• Dec 07 2021 | २०७८, मंसिर २१गते

२०७८, मंसिर २१गते

स्ट्यान्डर्ड चार्टर्डको १३ दशमलव लाभांश सुरक्षित गर्ने आज अन्तिम मौका

क्यानाडा नेपाल मंसिर ९ २०७८
  • 258
    SHARES
  • images
    images
    स्ट्यान्डर्ड चार्टर्डको १३ दशमलव लाभांश सुरक्षित गर्ने आज अन्तिम मौका

    काठमाडौं - स्ट्यान्डर्ड चार्टर्ड बैंकको १३ दशमलव ०६ प्रतिशत लाभांश सुरक्षित गर्ने बिहीबार अन्तिम दिन हाे । बैंकले साधारणसभा तथा लाभांश वितरण गर्ने उद्देश्यले १० मंसिरमा बुक क्लोज गर्दैछ । 

    images

    बैंकले हाल कायम चुक्ता पुँजीको १० प्रतिशतका दरले बोनस सेयर र बोनस सेयर तथा नगद लाभांशमा लाग्ने करसहित गरी तीन दशमलव ०६ प्रतिशत नगद लाभांश गरी कुल १३ दशमलव ०६ प्रतिशत लाभांश वितरण गर्ने घोषणा गरेको प्रस्ताव पारित गर्न बैंकले २८ मंसिरमा ३५औँ वार्षिक साधारणसभा आह्वान गरेको छ । सभा बैंकको आफ्नै प्रधान कार्यालय, नयाँ बानेश्वर, काठमाडौंमा भिडियो कन्फ्रेन्सको माध्यमबाट बिहान १० बजे सुरु हुनेछ । 

    सभामा बैंकको प्रबन्धपत्र संशोधन गर्ने, लेखापरीक्षक नियुक्त गर्नेलगायतका प्रस्तावहरू पारित हुनेछ।


    मंसिर ९, २०७८ बिहिवार १०:३०:४२ बजे : प्रकाशित

    images
    images
  • सम्बन्धित विषय:

  • # स्ट्यान्डर्ड चार्टर्ड बैंक

  • क्यानाडा नेपाल

    अर्कोसमाचार

    दोहोरो अंकले बढ्यो शेयर बजार 

  • 150
    SHARES
  • दोहोरो अंकले बढ्यो शेयर बजार 

    काठमाडौं - साताको दोस्रो कारोबार दिन सोमबार शेयर बजार दोहोरो अंकले बढेको छ । आज नेप्से परिसूचक ३२ दशमलव २२ अंकले बढेर दुई हजार पाँच सय ४६ दशमलब ८ बिन्दुमा पुगेर कारोबार बन्द भएको छ । 

    images

    आज दुई सय २७ कम्पनीकोे ६९ हजार आठ सय ८८ कित्ता शेयर खरिदबिक्री हुँदा कुल चार अर्ब ५४ करोड २३ लाख ४५ हजार दुई सय ७१ रुपैयाँको कारोबार भएको छ । कारोबारको आधारमा सबैभन्दा बढी नविल बैंकको शेयर काराेबार भएको छ । यस बैंकको १७ करोडभन्दा बढीको शेयर कारोबार भएको छ ।      

    आज सबै समूहको सूचकमा हरियाली छाए पनि तीन दशमलव ४५ प्रतिशतभन्दा माथि पुग्न सकेका छैनन् । आज उच्च नाफा कमाउनेमा मेरो माइक्राे फाइनान्स वित्तिय संसथाका लगानीकर्ताहरू रहेका छन् । यस कम्पनीको शेयर मूल्य १० प्रतिशतले बढेको छ । त्यस्तै, आज जनउत्थान सामुदायिक लघुवित्त र न्यादी हाइड्रो पावरको शेयर मूल्यमा उच्च गिरावट आएको छ । जनउत्थान सामुदायिक लघुवित्त कम्पनीको शेयर मूल्य ६ प्रतिशतभन्दा बढीले घटेको छ । 
     


    मंसिर २०, २०७८ सोमवार १७:५८:०० बजे : प्रकाशित

  • सम्बन्धित विषय:

  • # नेप्से

  • क्यानाडा नेपाल

    बढ्न थाल्यो बैंकहरूमा निक्षेप 

  • 186
    SHARES
  • बढ्न थाल्यो बैंकहरूमा निक्षेप 

    काठमाडौं - केही समययता घटेको बैंकहरूको निक्षेप पुनः बढ्न थालेको छ । मंसिरको पहिलो र दोस्रो सातामा निक्षेप घटेकोमा तेस्रो सातामा निक्षेप वृद्धि भएको नेपाल बैंकर्स संघले जनाएको छ । 

    images

    संघका अनुसार बाणिज्य बैंकहरूबाट मंसिर पहिलो साता आठ अर्ब र दोस्रो साता ६ अर्व रुपैयाँ निक्षेप घटेको थियो । मंसिर ११ देखि १७ गतेसम्ममा भने बैंकहरुको निक्षेप सात अर्ब रुपैयाँले वृद्धि भएको छ । 

    निक्षेपसँगै बैंकहरूको कर्जा लगानी पनि वृद्धि भएको छ । मंसिर पहिलो सात अर्ब लगानी बढाएका बैंकहरूले दोस्रो र तेस्रो साता १४/१४ अर्व रुपयाँ लगानी विस्तार गरेका छन् । 

    १७ मंसिसम्म बाणिज्य बैंकहरूले ४२ खर्व २६ अर्ब रुपैयाँ निक्षेप संकलन गरी ४० खर्ब ६९ अर्व कर्जा प्रवाह गरेको संघले जानकारी दिएको छ । पछिल्लो समय कर्जा विस्तारको तुलनामा निक्षेप वृद्धि नहुँदा बैंकहरूले तरलता अभावको समस्या भोगिरहेका छन् । 


    मंसिर २०, २०७८ सोमवार १८:२८:५५ बजे : प्रकाशित

  • सम्बन्धित विषय:

  • # बैंक

  • क्यानाडा नेपाल

    फेरि बढ्यो अमेरिकी डलरसहित सबै देशको विनिमयदर 

  • 312
    SHARES
  • फेरि बढ्यो अमेरिकी डलरसहित सबै देशको विनिमयदर 

    काठमाडौं । मंगलबार पनि अमेरिकी डलरसहित अन्य देशको विनिमयदर बढेको छ । नेपाल राष्ट्र बैंकले तोकेको विनिमयदर अनुसार एक अमेरिकी डलरको खरिददर १ सय २० रुपैयाँ ३८ पैसा तोकिएको छ भने बिक्रिदर १ सय २० रुपैयाँ ९८ पैसा तोकिएको छ । 
     
    एक मलेसिया रिंगिटको खरिददर २८ रुपैयाँ ४५ पैसा तोकिएको छ भने बिक्रिदर २८ रुपैयाँ ५९ पैसा तोकिएको छ । एक कुवेती दिनारको खरिददर ३ सय ९७ रुपैयाँ ७९ पैसा तोकिएको छ भने बिक्रिदर ३ सय ९९ रुपैयाँ ७७ पैसा तोकिएको छ। 
     
    एक बहराइन दिनारको खरिददर ३ सय १९ रुपैयाँ ३१ पैसा तोकिएको छ भने बिक्रिदर ३ सय २० रुपैयाँ ९० पैसा तोकिएको छ। एक कतारी रियालको खरिददर ३३ रुपैयाँ ६ पैसा तोकिएको छ भने बिक्रिदर ३३ रुपैयाँ २३ पैसा तोकिएको छ ।
     
    एक युरोको खरिददर १ सय ३५ रुपैयाँ ३ पैसा रहेको छ भने बिक्रीदर १ सय ३६ रुपैयाँ ७१ पैसा रहेको छ । एक साउदी रियालको खरिददर ३२ रुपैयाँ ९ पैसा तोकिएको छ भने बिक्रिदर ३२ रुपैयाँ २५ पैसा तोकिएको छ । 

    images

    त्यस्तै कोरियन वन एक सयको खरिददर १० रुपैयाँ २० पैसा तोकिएको छ भने बिक्रीदर १० रुपैयाँ २५ पैसा तोकिएको छ । एक युके पाउण्ड स्ट्रलिङको खरिददर १ सय ५९ रुपैयाँ ६१ पैसा तोकिएको छ भने बिक्रिदर १ सय ६०  रुपैयाँ ४० पैसा तोकिएको छ।  

    त्यस्तै जापानी यनको खरिददर १० रुपैयाँ ६३ पैसा तोकिएको छ भने बिक्रिदर १० रुपैया ६८ पैसा तोकिएको छ । यस्तै एक अस्ट्रेलियन डलरको खरिददर ८४ रुपैयाँ ६० पैसा रहेको छ भने बिक्रीदर ८५ रुपैयाँ २ पैसा रहेको छ । 

    kk.png


    मंसिर २१, २०७८ मंगलवार ०८:२९:३९ बजे : प्रकाशित

  • सम्बन्धित विषय:

  • # विनिमयदर

  • क्यानाडा नेपाल

    सुदूरपश्चिममा बैंकहरूको निक्षेप खर्ब नाघ्यो, सबैभन्दा बढी कर्जा प्रवाह कैलालीमा

  • 148
    SHARES
  • सुदूरपश्चिममा बैंकहरूको निक्षेप खर्ब नाघ्यो, सबैभन्दा बढी कर्जा प्रवाह कैलालीमा

    काठमाडौं - सुदूरपश्चिम प्रदेशमा बैंक तथा वित्तीय संस्थाको कुल निक्षेप एक खर्बभन्दा माथि पुगेको छ । प्रदेशभित्र बैंक तथा वित्तीय संस्थाको शाखा विस्तार बढ्दै वित्तीय साक्षरता र बढ्दो आर्थिक क्रियाकलापका कारण बैंकिङ कारोबार वृद्धि भएको हो ।

    images

    नेपाल राष्ट्र बैंकको धनगढी कार्यालयले गरेको प्रादेशिक आर्थिक गतिविधिसम्बन्धी अध्ययनमा २०७८ असारसम्म सुदूरपश्चिम प्रदेशमा बैंक तथा वित्तीय संस्थाको कुल निक्षेप २०७७ असारको तुलनामा २०.२२ प्रतिशतले वृद्धि भई १ खर्ब ९ अर्ब २४ करोड रुपैयाँ पुगेको छ । गत वर्ष यस्तो निक्षेप २९.५४ प्रतिशतले वृद्धि भएको थियो ।

    प्रदेशभित्र बैंक तथा वित्तीय संस्थाले प्रवाह गरेको कर्जा २०७७ असार मसान्तको तुलनामा ३६.२० प्रतिशतले वृद्धि भई १ खर्ब २७ अर्ब २९ करोड रुपैयाँ पुगेको छ । गत वर्ष यस्तो कर्जा १८.७२ प्रतिशतले वृद्धि भएको राष्ट्र बैंकले जनाएको छ ।

    बैंक तथा वित्तीय संस्थाले संकलन गरेको निक्षेपमा कैलाली जिल्लाको अंश सबैभन्दा बढी अर्थात् ४७.२५ प्रतिशत र बाजुरा जिल्लाको अंश सबैभन्दा कम अर्थात् २.८१ रहेको छ ।

    कर्जामा कैलाली जिल्लाको अंश सबैभन्दा बढी अर्थात् ६८.८२ प्रतिशत र बाजुरा जिल्लाकोअंश सबैभन्दा कम ०.९४ प्रतिशत रहेको छ ।

    २०७८ असार मसान्तसम्म सुदूरपश्चिम प्रदेशमा वाणिज्य बैंकका ३१७, विकास बैंकका ४६, वित्त कम्पनीका ६ तथा लघुवित्त वित्तीय संस्थाका ४०८ गरी जम्मा ७ सय ७७ शाखा सञ्चालनमा रहेका छन् । यसमध्ये कैलाली जिल्लामा सबैभन्दा बढी ३४४ तथा बाजुरा जिल्लामा सबैभन्दा कम २६ शाखा सञ्चालनमा रहेको प्रतिवेदनले औँल्याएको छ । 

    बैंकको कर्जामध्ये सेवा क्षेत्रमै बढी कर्जा प्रवाह भएको छ । सेवा क्षेत्रमा प्रवाह गरेको कर्जा २०७७ असार मसान्तको तुलनामा ४७.६२ प्रतिशतले बढेर ८६ अर्ब २६ करोड पुगेको छ । यसैगरी कृषि क्षेत्रमा प्रवाहित कर्जा २०७७ असार मसान्तको तुलनामा ४७.६३ प्रतिशतले वृद्धि भई १२ अर्ब ८ करोड पुगेको छ । बैंकको कर्जामध्ये ८६ प्रतिशत सेवा क्षेत्रमा र ९ प्रतिशत कृषिमा प्रवाह भएको अध्ययनमा पाइएको छ । 


    मंसिर २१, २०७८ मंगलवार १०:५०:५० बजे : प्रकाशित


    क्यानाडा नेपाल

    घट्यो सुनचाँदीको मूल्य, कुनको कति पुग्यो ?

  • 198
    SHARES
  • घट्यो सुनचाँदीको मूल्य, कुनको कति पुग्यो ?

    काठमाडौं - मंगलबार नेपाली बजारमा सुनको मूल्य घटेको छ । सोमबार स्थिर रहेको सुनको मूल्य आज तोलामा २ सय रुपैयाले घटेको हो ।  
     
    सोमबार तोलाको ९२ हजार रुपैयाँमा कारोबार भएको छापावाल सुनको मूल्य आज घटेर तोलाको ९१ हजार ८ सय रुपैयामा कारोबार भइरहेको नेपाल सुनचाँदी व्यवसायी महासंघले जनाएको छ ।
     
    यस्तै आज तेजाबी सुनको मूल्य प्रतितोला ९१ हजार ३ सय रुपैयाँमा कारोबार भइरहेको छ । त्यस्तै आज चाँदीको मूल्य पनि घटेको छ । आज चाँदीको मूल्य तोलामा १० रुपैयाले घटेर प्रतितोला ११ सय ९० रुपैयाँ कारोबार भइरहेको छ ।  

    images

     


    मंसिर २१, २०७८ मंगलवार ११:४०:५७ बजे : प्रकाशित

  • सम्बन्धित विषय:

  • # सुनको मूल्य

  • क्यानाडा नेपाल

    साना किसान र मनकामना स्मार्ट लघुवित्तको लाभांश स्वीकृत 

  • 126
    SHARES
  • साना किसान र मनकामना स्मार्ट लघुवित्तको लाभांश स्वीकृत 

    काठमाडौं - नेपाल राष्ट्र बैंकले साना किसान विकास  र मनकामना स्मार्ट लघुवित्त वित्तीय संस्थाको लाभांशलाई स्वीकृत गरेको छ । 

    images

    साना किसानको सञ्चालक समितिले आर्थिक वर्ष २०७७/७८ सम्मको को संचित मुनाफाबाट २५ प्रतिशत बोनस सेयर र त्यसमा लाग्ने कर प्रयोजनका लागि १.३१ प्रतिशत नगद लाभांश दिने प्रस्ताव गरेको थियो । हाल एक अर्व २५ करोड सेयर पुँजी रहेको कम्पनीको उक्त लाभांश वितरणपछि पुँजी डेढ अर्व नाघ्नेछ । 

    यसैगरी मनकामना स्मार्ट लघुवित्त वित्तीय संस्थाको पनि १७ प्रतिशत बोनस सेयरलाई राष्ट्र बैंकले स्वीकृत गरेको छ । दुवै कम्पनीका साधारणसभाबाट पारित गरेपछि उक्त लाभांश वितरण हुनेछ । 

     


    मंसिर २१, २०७८ मंगलवार ११:४७:३३ बजे : प्रकाशित


    क्यानाडा नेपाल

    images
    images
    images
    images
    ताजा खबर