• Dec 07 2021 | २०७८, मंसिर २१गते

२०७८, मंसिर २१गते

बंगलादेशमा हिन्दु समुदायमाथि भएको आक्रमणविरुद्ध बागलुङमा प्रदर्शन

क्यानाडा नेपाल कार्तिक ४ २०७८
  • 530
    SHARES
  • images
    images
    बंगलादेशमा हिन्दु समुदायमाथि भएको आक्रमणविरुद्ध बागलुङमा प्रदर्शन

    बागलुङ - बंंगलादेशका हिन्दु समुदायमाथि भएको आक्रमणको विरुद्धमा बागलुङका हिन्दु धर्मसँग सम्बन्धित संघ संगठनले संयुक्त रुपमा विरोध गरेका छन् । 

    images

    विभिन्न १६ वटा धार्मिक संघ संगठनले उक्त घटनाको विरोध गर्दै तत्काल अल्पसंख्यको सुरक्षा गर्न माग गरेका हुन् । हिन्दुमाथिको आक्रमण नरोकिए नेपालमा त्यसको मूल्य चुकाउनु पर्ने चेतावनी पनि दिएका छन् । 

    जिल्लामा क्रियाशिल हिन्दुधर्मसँग सम्बन्धित संगठनले संयुक्त रुपमा जिल्ला प्रशासन कार्यालयमार्फत प्रधानमन्त्री कार्यालयलाई ज्ञापन पत्र बुझाउँदै बंगलादेशका हिन्दु समुदायको सुरक्षित रुपमा बाँच्न पाउने तथा आफ्नो धर्मसंस्कृति अवलम्बन गर्न पाउने अधिकार सुनिश्चित माग गरेका छन् । 

    हिन्दु समुदायको सुरक्षा र मानव अधिकारको रक्षाको लागि नेपालका प्रधानमन्त्रीले सम्बन्धित देशसँग आवश्यक समन्वय गर्न ज्ञापनपत्रमार्फत आग्रह गरिएको छ । वैदिक सनातन हिन्दु धर्ममा भएको सहिष्णुता तथा शान्तिप्रिय स्वभावलाई कमजोरी नठान्न उनीहरुले चेतावनी दिएका छन् । 

    बंगलादेशमा हिन्दु समुदायविरुद्धको सांघातिक आक्रमणमा पाँच जना धर्मगुरुसहित पन्ध्र जना हिन्दुको हत्या गरिएको छ भने सयभन्दा बढी हिन्दुको घर जलाइएको र सयौ हिन्दु नारी बलात्कृत भएको घटना त्रासदीपूर्ण तथा आतातायी भएकोले घटनामा संलग्न अदिवादीलाई  कडा कारवाहीको माग गरेको विश्व हिन्दु महासंघ बागलुङका अध्यक्ष हरि शर्माले बताए । 

    हिन्दु समुदायविरुद्धको संघातिक आक्रमणबाट विश्वभरका हिन्दु सनातन धर्मावलम्बीहरु मर्माहत भएको नेपाल अन्तर्राष्ट्रिय कृष्ण भावनामृत संघ बागलुङका प्रमुख अच्युत दासले बताए । धार्मिक युद्ध निम्त्याउने गरी भएको आक्रमण रोकेर दोषीलाई कडा कारवाही नभए थप आन्दोलनका कार्यक्रम घोषण गर्ने उनले बताए । 

    हिन्दु समुदायमाथि भइरहेको आक्रमण र मठमन्दिरमा भएको तोडफोड तथा आगजनी नियन्त्रणमा नलिए त्यसको परिमाण राम्रो नहुने स्वामी ऋषि प्रपान्चार्यले चेतावनी दिए । संख्याको आधारमा कसैले कुनै समुदायमाथि अत्याचार गरे त्यसले ठूलो रुप लिन सक्ने उनको भनाइ छ ।न्युज कारखाना

     


    कार्तिक ४, २०७८ बिहिवार १८:३२:५० बजे : प्रकाशित

    images
    images
  • सम्बन्धित विषय:

  • # बंगलादेश

  • क्यानाडा नेपाल

    अर्कोसमाचार

    बंगलादेशमा हिन्दु समुदायमाथि भएको आक्रमणविरुद्ध बागलुङमा प्रदर्शन

  • 530
    SHARES
  • बंगलादेशमा हिन्दु समुदायमाथि भएको आक्रमणविरुद्ध बागलुङमा प्रदर्शन

    बागलुङ - बंंगलादेशका हिन्दु समुदायमाथि भएको आक्रमणको विरुद्धमा बागलुङका हिन्दु धर्मसँग सम्बन्धित संघ संगठनले संयुक्त रुपमा विरोध गरेका छन् । 

    images

    विभिन्न १६ वटा धार्मिक संघ संगठनले उक्त घटनाको विरोध गर्दै तत्काल अल्पसंख्यको सुरक्षा गर्न माग गरेका हुन् । हिन्दुमाथिको आक्रमण नरोकिए नेपालमा त्यसको मूल्य चुकाउनु पर्ने चेतावनी पनि दिएका छन् । 

    जिल्लामा क्रियाशिल हिन्दुधर्मसँग सम्बन्धित संगठनले संयुक्त रुपमा जिल्ला प्रशासन कार्यालयमार्फत प्रधानमन्त्री कार्यालयलाई ज्ञापन पत्र बुझाउँदै बंगलादेशका हिन्दु समुदायको सुरक्षित रुपमा बाँच्न पाउने तथा आफ्नो धर्मसंस्कृति अवलम्बन गर्न पाउने अधिकार सुनिश्चित माग गरेका छन् । 

    हिन्दु समुदायको सुरक्षा र मानव अधिकारको रक्षाको लागि नेपालका प्रधानमन्त्रीले सम्बन्धित देशसँग आवश्यक समन्वय गर्न ज्ञापनपत्रमार्फत आग्रह गरिएको छ । वैदिक सनातन हिन्दु धर्ममा भएको सहिष्णुता तथा शान्तिप्रिय स्वभावलाई कमजोरी नठान्न उनीहरुले चेतावनी दिएका छन् । 

    बंगलादेशमा हिन्दु समुदायविरुद्धको सांघातिक आक्रमणमा पाँच जना धर्मगुरुसहित पन्ध्र जना हिन्दुको हत्या गरिएको छ भने सयभन्दा बढी हिन्दुको घर जलाइएको र सयौ हिन्दु नारी बलात्कृत भएको घटना त्रासदीपूर्ण तथा आतातायी भएकोले घटनामा संलग्न अदिवादीलाई  कडा कारवाहीको माग गरेको विश्व हिन्दु महासंघ बागलुङका अध्यक्ष हरि शर्माले बताए । 

    हिन्दु समुदायविरुद्धको संघातिक आक्रमणबाट विश्वभरका हिन्दु सनातन धर्मावलम्बीहरु मर्माहत भएको नेपाल अन्तर्राष्ट्रिय कृष्ण भावनामृत संघ बागलुङका प्रमुख अच्युत दासले बताए । धार्मिक युद्ध निम्त्याउने गरी भएको आक्रमण रोकेर दोषीलाई कडा कारवाही नभए थप आन्दोलनका कार्यक्रम घोषण गर्ने उनले बताए । 

    हिन्दु समुदायमाथि भइरहेको आक्रमण र मठमन्दिरमा भएको तोडफोड तथा आगजनी नियन्त्रणमा नलिए त्यसको परिमाण राम्रो नहुने स्वामी ऋषि प्रपान्चार्यले चेतावनी दिए । संख्याको आधारमा कसैले कुनै समुदायमाथि अत्याचार गरे त्यसले ठूलो रुप लिन सक्ने उनको भनाइ छ ।न्युज कारखाना

     


    कार्तिक ४, २०७८ बिहिवार १८:३२:५० बजे : प्रकाशित

  • सम्बन्धित विषय:

  • # बंगलादेश

  • क्यानाडा नेपाल

    मेक्सिकोबाट अवैध रूपमा यसरी अमेरिका छिर्छन् नेपाली 

  • 754
    SHARES
  • मेक्सिकोबाट अवैध रूपमा यसरी अमेरिका छिर्छन् नेपाली 

    कोलम्बिया (बोगटा) - अधिकांश नेपाली युवाले सपनाको मुलुक अमेरिका जाने सपना देखेका हुन्छन्, जुन अस्वभाविक होइन । दुई दशकयता डिभी चिट्ठाबाट हजारौं नेपाली अमेरिका पुगिसकेका छन् । अन्य कानुनी प्रक्रियाबाट अमेरिका पुगेका नेपालीको संख्या पनि निक्कै छ। त्यही भएर पनि नेपाली जुनसुकै मूल्य चुकाएर भए पनि अमेरिका छिर्न लालयित हुन्छन् ।

    images

    मानव तस्करको सञ्जालसँग केही न केही सम्बन्ध भएका स्थानीय दलाल ‘ग्राहक’ खोज्न गाउँ-गाउँ पस्छन् ।उनीहरूले गाउँका युवालाई ग्यारेन्टीका साथ अमेरिका पुर्‍याइदिने सपना बाँड्छन्, अनेक प्रलोभन देखाउँछन्। यसरी दूरदराजका युवा अमेरिका उडाइदिने सर्तमा मानव तस्करलाई ५०-६० लाख रुपैयाँ बुझाउन तयार हुन्छन् ।

    नेपालका दलालले आश्वास्त पारेपछि उनीहरु ‘अवैध बाटो’ हुँदै अमेरिका छिर्न तत्पर भएका देखिन्छन् । यहाँका स्थानीय दलालले त्रिभुवन विमानस्थल, काठमाडौंका कर्मचारीसँग सेटिङ मिलाएर उनीहरूलाई नेपालीलाई ‘अनअराइभल भिसा’ दिने सिंगापुर वा गाम्बिया, गिनी बिसाउजस्ता अफ्रिकी मुलुक हुँदै हवाइ मार्गबाट दक्षिण (ल्याटिन) अमेरिकाको कुनै पनि देश पुर्‍याउने चाँजोपाजो मिलाउँछन् ।

    मैले सन् दुई वर्षजति ल्याटिन अमेरिकी मुलुक कोलम्बियास्थित इमिग्रेसनमा नेपाली भाषा अनुवादकका रूपमा काम गर्दा पक्राउ परेका नेपाली युवासँग अन्तर्वार्ता लिने अवसर जुरेको थियो । त्यस क्रममा अवैध रूपमा अमेरिका छिर्न खोज्दा समातिएका दर्जनौं नेपालीसँग कुराकानी भएको थियो । तिनै नेपालीसँग भएको कुराकानीलाई आधार बनाएर मैले यो आलेख तयार पारेको हुँ ।

    स्थलमार्गबाट अमेरिका छिर्ने एक मात्र मुलुक मेक्सिको

    विश्वका कुनै पनि मुलुकबाट अवैध रूपमा अमेरिका छिर्न दक्षिण अमेरिकाका ब्राजिल, बोलिभिया, सुरिनाम, गुयना, पेरु वा चिलीमध्ये कुनै एक मुलुकमा हवाइ मार्गबाट पाइला राख्नैपर्छ । ल्याटिन अमेरिका पुगेपछि जसरी भए पनि त्यहाँबाट अमेरिका पुग्नैपर्छ भन्ने मानसिक दबाब त्यहाँ आइपुगेका नेपाली युवाहरूलाई हुन्छ किनभने उनीहरू दलाललाई लाखौं रकम बुझाएर आएका हुन्छ ।  

    हरेक ल्याटिन अमेरिकी देशमा रहेका दलालले अत्यन्त जोखिमसाथ उनीहरुलाई स्थल वा जलमार्ग पार गराउँदै मेक्सिको पुर्‍याउँछन्, जुन स्थलमार्गबाट अमेरिका छिर्ने एक मात्र ल्याटिन अमेरिकी मुलुक हो ।

    ल्याटिन अमेरिकी मुलुकबाट मेक्सिकोसम्म पुग्न स्थल र जलमार्ग नै प्रयोग गर्नुपर्छ। स्थलमार्गबाट जाँदा कैयौं दिनसम्म हिँड्नुपर्ने भएकाले कतिपयले मेक्सिकोसम्म पुग्न हवाइजहाज पनि प्रयोग गर्छन् ।

    यसरी दक्षिण अमेरिकाबाट हवाइ रुट हुँदै मेक्सिको पुग्न दलालमार्फत् पैसा खर्च गरेर सेटिङमा नक्कली पासपोर्ट बनाउँछन् । यस्तो पासपोर्टमा नाम स्थानीय व्यक्तिकै हुन्छ भने  फिंगरप्रिन्ट तथा फोटो चाहिँ अवैध अप्रवासीको राखिएको हुन्छ। जस्तोः ब्राजिल पुगेको नेपालीले मेक्सिको जानका लागि पासपोर्ट बनाएको छ भने ब्राजिलको स्थानीय व्यक्तिको नाम र राष्ट्रियता हुन्छ भने फिंगरप्रिन्ट र फोटो चाहिँ यात्रा गर्ने नेपालीकै हुन्छ ।

    यस्तो नक्कली पासपोर्ट बोकेर ल्याटिन अमेरिकी मुलुकमा यात्रा गर्ने विभिन्न मुलुकका अवैध आप्रवासीको संख्या पछिल्लो समय बढ्दै गएको देखिएको छ । कतिपय आप्रवासीलाई भाषा नजान्दा एयरपोर्टबाट फर्काउने गरेको समेत भेटिएको छ । ब्राजिलमा ९९ प्रतिशत व्यक्तिले पोर्चुगिज भाषा बोल्छन् । ब्राजिलबाहेक अर्जेन्टिना, पेरु, चिली, कोस्टारिका, एलसाल्भाडोर, होन्डुरसलगायत ल्याटिन अमेरिकी मुलुकमा अधिकांशले स्पेनिस भाषा मात्र बोल्छन् । त्यही भएर पनि एसिया, अफ्रिका, मध्यपूर्वलगायत मुलुकबाट ल्याटिन अमेरिका छिरेका अवैध आप्रवासीलाई त्यहाँ भाषाको समस्या हुन्छ । इमिग्रेसनमा स्पेनिस भाषामा सोधेको प्रश्नको जवाफ दिन नसक्दा यसरी फर्काइएका व्यक्तिहरू धेरै छन् ।

    ९८ प्रतिशतभन्दा बढीको ट्रक र कन्टेनरमा यात्रा 

    ल्याटिन अमेरिकी मुलुकबाट ज्यादै जोखिम उठाएर अवैध आप्रवासीलाई बस, ट्रक र कन्टेनरमा राखेर मेक्सिकोेसम्म पु¥याउने गरिएको पाइएको छ। मैले अध्ययन गरेसम्म ९८ प्रतिशतभन्दा बढी आप्रवासी यसरी ट्रक र कन्टेनरमा यात्रा गर्छन्। अधिकांश नेपाली युवाहरुले पनि यस्तै सास्ती व्यहोर्छन्। 

    बटोमा रुटमा पर्ने हरेक देशका स्थानीय दलालले त्यहाँबाट सिमा कटाएर अर्को मुलुकसम्म पु¥याउने जिम्मा लिएका हुन्छन्। अर्को मुुलुकमा फेरि अर्को दलाल तयार भएर बसेको हुन्छ।
    बीचमा कुनै बाधा–व्यवधान भएन भने नेपालबाट हिँडेको व्यक्तिहरू कम्तीमा दुई साताभित्र युवाहरू ल्याटिन अमेरिका आइपुग्छन्। ट्रान्जिट, भिसा र अन्य प्रक्रियाले गर्दा अलि बढी समय पनि लाग्न सक्छ। यी सबै प्रक्रिया दलालले नै सेटिङमा मिलाउँछन्। 

    ल्याटिन अमेरिका पुगेपछि पनि मेक्सिको बोर्डर हुँदै अमेरिका छिर्न कम्तीमा तीन साता लाग्ने गरेको छ। कहिलेकाही डकुमन्टको इस्युले गर्दा बढी समय पनि लाग्ने गर्छ। 

    ब्राजिलबाट कोलम्बिया हुँदै मेक्सिको

    अधिकांश नेपाली युवाहरु सुरुमा ल्याटिन अमेरिकाको ब्राजिल आइपुग्छन्। उनीहरूले ब्राजिलमा पाइला टेकेपछि स्थलमार्गबाट यात्रा अगाडि बढ्छ। त्यहाँबाट पेरु इक्वेडोर, कोलम्बिया, पानामा र कोस्टारिका हुँदै दलालले उनीहरु लाई मेक्सिकोसम्म पुर्‍याउँछन् ।

    ब्राजिलबाट हवाइजहाज, बस आदिबाट यात्रा गर्दै उनीहरू पेरु र इक्वेडोर हुँदै कोलम्बिया आइपुग्छन् । यसबीचको यात्रा, होटल र खानपानको व्यवस्था हरेक देशका दलालहरुले नै मिलाउँछन् ।

    कोलम्बियाबाट निर्जन जंगलको बाटो ४ दिन पैदल हिँडेर पानामा पुग्नुपर्छ । प्रहरी–प्रशासनको आँखा छल्न राति पनि जंगलको बाटो हिँड्नपर्छ । कतिपय हिँड्न नचाहने आप्रवासीलाई स्थानीय दलालले डुंगाबाट समुद्रको बाटो हुँदै पानामा पनि पठाउँछन् । बढी पैसा खर्च गर्न तयार भएमा  कतिपयलाई दलालले जंगलको बाटो हिँडाउनुको सट्टा प्लेन वा हेलिकोप्टर चार्टर गरेर पनि पानामासम्म लैजाने गरेको खुल्न आएको छ ।

    डुंगाको यात्रा एकदमै जोखिमयुक्त भएकाले दैनिक दर्जनौं आप्रवासीले ज्यान गुमाउने गरेका छन् । चार महिनाअघि कोलम्बियाबाट डुंगामा पानामा जाने क्रममा डुंगा पल्टिँदा सातजना नेपालीसहित दर्जनौं आप्रवासीको मृत्यु भएको थियो ।

    यसरी हरेक मुलुक पार गर्नुअघि स्थानीय दलालले नेपालको दलालले कबोल गरेको भन्दा अझै बढी रकम माग्छ र रकम नबुझाएमा त्यसभन्दा अगाडिको देशमा प्रवेश नगराउने चेतावनी दिएको हुन्छ । त्यसपछि उनीहरूले नेपालमा रहेका आफन्तलाई फोन गरेर पैसा पठाइ माग्छन् । दलालको हातमा पैसा परेपछि मात्र यात्रा अगाडि बढाउँछ, नत्रभने कैयौं दिनसम्म भोक र प्यास नभनी त्यहीँ बस्नुपर्ने हुन्छ ।

    अनेक कष्ट खेप्दै नेपाली युवा पानामा प्रवेश गरेपछि शरणार्थीका रूपमा त्यहाँ बस्छन् । आफूले बोकेको सबै नेपाली पासपोर्ट तथा अन्य डकुमेन्ट नष्ट गर्छन् । 

    पानामास्थित क्याम्पमा केही दिन बसेपछि पानामा इमिग्रेसनले देश छाड्नका लागि उनीहरुलाई ‘कन्ट्री एक्जिट पेपर’ दिन्छ, त्यो पेपर भएपछि उनीहरू खुलेआम पानामाभरि घुम्न पाउँछन् ।

    पानामाबाट दलालले व्यवस्था गरेको बस, ट्रकजस्ता सवारी साधन चढेर उनीहरू कोस्टारिक पुग्छन् । त्यसपछि निकारागुवा र होन्डुरसमा रातिराति लुकेर–छलिएर कहिले ट्रक त कहिले जंगलको बाटोमा पैदलयात्रा गर्दै उनीहरू ग्वाटेमाला पुग्छन् । ग्वाटेमालाको बसाइ लामो हुँदैन । त्यहाँबाट दलालले उनीहरुलाई डुंगामा चढाएर मेक्सिकोको सिमावर्ती तापाचुला सहरसम्म पुर्‍याइदिन्छन् र त्यहाँ रहेको ‘इमिग्रेन्ट क्याम्प’मा शरण लिन्छन् । त्यहाँ केही दिन बस्नैपर्छ ।

    मेक्सिकोको कानुनअनुसार बाहिरबाट आएका शरणार्थीले केही दिनभित्रै देश छाड्नुपर्छ । त्यही प्रावधानअनुसार त्यहाँ पुगेका नेपाली युवाहरुलाई मेक्सिको सरकारले ‘कन्ट्री एक्जिट पेपर’ दिन्छ । त्यो पेपरले मेक्सिकोभरि यात्रा गर्न रोकटोक हुँदैन । त्यसपछि कैयौं दिनको हन्डरपछि आकुलव्याकुल भएका नेपाल युवाका आँखा अमेरिकाको बोर्डरतिर सोझिन्छन् । 

    अमेरिका प्रवेश गराइदिपछि दलालको काम सकियो

    तापाचुलाबाट त्यहाँ रहेको दलालले रातिको समयमा सुरक्षाकर्मीलाई छल्दै नेपाली युवालाई अमेरिकाको क्यालिफोर्निया राज्यको सान–डिएगोस्थित बोर्डरसम्म छाडिदिन्छन् । त्यहाँसम्म छाड्नका लागि दलालले ट्याक्सीवालासँग सेटिङ मिलाएको हुन्छ । वारि मेक्सिको, पारि अमेरिका। त्यहाँबाट नेपाली युवाले पर्खाल नाघेर अमेरिकाको भूमिमा पाइला टेक्छन् ।

    यसरी अवैध रुपमा आएका नेपाली युवाले अमेरिकी भूमि प्रवेश गरेपछि दलालको काम सकिन्छ । अमेरिका छिराउनुभन्दा अगावै दलालले धम्क्याएर अनि थर्काएर नेपालीहरुबाट पैसा लिइसकेको हुन्छ । यसरी एउटा नेपाली युवाले अमेरिकी सपनामा घरखेत बेचेर ऋणपान गरेर दलाललाई ५०–६० लाख रुपैयाँ बुझाइसकेको हुन्छ ।

    अमेरिका छिरेपछि नेपाली युवाहरुलाई त्यहाँको इमिग्रेसनले समातेर केरकार गर्‍यो वा डिपोर्ट नै गर्‍यो भने पनि दलाल जवाफदेही हुँदैन। दलालको काम जसरी हुन्छ अमेरिकासम्म छिराइदिने मात्र हो । अमेरिका पसेपछि उनीहरु आफैं नै जवाफदेही हुनुपर्छ ।

    यसरी सुरक्षाकर्मीको रोकटोकबिना नेपालीले अमेरिकामा प्रवेश गर्न पाए भने ‘असाइलम’का लागि कानुनी प्रक्रिया अगाडि बढाउँछन् । वकिलको सहायतामा कागजात तयार पारेर इमिग्रेसनमा पेस गरिन्छ । कतिपय अवस्थामा प्रमाण नपुगेको भन्दै अवैध छिरेका नेपालीलाई अमेरिकाले ‘डिपोर्ट’ गरेको अवस्था पनि छ ।

    पछिल्लो समय दक्षिण एसियाका भारत, बंगलादेश र नेपालबाट अवैध तरिकाले अमेरिका पस्न चाहने आप्रवासीहरुको संख्या बढ्दै गएको छ । यसका साथै मध्यपूर्व तथा अफ्रिकाका द्वन्द्वग्रस्त मुलुकबाट पनि ठूलो संख्यामा आप्रवासी ल्याटिन अमेरिका हुँदै अमेरिका छिर्न चाहन्छन् । कोभिडको बेलामा यो धन्दा कम चाहिँ भयो तर ठप्प भएन । यसले पनि मानव तस्करीमा लागेको अन्तर्राष्ट्रिय गिरोह कति बलियो छ भन्ने देख्न सकिन्छ । यसमा ठूलै अन्तर्राष्ट्रिय गिरोहको हात छ, जसलाई प्रहरी, प्रशासन र राजनीतिकर्मीको समेत संरक्षणप्राप्त छ । 

    (कोलम्बियाको बोगोटामा बस्दै आएका मैनालीसँग त्यहाँको इमिग्रेसनमा नेपाली भाषा अनुवादकका रूपमा काम गरेको अनुभव छ।) छत्र मैनाली


    कार्तिक ८, २०७८ सोमवार १४:१७:०६ बजे : प्रकाशित

  • सम्बन्धित विषय:

  • # मेक्सिको

  • क्यानाडा नेपाल

    नेपालसहित चार देशको सहभागितामा कोलकातामा सुन्तला महोत्सव हुँदै

    क्यानाडा नेपाल

    कार्तिक १०

  • 662
    SHARES
  • नेपालसहित चार देशको सहभागितामा कोलकातामा सुन्तला महोत्सव हुँदै

    जयगाउँ (भारत) - नेपाल, भारत, बङ्गलादेश र भुटानको सहभागिता रहने हिमालय सुन्तला पर्यटन महोत्सव आगामी मङ्सिर २४, २५ र २६ गते पश्चिम बङ्गालको राजधानी कोलकातामा हुने भएको छ ।

    images

    एशोसिएशन फर कन्जरभेसन एन्ड टुरिजम नामक संस्थाले सन् २०१४ देखि महोत्सवको आयोजना गर्दै आएको छ । भुटानको सीमा नजिक पश्चिम बङ्गालको जल्दापारा नेसनल पार्कमा आज भएको अन्तरदेशीय बैठकले महोत्सवको तिथि निर्धारण गरेको हो । प्रत्येक दुई वर्षमा हुँदै आएको पूर्वनिर्धारित सुन्तला महोत्सव विश्वव्यापी कोरोना महामारीका कारण सन् २०२० मा आयोजना हुन नसकेको आयोजक संस्था एशोसिएशन फर कन्जरभेसन एन्ड टुरिजमका अध्यक्ष राज बसुले बताए ।

    उनका अनुसार आजको अन्तरदेशीय बैठकमा नेपाल र भारतका प्रतिनिधिको सहभागिता रहेको थियो । कोरोना महामारीका कारण बङ्गलादेश र भुटानले सीमा बन्द गरेका कारण ती देशका प्रतिनिधि बैठकमा आउन नपाएको बसुले जानकारी दिए । हिमालय क्षेत्रका नेपाल, भारत र भुटानमा फल्ने सुन्तला महोत्सवको विशेष आकर्षण हुने गरेको छ । ग्रामीण क्षेत्रमा उत्पादन हुने अग्र्यानिक जडीबुटी, फलफूल र हस्तकलाका सामग्रीको महोत्सवमा प्रचारप्रसार गरिँदै आएको उनले बताए ।

    उक्त महोत्सवका लागि नेपाल सहआयोजक रहँदै आएको बैठकमा नेपाली प्रतिनिधिमण्डलको नेतृत्व गर्नुहुने एशोसिएशन फर कन्जरभेसन एन्ड टुरिजमका महासचिव अर्जुन कार्कीले बताए । उनले बैठकमा महोत्सवले नेपाली सुन्तला र ग्रामीण पर्यटनको अन्तर्राष्ट्रिय प्रवद्र्धनमा महत्वपूर्ण सहयोग पु¥याउँदै आएको हुँदा आगामी मङ्सिरमा कोलकातामा हुने महोत्सवमा नेपालको तर्फबाट प्रदेश नं १ का पर्यटन व्यवसायी, सुन्तला कृषक र पत्रकारको सक्रिय सहभागिता रहने बताए ।

    “कोरोना महामारीले विश्वव्यापीरूपमा पर्यटन व्यवसायलाई धराशायी बनाएको बेला आयोजना हुन लागेको सुन्तला महोत्सवले नेपाली पर्यटनलाई पुनःजागृत गर्न मद्दत पुग्नेछ”, नेपालमा ग्रामीण पर्यटनको विकासका लागि अभियान सञ्चालन गर्दै आएका कार्कीले भने, “कोरोनासँगै जिउनुको विकल्प छैन, अब हामीले पनि पर्यटन प्रवद्र्धनका लागि स्थानीय महोत्सव सुरु गर्नुपर्छ ।”

    नेपालको चिया, अलैँची, सुन्तला र घरेलु कपडाको महोत्सवमा स्टल राखिने र प्रदेश नं १ मा सञ्चालित घरबास ९होमस्टे० को प्रचारात्मक कार्य गरिने उनले बताए । नेपाली पर्यटकीयस्थल, घरबास र कृषि उत्पादनको प्रचार गर्ने माध्यमका रूपमा कोलकाताको सुन्तला महोत्सवलाई कोलकातास्थित नेपाली महावाणिज्य दूतावासले समेत सक्रिय चासो राख्दै आएको छ ।

    दूतावासले एशोसिएशन फर कन्जरभेसन एन्ड टुरिजमसँगको सहकार्यमा यसअघि तीन पटकसम्म क्रस बोर्डर बैठकको आयोजना गरिसकेको र त्यसमा नेपाल र भारतका उच्चपदस्थ सरकारी पदाधिकारी र सरोकारवाला पर्यटन संस्थाको सहभागिता रहेको कार्कीले जानकारी दिए ।

    क्रस बोर्डर बैठक मानव–हात्ती द्वन्द्वलाई पर्यटन विकासमा रूपान्तरण गर्ने र वारिपारिका समस्या समाधानका लागि संवाद गर्ने महत्वपूर्ण थलोका रूपमा उपयोग हुँदै आएको उनले बताए ।रासस


    कार्तिक १०, २०७८ बुधवार १९:४४:२२ बजे : प्रकाशित

  • सम्बन्धित विषय:

  • # सुन्तला महोत्सव

  • क्यानाडा नेपाल

    नेपाल प्रवेश गर्ने भारतीयले आजदेखि अनिवार्य परिचयपत्र देखाउनुपर्ने

    क्यानाडा नेपाल

    कार्तिक १४

  • 586
    SHARES
  • नेपाल प्रवेश गर्ने भारतीयले आजदेखि अनिवार्य परिचयपत्र देखाउनुपर्ने

    नयाँ दिल्ली - भारतबाट नेपाल प्रवेश गर्ने भारतीय नागरिकमाथि सीमामा कडाइ सुरु भएको छ । नेपाल सरकारको अनुरोधबमोजिम भारतबाट नेपाल प्रवेश गर्ने भारतीयलाई सीमामा कडाइ गरिएको भारतीय समाचार संस्था आजतकले जनाएको छ । 

    images

    नेपाल र भारतबीचको खुला सिमानाको फाईदा उठाइ अफगानिस्तान, पाकिस्तान, बंगलादेशलगायत तेस्रो देशका नागरिक अबैध ढंगले नेपाल प्रवेश गर्न थालेपछि सीमामा कडाइ गरिएको हो । केही दिनअघि भारतको बाटो हुँदै ११ अफगानी नेपाल प्रवेश गरेका थिए । 

    नयाँ व्यवस्थाअनुसार नेपाल आउने भारतीयले सीमा प्रवेश गर्नुअघि नागरिकता, भारतीय आधार कार्ड, चालक अनुमतिपत्र र शैक्षिक परिचयपत्रमध्ये एउटा अनिवार्य देखाउनु पर्छ । अतिवाद नियन्त्रण तथा गैरकानूनी ढंगले नेपाल भित्रिने नागरिकलाई रोक्न परिचय पत्र अनिवार्य गरिएको भारतको सीमा सुरक्षा बलले जनाएको छ । 

    यसअघि शनिवार गृहमन्त्री बालकृष्ण खाँडले एक आदेशमा हस्ताक्षर गर्दै नेपाल प्रवेश गर्ने भारतीयमाथि कडाइ गर्न भारतसँग अनुरोध गरेका थिए ।एजेन्सी


    कार्तिक १४, २०७८ आइतवार १४:४८:४७ बजे : प्रकाशित

  • सम्बन्धित विषय:

  • # नेपाल प्रवेश

  • क्यानाडा नेपाल

    सरकारविरुद्ध एनआरएनए अदालतमा

  • 268
    SHARES
  • सरकारविरुद्ध एनआरएनए अदालतमा

    काठमाडौं । गैरआवासीय नेपाली संघ (एनआरएनए) ले नेपाल सरकार परराष्ट्र मन्त्रालय विरुद्ध मुद्दा दायर गरेको छ ।

    images

    गैरआवासीय नेपाली संघका अध्यक्ष कुमार पन्तले  परराष्ट्र मन्त्रालयले अन्यायपूर्ण पत्रजारी गरेको कारणले संघ बाध्य भएर सरकारविरुद्ध अदालतमा गएको बताएका छन् । 

    संघले शनिबार पत्रकार सम्मेलन गर्दै उच्च अदालत पाटनमा उत्प्रेरण आदेश माग गदै परराष्ट्र मन्त्रालयसहित सरकारविरुद्ध पहिलो पटक संघले मुद्दा दायर गरेको जनाएको छ । 

    सरकारविरुद्धको निवेदनमामा १०औं महाधिवेशन गराउन संरक्षक परिषद्लाई जिम्मा दिने मन्त्रालयको निर्णय गैर कानुनी रहेको भन्दै त्यसलाई बदर गर्न माग गरिएको छ ।

    संघका अध्यक्ष पन्तले संरक्षक परिषद्लाई अनावश्यक चलखेल नगर्न आग्रह गरेका छन् । उनले संघको विवाद समाधान गर्न संघ सक्षम रहेको बताए । पन्तले संघको १०औं महाधिवेशन तथा निर्वाचन डिसेम्बर महिनाभित्रै हुने बताए ।

    पत्रकार सम्मेलनमा संघका महासचिव डा. हेम राज शर्मा र प्रवक्ता डिबी क्षेत्रीले आआफ्नो भनाइहरू राखेका थिए । 


    मंसिर ११, २०७८ शनिवार १९:५०:१९ बजे : प्रकाशित


    क्यानाडा नेपाल

    दुबई हिँडेका गोविन्द सुनार १६ दिनदेखि बेपत्ता 

  • 88
    SHARES
  • दुबई हिँडेका गोविन्द सुनार १६ दिनदेखि बेपत्ता 

    कपिलवस्तु - कपिलवस्तुको बुद्धभूमि नगरपालिका-९ इमिलियाकी गीता सुनारलाई पति गोविन्दले फोन गर्दै साँझ दुबईको फ्लाइट भएको बताएका थिए । ५ मंसिर बिहान फोन गर्दै खर्च तिर्न रकम पठाउन अनुरोध गरेका थिए । एक वर्षपछि फेरि वैदेशिक रोजगारीमा जान लागेपछि सयकडा  ब्याज तिर्ने गरी गाउँले साहुसँग कर्जा लिएकी थिइन् । रेमिटमार्फत पठाएको रकम निकालेका गोविन्द त्यही दिनदेखि बेपत्ता भएपछि सुनार परिवार चिन्तित बनेका छन् ।

    images

    भिजिट भिसामा दुबई जाने भनेका ३८ वर्षीय गोविन्द सुनार १६ दिनदेखि बेपत्ता रहेका परिवारका सदस्यले बताएका छन् । ५ मंसिरमा भ्रमण भिसामा दुबईको फ्लाइट भएको भन्दै उनी घरबाट एक लाख पचास हजार रकम मगाएका थिए । दुई वर्ष मलेसिया र चार वर्ष कुवेत बिताएका सुनारलाई पेटको रोगको समस्या भएपछि गत पुसमा नेपाल फर्किएका थिए । नेपालमा उपचार गरी रोग निको भए पछि पुनः विदेश जाने भन्दै ३१ कात्तिकमा काठमाडौँ हिँडेका थिए । 

    उनले ५ मंसिर बिहान ११ बजे फोन सम्पर्क गर्दै आजै उडान हुने बताएका थिए । पत्नी गीताका अनुसार पीसीआर चेक गर्न लाइनमा बसेको हुँदा थप कुरा पछि गर्ने कुराकानी भएको बताइन् । यता गोविन्दले सोही दिन दिउँसो २ः१३ बजे ‘पशुपति सब मनि ट्रान्सफर ओम शान्ति चोक काठमाडाैंबाट रकम निकालेका थिए । उनले पैसा नपुग्ने भन्दै भाइ र साथीसँग गरी करिब तीन लाख रकम जम्मा गरेका थिए ।

    कतै नभेटिए पछि ९ मंसिरमा इलाका प्रहरी कार्यालय गोरुसिङ्गेमा खोजतलास गर्नका लागि जाहेरी दिएका थिए । इलाका प्रहरी कार्यालय गोरुसिङ्गेका अनुसार सुनारको कल डिटियल माग गरी अनुसन्धान गरिएको बताइएको छ । 

    दुबई आउने भन्दै गोविन्दले  दाजु पर्ने कृष्ण विकलाई एयरपोर्ट लिन आउन आग्रहसमेत गरेका थिए । कृष्णले अफिस बिदा लिई एयरपोर्टमा कुरेर बसे पनि गोविन्दलाई नदेखेको खबर आएको गोविन्दका दिदी जालमाया सुनारले बताइन् । सामान्य परिवारका गोविन्द बेपत्ता भएपछि उनको परिवार बिचल्लीमा परेकाे छ । गोविन्दले प्रयोग गर्ने फोन अहिलेसम्म स्विचअफ छ ।

     


    मंसिर २१, २०७८ मंगलवार १७:५८:२४ बजे : प्रकाशित

  • सम्बन्धित विषय:

  • # बेपत्ता

  • क्यानाडा नेपाल