानो संरचनामा २१ अन्तर्राष्ट्रिय खेल खेलेका अफ्रिदीले २३ विकेट लिए ।

    विश्वकपमा चिरप्रतिद्वन्द्वी भारतविरुद्धको उनको स्पेल सबैभन्दा स्मरणीय रह्यो । चार ओभरमा ३१ रन खर्चिएर तीन विकेट लिँदा उनको बलमा पभेलियन फर्किने ब्याटरमा भारतीय टोलीका तत्कालीन कप्तान विराट कोहलीसहित ओपनरद्वय रोहित शर्मा र लोकेश राहुल थिए ।


    माघ १०, २०७८ सोमवार २०:१०:५६ बजे : प्रकाशित


    क्यानाडा नेपाल

    मौरिसससँगको टिकट दर एक हजार र ५०० ताेकियाे

  • 158
    SHARES
  • मौरिसससँगको टिकट दर एक हजार र ५०० ताेकियाे

    काठमाडौं - अखिल नेपाल फुटबल संघ (एन्फा) ले मौरिसससँग हुने दुई मैत्रीपूर्ण खेलको टिकट दर तोकेको छ । 

    images

    १५ र १८ माघमा हुने दुई मैत्रीपूर्ण खेलको भीआईपी तर्फ एक हजार र सामान्य तर्फ ५०० रुपैयाँकाे टिकट दर ताेकेकाे एन्फाले जनाएकाे छ । 

    दुबै खेल दशरथ रंगशालामा साँझ पौने ५ बजे सुरु हुनेछ । 


    माघ ११, २०७८ मंगलवार १८:२६:३४ बजे : प्रकाशित


    क्यानाडा नेपाल

    सेनेगल र मोरोक्को अफ्रिका कप अफ नेसन्सको क्वाटरफाइनलमा प्रवेश

  • 118
    SHARES
  • सेनेगल र मोरोक्को अफ्रिका कप अफ नेसन्सको क्वाटरफाइनलमा प्रवेश

    काठमाडौ - नौ खेलाडीमा सीमित केप भर्डेलाई २-० ले पराजित गर्दै सेनेगल मंगलबार राति अफ्रिका कप अफ नेसन्सको क्वाटरफाइनलमा प्रवेश गरेको छ । सेनेगलको जितमा साडियो माने र बाम्बा डीइङले १-१ गोल गरे । ६३औं मिनेटमा मानेले गोल गर्दै सेनेगललाई अग्रता दिलाए ।

    images

    त्यसपछि खेलको इन्जुरी समयमा बाम्बाले गोल गर्दै सेनेगललाई २-० को जित दिलाए । खेलमा भर्डे ९ खेलाडीमा समेटिएको थियो । भर्डेका प्याट्रिकले २१औँ मिनेट र भोजिन्हाले ५७औँ मिनेटमा रातो कार्ड सामना गरेका थिए । 

    अब सेनेगलले अन्तिम चार प्रवेशका लागि माली र गिनीबीचको विजेतासँग खेल्नेछ । गए राति नै भएको खेलमा विजयी हुँदै मोराेक्को अन्तिम आठमा प्रवेश गरेकाे छ । अर्चराफ हाकिमी र युसुफले गोल गरेपछि मोराेक्कोले मालवीलाई २-१ को नतिजाले पराजित गरेकाे हाे  । 

    मालवीको लागि गबादिन्होले सान्त्वना गोल गरे । अब सेमिफाइनल प्रवेशका लागि मोराेक्कोले आइभरी कोस्ट र इजिप्टबीचको विजेतासँग खेल्नेछ ।


    माघ १२, २०७८ बुधवार ०९:२०:२३ बजे : प्रकाशित


    क्यानाडा नेपाल

    राष्ट्रिय टोलीमा स्थान बनाउने यी हुन् नौ नयाँ अनुहार 

  • 172
    SHARES
  • राष्ट्रिय टोलीमा स्थान बनाउने यी हुन् नौ नयाँ अनुहार 

    काठमाडौं - अखिल नेपाल फुटबल संघ (एन्फा)ले मौरिसससँग हुने दुई मैत्रीपूर्ण खेलका लागि दुई टोली घोषणा गरेको छ ।  प्रशिक्षक अब्दुल्लाह अल्मुताइरीले १५ र १८ माघमा दशरथ रंगशालामा हुने दुई खेलका लागि दुई टिम बनाउँदै ३४ खेलाडीलाई नै अवसर दिएका हुन् । जहाँ उनले पहिलो पटक प्रारम्भिक अभ्यासमा स्थान पाएका नौ खेलाडीलाई नै स्थान दिएका छन् । 

    images

    नयाँ खेलाडीमाध्ये गोलरक्षकमा टिकेन्द्र थापा, शत्रुघन चौधरी, मिडफिल्डर सुदीप गुरुङ, आकाश बुढा मगर, नवीन गुरुङ, आशिष राई, सुशिल राई फरवार्डमा कृतिश रत्न छुन्जु र प्रशान्त अवस्थी रहेका छन् । यस्तै, प्रशिक्षक अब्दुल्लाहले जगजित श्रेष्ठ, विमल घर्ती मगर, दर्शक गुरुङ, सुभाष गुरुङ, एरिक विष्ट र देवेन्द्र तामाङलाई पुनरागमन गराएका छन् ।  

    टिकेन्द्र थापा
    गोलरक्षक टिकेन्द्र नेपाली फुटबलमा परिचित नाम हो । जावलाखेल युथ क्लबबाट व्यवसयिक फुटबल खेलिरहेका टिकेन्द्रले पहिलो पटक राष्ट्रिय टोलीको प्रारम्भिक अभ्यासमा मौका पाएका थिए । उनी पहिलो अवसरमै प्रशिक्षक अब्दुल्लाहको नजरमा पर्न सफल भएका हुन् । अघिल्ला दुई लिग समेत जावलाखेलबाट खेलेका टिकेन्द्रले पहिलो फ्रेन्चाइज नेपाल सुपर लिगमा भने धनगढी एफसीमा आवद्ध भए पनि अवसर पाएनन् । 

    शत्रुघन चौधरी
    विभागीय टोली नेपाल पुलिस क्लबका गोलरक्षक शत्रुघन चौधरी पहिलो पटक राष्ट्रिय टोलीमा स्थान बनाएका हुन् । जारी लिगमा उत्कृष्ट प्रदर्शन गर्दै प्रशिक्षक अब्दुल्लाहको नजरमा परेका शत्रुघन पुलिसका समेत पहिलो रोजाइका खेलाडी हुन् । उनले ०७५, ०७६ सालकाे लिगमा समेत पुलिसको गोलपोष्ट समाल्हेका छन् । पहिलो फ्रेन्चाईज सुपर लिगमा भने शत्रुघनले बुटवल लुम्बिनी एफसीबाट दोस्रो रोजाइमा रहेर खेले । 

    सुदिप गुरुङ
    सुदिप गुरुङ समेत राष्ट्रिय टोलीका लागि नयाँ अनुहार हुन् । नवप्रवेशी सातदोबाटोले शीर्ष डिभिजनको पहिलो अनुभव लिएजस्तै सुदीपले समेत पहिलो पटक जारी सहिद स्मारक लिगको अनुभव बटुलेका हुन् । मिडफिल्डर सुदीप बल होल्ड गर्न, लामाे सट प्रहार गर्न र विपक्षी रक्षापंक्तिमा दबाब बढाउन सिपालु छन् । ए डिभिजन लिग खेल्नुअघि सुदीपले सातदोबाटोबाट बी डिभिजन लिग खेलेका थिए । जारी लिगमा समेत उनको प्रदर्शन उच्च छ । 

    आकाश बुढा मगर
    आकाश एन्फा एकेडेमीका उत्पादक हुन् । सातदोबाटोलाई जारी लिगमा उत्कृष्ट प्रदर्शन दिएका आकाश पहिलो पटक राष्ट्रिय टोलीमा स्थान बनाएका हुन् । एन्फा एकेडेमीसँगै आकाशले नेपालको यू-१५, १६ , १८ र १९ टोलीमा समेत खेलेका छन् । पछिल्लो राष्ट्रिय टोलीमा स्थान बनाउने आकाश एन्फा एकेडेमीका एक्ला मिडफिल्डर हुन् । 

    नवीन गुरुङ
    न्यू रोड टिम एनआरटीका नवीन पनि पहिलो पटक राष्ट्रिय टोलीमा परेका हुन् । लेफ्ट ब्याक नवीनलाई प्रशिक्षक अब्दुल्लाहले पहिलो अवसरमै टोलीमा अवसर दिएका छन् । युवा नवीन लेफ्ट ब्याकबाट बल बढाएर क्रस गर्न माहिर छन् । 

    आशिष राई
    आशिष राईले च्यासल युथ क्लबबाट उत्कृष्ट प्रदर्शन गरिरहेका छन् । उनले पहिलो अवसरमै टोलीमा स्थान बनाएका हुन् । प्रशिक्षक अब्दुल्लाहले अन्तिममा आशिषलाई प्रशिक्षणका लागि अवसर दिएका थिए । 

    सुशिल राई
    जारी लिगमा उत्कृष्ट प्रदर्शन गर्ने खेलाडी हुने सुशिल राई । सातदोबाटोका लागि खेलिरहेका सुशिललाई शीर्ष डिभिजनमा थ्रीस्टारबाट समेत खेलेको अनुभव रहेको छ । सुशिल पहिलो अवसरमै राष्ट्रिय टोलीमा स्थान बनाउन सफल भएका हुन् । 

    कृतिश रत्न छुन्जु
    जारी लिगमा उत्कृष्ट प्रदर्शन गरिरहेका कृतिश पहिलो पटक राष्ट्रिय टोलीको बन्द प्रशिक्षणमा परेका थिए र पहिलो अवसरमै टोलीमा स्थान बनाए । लिगमा न्युरोड टिम एनआरटीबाट अग्रपंक्तिमा खेलिरहेका कृतिशले मैदानमा भने कम अवसर पाएका छन् । कृतिश नेपाली फुटबलले पाएको नयाँ नाम समेत हो । 

    प्रशान्त अवस्थी
    जारी लिगको नवौं खेलमा कीर्तिमानी आठौं पटक सहिद स्मारक ए डिभिजन लिग विजेता मनाङ मर्स्याङ्दीविरुद्ध उत्कृष्ट प्रदर्शन गरेपछि सातदोबाटो युथका क्लबका प्रशान्त अवस्थी पहिलो पटक राष्ट्रिय टोलीमा कल भएका थिए । प्रशिक्षक अब्दुल्लाहको सुरुआती प्रशिक्षण लिष्टमा नपरेका प्रशान्त मनाङविरुद्ध मैदानमा छाएपछि अन्तिम समयमा बोलाइएका हुन् । अभ्यासमा समेत आफूलाई प्रमाणित गरेपछि प्रशान्त राष्ट्रिय टोलीमा पहिलो अवसरमै पर्न सफल भए । 
     


    माघ १२, २०७८ बुधवार १३:२९:३० बजे : प्रकाशित


    क्यानाडा नेपाल