• Dec 05 2021 | २०७८, मंसिर १९गते

२०७८, मंसिर १९गते

सरकारी कार्यालय खुले : काठमाडौँ उपत्यकामा चहल पहल बढ्यो

क्यानाडा नेपाल आश्विन ३१ २०७८
  • 424
    SHARES
  • images
    images
    सरकारी कार्यालय खुले : काठमाडौँ उपत्यकामा चहल पहल बढ्यो

    काठमाडौं - बडादसैँ (विजयादशमी) मा बन्द भएका सरकारी कार्यालय खुलेका छन् । राजधानी काठमाडौँ उपत्यकासहित देशभरका सरकारी कार्यालय खुलेपछि चहलपहल बढेको छ । 

    images

    आज सरकारी तथा निजी कार्यालय सञ्चालनमा आएकाले काठमाडौँ उपत्यकामा सवारी साधनको केही चाप बढेको छ । दसैँमा सुनसान प्रायःबनेको काठमाडौँमा नियमितजसो सबै प्रकारका सेवा सञ्चालनमा आएका छन् ।
            
    प्रमुख प्रशासनिक केन्द्र सिंहदरबारमा चहलपहल बाक्लिएको छ । सबैजसो मन्त्रालयमा मन्त्री, कर्मचारी तथा आगन्तुकको बाक्लो उपस्थिति देखिन्थ्यो । विभिन्न मन्त्रालयका मन्त्री पनि कार्यालय पुगेर नियमित काममा व्यस्त देखिनुहुन्थ्यो । सञ्चार तथा सूचना प्रविधिमन्त्री ज्ञानेन्द्रबहादुर कार्की मन्त्रालय पुगेर नियमित काममा व्यस्त रहनुभएको उहाँका स्वकीय सचिव रामजी थापाले जानकारी दिनुभयो । अन्य विभागीय मन्त्री पनि नियमित काममा व्यस्त हुनुभएको छ ।
            
    दसैँको टीकाको तेस्रो दिन आज पनि आफन्त तथा मान्यजनबाट टीका र जमरा लगाई आशीर्वाद लिनेक्रम जारी रहेको छ । विजयादशमीको टीकाको दिनदेखि कोजाग्रत पूर्णिमासम्म दसैँको टीका लगाउने चलन छ ।
     
    काठमाडौँ उपत्यकामा पनि दसैँको टीका लगाउन आफन्त तथा मान्यजनकहाँ पुग्ने सर्वसाधरणको आवतजावत बाक्लोरूपमा देखिएको छ । उपत्यकामा औषधि, खाद्यान्न, दूध तथा तरकारीका पसल खुलेका छन् ।

    महानगरीय ट्राफिक प्रहरी महाशाखाका अनुसार आज पनि काठमाडौँ उपत्यकामा दसैँको टीका र आशीर्वाद थाप्न जानेको चहलपहल बाक्लै छ । बाक्लो सङ्ख्यामा सवारी साधन चले पनि ट्राफिक जाम नरहेको ट्राफिक प्रहरीको भनाइ छ ।
            
    दसैँ मनाउन गाउँघर गएका सर्वसाधरण पनि धमाधम काठमाडौँ भित्रिरहेका छन् । कोटेश्वर, कलङ्की, गोङ्गबु, बल्खुलगायत नाकामा दसैँ मनाएर राजधानी फर्कनेको भिडभाड देखिन्छ । मानिवसको चहलपहल र सवारीसाधनको आवतजावत तथा बजार पसल पनि क्रमशः खुल्न थालेकाले राजधानी काठमाडौँ पुरानै लयमा फर्कन थालेको अनुभूति हुन्छ ।रासस


    आश्विन ३१, २०७८ आइतवार १८:१४:२९ बजे : प्रकाशित

    images
    images
  • सम्बन्धित विषय:

  • # काठमाडौं उपत्यका

  • क्यानाडा नेपाल

    अर्कोसमाचार

    कक्षा १२ को परीक्षाको नतिजा सार्वजनिक, ७ हजार ३६ परीक्षार्थीले ल्याए 'ए प्लस'

  • 196
    SHARES
  • कक्षा १२ को परीक्षाको नतिजा सार्वजनिक, ७ हजार ३६ परीक्षार्थीले ल्याए 'ए प्लस'

    काठमाडौं - कक्षा १२ को नतिजा प्रकाशित भएको छ । शुक्रबार बसेको राष्ट्रिय परीक्षा बोर्डको बैठकले कक्षा १२ को नतिजा प्रकाशित गरेको हो । 

    images

    बोर्डले सार्वजनिक गरेको नतिजाअनुसार सात हजार ३६ परीक्षार्थीले ‘ए प्लस’, ४८ हजार २३९ परीक्षार्थीले ‘ए’,  ७० हजार एक जना परीक्षार्थीले ‘बी प्लस’, ९९ हजार ५३७ परीक्षार्थीले ‘बी’, ७५ हजार ८८ परीक्षार्थीले ‘सी प्लस’, २४ हजार ५१५ परीक्षार्थीले ‘सी’, तीन हजार ८७५ परीक्षार्थीले ‘डी प्लस’, २९६ परीक्षार्थीले ‘डी’ र १० हजार ७३ जनाले ‘ई’ ग्रेड ल्याएका छन् । 

    कक्षा १२ को वार्षिक परीक्षा गत ३० भदौदेखि ८ असोजसम्म सञ्चालन भएको थियो । परिक्षामा तीन लाख ७४ हजार विद्यार्थी सहभागी थिए ।

    यस्तै कोरोनाका कारण छुटेका ४१ जना परीक्षार्थीहरूले गत बुधबारदेखि परीक्षा दिइरहेका छन् । उनीहरुको पनि केही दिनमा नै नतिजा आउने बोर्डले जनाएको छ । 


    मंसिर १७, २०७८ शुक्रवार १२:१५:१० बजे : प्रकाशित

  • सम्बन्धित विषय:

  • # कक्षा १२ को परीक्षा

  • क्यानाडा नेपाल

    गोरेटोको जुम फेयर कार्यक्रम सम्पन्न

  • 226
    SHARES
  • गोरेटोको जुम फेयर कार्यक्रम सम्पन्न

    काठमाडौं । काठमाडौँको नयाँ बानेश्वरमा अवस्थित गोरेटो कन्सल्ट्यान्सीले जुम फेयर कार्यक्रम सम्पन्न गरेको छ । करिब ५ सय बिद्यार्थीं र अविभावकहरु उपस्थित कार्यक्रममा  कोरोना लहरको दोश्रो लकडाउन, क्यानडामा विद्यार्थीहरुको चाप, स्थायी बसोबासमा आहिलेसम्मकै उल्लेखनीय आवेदन संख्या, क्यानडामा हालसालै सम्पन्न निर्वाचनले गर्दा आवेदन नतिजा निर्णय आउन ढिलो भएको, साथै कोरोना भाइरसको नयाँ भ्यारिन्ट ओमीक्रोनले क्यानाडामा अध्ययनगर्न चाहने विधार्थीहरु पार्न सक्ने प्रभाव लगायातका विषयहरुमा छलफल भएको थियो । 

    images

    सो अवसरमा गोरेटो कन्सल्टेन्सी नयाँ वानेश्वरका शैक्षिक परामर्शकर्ता शतिष भट्टले पछिल्लो समय अध्ययन गर्नका लागि क्यानडा जान चाहने नेपाली विद्यार्थीहरु भारतको नयाँ दिल्लीस्थित क्यानडा अध्यागमनमा आवेदन दिएर ४ देखि ८ महिनासम्म भिसा निर्णय प्रतिक्षा गरेर बसेको जानकारी दिए ।

    गोरेटो कन्सल्टेन्सीका अर्का काउन्सेलर धीरज कंडेलका अनुसार छोटो समयमा गोरेटोबाट उल्लेखनीय भिषा नतिजाका पछाडि गोरेटोको अनुभवी र दक्ष कार्य सदस्यहरुका सामूहिक कार्य योगदानका साथै गोरेटोको पहिलो प्राथमिकतामा विद्यार्थी आवेदन तयार पर्दा विद्यार्थीको सही प्रोग्राम चयन, भिसा अफिसरलाई विद्यार्थीको क्षमता विश्वास दिलाउनसक्ने एसओपी, साथै आवेदनसँग बुझाउने कागजपत्रहरुको विश्वसनीयता तथा सम्पूर्ण प्रक्रियाको उचित समयावधिका बारेमा जानकारी दिएका थिए । 

    सो अवसरमा क्यानडा जान इच्छुक बिद्यार्थी तथा उनीहरुका अविभावकले खास चासो देखाएका थिए । क्यानडाको पछिल्लो भिसा ट्रेन्ड विश्लेषण गर्दा आवेदक विधार्थीहरुको अङ्ग्रेजी प्रविणता बढी जोड दिएको जस्तै आइएलटिएस ६।५ वा ६ र पिट्रिई स्कोर ओभरअल ६० हुनुपर्ने तर, एकेडेमिक भने कम्तिमा दोश्रो श्रेणीमा उतिर्ण भई छ वर्षसम्म ग्याप भएका आवेदनहरुमा पनि लचिलो देखिएको छ ।

    पछील्लो समय क्यानाडा अध्यागमनले नेपालबाट बुझायीएका  अध्ययन भिषा आवेदनहरुको निर्णय दिन शुरु गरेको छ। यो साता मात्र धेरै नेपाली विधार्थीहरुले क्यानाडामा अध्ययन गर्ने अनुमती प्राप्त गरेको काउन्सेलर कंडेलले जानकारी दिएका छन । बिश्वव्यापी कोरोनको महामारीले अष्ट्रेलिया लगायत अन्य यूरोपियन मुलुकमा अन्तरास्ट्रिय विधार्थीहरुलाई अध्ययन गर्न जान अजै असहज भएको अवस्थामा क्यानाडाले भने अन्तरास्ट्रिय विधार्थीहरुको सवालमा थोरै लचिलो देखिएको छ । पछिल्लो अवस्थामा अध्ययन भिषा प्राप्तगरेका विधार्थीहरु खोपको र क्वारेन्टिनको मापडण्ड पुरागरी क्यानाडा प्रवेश गरिराखेका छन भने  सम्भाब्य कोरोनको नयाँ भ्यरिएन्टको प्रभावको समयमा क्यानाडा अध्ययन भिसा प्राप्तगरी क्यानाडा प्रवेश गर्न कठिन भएको खन्डमा विधार्थीहरुले अन्लाईन अध्ययन गर्न सक्ने र क्यानाडामा अध्ययन पछी अन्तरराष्ट्रिय विधार्थीहरुले प्राप्त गर्ने सबै खालका सुविधाहरुको लागि योग्य रहनेकुरा क्यानाडा अध्यागामनले जनाएको छ । 

    क्यानाडामा विभिन्न प्रान्तहरुले अन्तरास्ट्रिय विधार्थीहरुलाई लक्षित गरी नयाँ आप्रवासी रणनिती बनाएको छ । यसै क्रममा न्यू ब्रुन्सविकमा बिभिन्न १९ शैक्षिक प्रोग्रामहरुमा अध्ययन पुरा गरेकालाई अप्रिल १, २०२२ का मिती बाट लागु हुने गरी पाईलट आप्रवासी निती लागु गरेको गोरेटीका काउन्सेलर सतिश भट्टले जानकारी दिएका छन ।


    मंसिर १७, २०७८ शुक्रवार १३:०४:४७ बजे : प्रकाशित


    क्यानाडा नेपाल

    वर्षा र हिमपातले हुम्लामा दुई दिनदेखि हवाई सेवा बन्द  

  • 198
    SHARES
  • वर्षा र हिमपातले हुम्लामा दुई दिनदेखि हवाई सेवा बन्द  

    हुम्ला - राष्ट्रिय सडक सञ्जालसँग नजोडिएको हुम्लामा दुई दिनदेखि हवाई सेवा अवरुद्ध भएको छ । जिल्ला सदरमुकाम सिमकोटदेखि अन्तर जिल्ला जोड्ने एक मात्रै हवाई सेवा बिहीबारदेखि अवरुद्ध भएको सिमकोट विमानस्थलले जानकारी दिएको छ । जिल्लामा बिहीबार बिहानदेखि हिमपात र वर्षा भएसँगै हवाई यातायात बन्द हुन पुगेको छ ।

    images

    खराब मौसमका कारण हवाई सेवा अवरुद्ध भएपछि सिमकोटमा दैनिक उपाभोग्य वस्तु भित्रिएको छैन् । दुई दिन लगातार सिमकोटमा पानी परिरहेका कारण हवाई सेवा अवरुद्ध हुनुका साथै खाद्यान्नदेखि दैनिक उपभोग्य सामग्री ढुवान हुन नसकेको हो । यस्तै जिल्ला बाहिर जाने यात्रु सिमकोटमै रोकिएका छन् भने जिल्ला बाहिर नेपालगञ्जबाट हुम्ला पुग्ने यात्रु उतै रोकिएका हुन् ।

    सदरमुकाम सिमकोटमा रहेका सरकारी तथा गैरसरकारी कार्यालयका कर्मचारीलाई काम गर्न समस्या बनाएको छ । सदरमुकाम सिमकोटसहित आसपासका क्षेत्रमा बिहीबारदेखि निरन्तर पानी परिरहेको छ भने उत्तरी हुम्लामा हिमपात भइरहेको छ ।

    मौसममा फेरबदल आउँदा सिमकोटमा चिसो बढेको हो । चिसोका कारण कमै मात्र सेवाग्राही सेवा लिन आएको सनलाइफ इन्सोरेन्सका कर्मचारी धनबहादुर भण्डारीले बताए । हिमपात र वर्षाका कारण यस वर्ष हुम्लामा चिसो अत्यधिक बढेको छ । उत्तरी हुम्लामा हिमपातले विकास निर्माणका कार्यसमेत प्रभावित भएका छन् । हिमपातले यहाँको जनजीवन कष्टकर बनेको छ ।सुरेश परियार

     


    मंसिर १७, २०७८ शुक्रवार १८:१४:११ बजे : प्रकाशित

  • सम्बन्धित विषय:

  • # हिमपात

  • क्यानाडा नेपाल

    ‘होई मेरो संसार’ भन्दै आए गायक बिन्ती कुमार र गायिका शान्ता

  • 170
    SHARES
  • ‘होई मेरो संसार’ भन्दै आए गायक बिन्ती कुमार र गायिका शान्ता

    काठमाडौँ । गायक बिन्ती कुमार गुरुङ र गायिका शान्ता अर्यालको स्वरमा सजिएको नयाँ गीत ‘होई मेरो संसार’को भिडियो सार्वजनिक भएको छ । पछिल्लो समयका लोकप्रिय गीतकार तथा संगीतकार दीपक शर्माको शब्द तथा संगीत शृजना रहेको गीतमा गायक बिन्ती कुमार र गायिका शान्ता गज्जबसँग बगेका छन् ।

    images

    अमेरिकामा बस्दै आएका गायक बिन्ती कुमार नेपाली गीतसंगीतमा निरन्तर सक्रिय छन् भने गायिका शान्ता पनि पछिल्ला दिनमा सक्रिय हुन थालेकी छिन् । संगीतकार शर्माकी पत्नि समेत रहेकी शान्ताले यसअघि पनि कहाँ होला काठमाडौँ (कर्णालीलाइ समर्पित अत्यन्तै मनछुने गीत) मा आफ्नो सुमधुर स्वर भरिसकेकी छिन् । संगीतकी बिद्यार्थी समेत रहेकी शान्ता यो गीत रिलिज गरेसँग थप उत्साहित छिन् ।

    सार्वजनिक गीतको भिडियोलाई विधान कार्कीले निर्देशन गरेका हुन् । विधानले गीतको भिडियोमा गाउँबाट शहर जान खोज्ने प्रेमी र उनलाई रोक्ने प्रेमीकाको कथालाई कलात्मक शैलीमा प्रस्तुत गरेका छन् ।

    जसमा टिकटकबाट चर्चा कमाएका सरोज प्रजा र विना राउतले कमालको अभिनय गरेका छन् ।साथै भिडियोमा सुभाष कार्की ‘बेलबासे’को पनि अभिनय हेर्न सकिन्छ । नवराज उप्रेतीको छायांकन रहेको गीतको भिडियोलाई विकास दाहालले सम्पादन गरेका हुन् । 


    मंसिर १७, २०७८ शुक्रवार २१:३१:२५ बजे : प्रकाशित


    क्यानाडा नेपाल

    आज यी क्षेत्रमा हिमपातकाे सम्भावना

  • 196
    SHARES
  • आज यी क्षेत्रमा हिमपातकाे सम्भावना

    काठमाडौं - पछिल्लाे तीन दिनदेखिकाे प्रतिकूल माैसममा क्रमश:सुधार हुँदै जाने भएकाे छ । पश्चिमी वायुसँगै आएको पश्चिमी न्यून चापीय प्रणाली र अरब सागरमा बनेको न्यून चापीय क्षेत्रको प्रभाव क्रमश: कमजाेर बन्दै गएकाे याे । यी माैसमी प्रणालीका कारण शुक्रबार साँझ काठमाडाैं उपत्यकामा हल्का वर्षा भएकाे थियाे । 

    images

    शनिबार देशमा पश्चिमी वायुको सामान्य प्रभाव रहेको माैसम पूर्वानुमान महाशाखाले जानकारी दिएकाे छ । दिउँसो प्रदेश १, बागमती र गण्डकीका पहाडी भूभागमा आंशिकदेखि सामान्य बदली रही अन्य बाँकी भूभागमा आंशिक बदली रहनेछ ।

    प्रदेश १, बागमती र गण्डकीको उच्च पहाडी र हिमाली भूभागको एक-दुई स्थानमा हल्का हिमपातको सम्भावना रहेको महाशाखाले जानकारी दिएकाे छ । 

    राति प्रदेश १ को पहाडी भूभागमा आंशिकदेखि सामान्य बदली रही देशका बाँकी भूभागमा आंशिक बदली रहनेछ । प्रदेश १ को पहाडी भूभागको एक-दुई स्थानमा हल्का वर्षाको सम्भावना रहेको छ ।


    मंसिर १८, २०७८ शनिवार ०८:००:४१ बजे : प्रकाशित


    क्यानाडा नेपाल

    मुगु एक सातादेखि अन्धकार, माेबाइल चार्ज गर्न सय रूपैयाँ तिर्नुपर्ने

  • 126
    SHARES
  • मुगु एक सातादेखि अन्धकार, माेबाइल चार्ज गर्न सय रूपैयाँ तिर्नुपर्ने

    मुगु - हिमाली जिल्ला मुगुमा एक सातादेखि विद्युत सेवा अवरुद्ध हुँदा सदरमुकाम गमगढीलगायत आसपासका दर्जनौं बस्ती अन्धकार बनेको छ । बिजुली नहुँदा स्थानीय माेबाइल चार्ज गर्न समेत सय रूपैयाँ तिर्न बाध्य भएका छन् । जेनेरेटर र साेलारबाट माेबाइल चार्ज गर्नु पर्ने भएकाले स्थानीय व्यापारीले एक पटक माेबाइल चार्ज गरेकाे सय रूपैयाँ लिने गरेका छन् ।

    images

    नेपाल विद्युत प्राधिकरण गमगाढ वितरण केन्द्र मुगुमा रहेको विद्युत गृहकाे २-२ सय किलोवाट क्षमताका मेसिनमध्ये एउटा मेसिन २०६८ सालबाट चलेकाे छैन् । त्याे मेशिनमा माकुराले जालो बनाएको छ भने अर्को मेसिनले पनि बिजुली उत्पादन नगर्दा एक सातादेखि सदरमुकाम गमगढी बजारसहितका बस्ती अन्धकार बनेकाे छ । यहाँका तीन हजार एक सय ग्राहक विद्युत सेवाबाट बञ्चित बनिरहेका छन् ।

    एक सातादेखि विद्युत सेवा अवरुद्ध हुँदा गमगढी बजारमा ब्यवसाय गर्दै आएका पसल, होटल, उद्योग कलकारखाना, सरकारी कार्यालय, संघ संस्था, शैक्षिक संस्थान र बैकिङ कारोबार गर्दे आई रहेका संस्थानहरू सेवा प्रदान गर्न र लिन समस्या भएको स्थानीय गंगाप्रसाद न्यौपानेले बताए । मोबाईल चार्ज गर्न पनि एक सय रुपैयाँ तिर्नु परेकाे स्थानीय मणिचन्द्र भामले बताए ।

    प्रमुख जिल्ला अधिकरी रोम बहादुर महतले विद्युत प्राधिकरणको क्षेत्रीय कार्यालय नेपालगज प्रमुख र नेपाल विद्युत प्राधिकरणक निर्देशक कुलमान घिसिङसँग यस विषयमा कुरा भएकाे बताए । विद्युत नियमित गर्न पहल पनि भइरहेकाे उनले बताए । तर, यो मेसिन सञ्चालन गरी प्रयोगमा आए पनि मेसिन पुरानो भएको हुँदा पुन: चाडै बिग्रने सम्भावना भएकाले राष्ट्रिय प्रशारण लाइन पुर्याउन सरोकारवाला सबैलाई अनुरोध र पहल कदमि गर्न आग्रह गरिएको उनले बताए ।

    जेनेरेटरको बेरिङ्ग, एक्साईटेसन आरर्मिचर मेसिनबाट बिजुली उत्पादन हुन नसक्दा विद्युत बन्द भएको हो । विद्युत सञ्चालनको लागि नेपालगन्जबाट विद्युतका सामानसहित दक्ष प्राविधिक झिकाएको भए पनि मौसमका कारणले आउन सकेका छैनन् । एक दुई दिनभित्रै दक्ष प्राविधिकले मर्मतपश्चात विद्युत सेवा सञ्चालनमा ल्याउने जनाइएकाे छ । नयाँ मेसिन खरिद भइसके पनि मेसिन केरुङमा अठ्किएकाे गमगाढ वितरण केन्द्र आयोजना मुगुका सुचना अधिकारी प्रेमप्रसाद पाण्डेले बताए ।खड्क सुनार 


    मंसिर १८, २०७८ शनिवार १७:०२:१४ बजे : प्रकाशित

  • सम्बन्धित विषय:

  • # मुगु

  • क्यानाडा नेपाल