• Oct 25 2021 | २०७८, कार्तिक ८गते

२०७८, कार्तिक ८गते

फ्लोरिनाले जितिन् सुपर डान्सरको उपाधि

क्यानाडा नेपाल आश्विन २५ २०७८
  • 986
    SHARES
  • images
    images
    फ्लोरिनाले जितिन् सुपर डान्सरको उपाधि

    काठमाडौं - डान्सिङ रियालिटी शो 'सुपर डान्सर'को च्याप्टर ४ को उपाधि फ्लोरिना गोगोइले जितेकी छन् । उनले अन्तिम ५ मा रहेका अन्य प्रतिस्पर्धीलाई पछाडि पार्दै उपाधि जितेकी हुन् ।

    images

    अभिनेत्री शिल्पा शेट्टी, निर्देशक अनुराग बासु र कोरियोग्राफर गीता कपुर निर्णायक रहेको रियालिटी शोमा आउने हरेक अतिथिहरूले फ्लोरिनाको डान्स र एक्सप्रेसनको चर्चा गर्ने गरेका थिए । 

    'फ्लोरिना मात्र होइन, अन्तिम ५ मा रहेका सम्पूर्णले त्यो ट्रफी डिजर्भ गर्थे', निर्णायक गीताले भनिन् । फ्लोरिनाले आफूलाई शो जिताएर भोट गर्नेलाई धन्यवाद दिएकी छन् । 'मलाई जिताउने सम्पूर्णलाई धन्यवाद', उनले शोमा नै सानो प्रतिक्रिया दिएकी छन् ।

    उनले टाइटल जितेसँगै १५ लाख भारु नगद जितेकी छन् भने उनका गुरु तुषारले पनि पाँच लाख भारु नगद जितेका छन् । उनले आफूलाई विश्वास गरेर प्रशिक्षण दिने तुषारलाई समेत धन्यवाद दिएकी छन् ।

    'मैले यो पललाई सम्झिनेछु किनकि यो मेरो जीवनको खास पल हो', फ्लोरिनाले भनिन्, 'मेरो भविष्य नै नृत्य हो, अब नयाँ स्टाइलमार्फत नृत्यलाई दर्शक समक्ष लैजान्छु ।'
     


    आश्विन २५, २०७८ सोमवार २०:२८:०२ बजे : प्रकाशित

    images
    images
  • सम्बन्धित विषय:

  • # सुपर डान्सर

  • क्यानाडा नेपाल

    अर्कोसमाचार

    ‘केजिएफ २’ मा यशसँग नोरा फतेहीको आइटम, फिल्ममा यश झनै शक्तिशाली देखिने

  • 352
    SHARES
  • ‘केजिएफ २’ मा यशसँग नोरा फतेहीको आइटम, फिल्ममा यश झनै शक्तिशाली देखिने

    काठमाडौं - पछिल्लो समय प्रतीक्षा गरिएको फिल्ममध्येको एक हो ‘केजिएफ २’ । सार्वजनिक टिजरले बनाएको रेकर्डले पनि दर्शकमा फिल्मलाई लिएर रहेको उत्साह प्रस्टियो । यसैले गर्दा पनि यश फिल्मसँग जोडिएकाे खबरले मिडियामा राम्रो स्थान पाउने गरेका छन् ।

    images

    फिल्म सन् २०२२ अप्रिलमा रिलिज गर्ने घोषणा निर्माण पक्षले गरिसकेको छ । दर्शकको अपेक्षाभन्दा धेरै पर रिलिज तोकिएको फिल्ममा नोरा फतेही पनि देखिने भएकी छिन् । फिल्ममा आइटम गीत राखिने छ, जहाँ दर्शकले यशसँग नोरालाई देख्न पाउनेछन् । बलिउडमा आइटम गर्ल भनेर चिनिएकी नोरासँग यशको डान्स हेर्न फ्यान उत्साहित छन् । यसको पहिलो सिरिजमा पनि मौनी रोय र तमन्ना भाटियाको आइटम डान्स दर्शकले हेर्न पाएका थिए ।

    सन् २०१८ को डिसेम्बरमा रिलिज भएको फिल्म ‘केजीएफ’ मार्फत स्टार बने यश । फिल्मको ट्रेलरदेखि नै चर्चामा रहेका यश रिलिजपछि फ्लोअर्स बढाउन सफल भए । फिल्ममार्फत उनको स्टारडम बढिरहँदा यसको सिक्वेललाई लिएर फ्यान प्रतीक्षित बनेका हुन् ।

    सिक्वेलमा यश झनै शक्तिशाली देखिनेछन् भने उनले एक्सनमा नयाँ स्ट्न्ड गर्नेछन् । यसमा यशसँगै श्रीनिधि शेट्टी, रविना टन्डन पनि मुख्य भूमिकामा हुनेछिन् । सिक्वेलमा बलिउडका बाबा अर्थात् सञ्जय दत्त पनि देखिनेछन् । उनले भिलेनको भूमिका निर्वाह गर्नेछन् । फिल्म च्याप्टर फस्टझैँ पाँच भाषामा रिलिज हुनेछ ।न्युज कारखाना 


    कार्तिक ५, २०७८ शुक्रवार १४:०१:१२ बजे : प्रकाशित

  • सम्बन्धित विषय:

  • # केजिएफ २

  • क्यानाडा नेपाल

    'इन्शाल्लाह’ मा ऋतिक र आलियाको रोमान्स

  • 242
    SHARES
  • 'इन्शाल्लाह’ मा ऋतिक र आलियाको रोमान्स

    काठमाडौं - पछिल्लो समय निर्देशन सञ्जयलीला भन्साली एकपछि अर्को फिल्ममा व्यस्त भइरहेका छन् । उनले अहिले पिरियड ड्रामा जनरका फिल्म बनाइरहेका छन् । देवदास, हम दिल दे चुके सनम जस्ता लभस्टोरी फिल्म दर्शकसमक्ष ल्याइसकेका उनले अब लभस्टोरी फिल्म ल्याउने तयारीमा छन् । 

    images

    उनले केही समय अगाडि 'इन्शाल्लाह’ निर्देशनसँगै निर्माण गर्ने घोषणा गरेका थिए । घोषणा गरिएको स्टारकास्ट सलमान खानसँग कुरा नमिल्दा फिल्मको काम शुरु भएको छैन । सञ्जयले आलिया भट्टलाई लिएर 'गंगुवाई कठियावाडी' निर्देशन गरिसकेका छन् । 

    अब भने भन्सालीले फिल्म 'इन्शाल्लाह' को काम अगाडि बढाउने तयारी गरेका छन्। उनले फिल्मका लागि 'गुजारिस' मा सँगै काम गरेका अभिनेता ऋतिक रोशनसँग कुराकानी अगाडि बढाएका छन् ।

    पछिल्लो समय एक्सन र सोसल ड्रामा फिल्ममा देखा परिरहेका ऋतिक पनि लभस्टोरी फिल्म दर्शकसमक्ष ल्याउन चाहन्छन । दर्शकका लागि पनि ऋतिक र आलियाको जोडी फ्रेस हुनेछ ।  


    कार्तिक ५, २०७८ शुक्रवार २०:३६:०८ बजे : प्रकाशित

  • सम्बन्धित विषय:

  • # इन्शाल्लाह

  • क्यानाडा नेपाल

    फिल्म सुटिङको लागि मनाङमा अनुपम, परिणिती र बोमन

  • 2.0K
    SHARES
  • फिल्म सुटिङको लागि मनाङमा अनुपम, परिणिती र बोमन

    +काठमाडौंँ - गत ४ अक्टोबरदेखि नेपालमा भारतीय फिल्म उचाइको छायांकन भइरहेको छ । काठमाडौंमा दुई दिनको छायांकन सकाएर हिमाली भेगतर्फ प्रस्थान गरेको टोलीले त्यहाँको सुन्दरता कैद गरिरहेको छ । 

    images

    लुक्ला, नाम्चेको छायांकन सकेपछि यतिबेला फिल्म युनिट मनाङको रमणीय दृश्य छायांकन गरिरहेको छ । दुई दिनअगाडि नै प्राविधिक पुगेर छायांकनको लागि तयारी सकेपछि फिल्मका मुख्य कलाकारहरू अनुपम खेर, परिणिती चोपडा र बोमन इरानी पनि मनाङ पुगेका छन् । 

    आठ दिनको सेड्युल लिएर मनाङमा पुगेको युनिटले निर्धारित समयमा नै छायांकन सकाएर फर्किनेछ । दुई दिन छायांकन नहुने भएपछि फिल्मका मुख्य कालाकारहरू अनुपम, बोमन र परिणिती काठमाडौंँ फर्किएका थिए । उनीहरू शुक्रबार मनाङ पुगेका हुन् । 

    जहाँ उनीहरूलाई स्थानीय परम्पराअनुसार स्वागत गरिएको छ । अनुपम स्थानीय संस्कृतिसँग घुलमिल भइरहेको आभास उनको सामाजिक सञ्जालमार्फत सहजै लगाउन सकिन्छ । नेपालका प्रोडक्सन म्यानेजर अरुण रेग्मीले मौसमले केही समस्या ननिम्त्याए निर्धारित समयमै छायांकन सकेर फिल्म युनिट काठमाडौं हुँदै भारत फर्किने बताए ।

    मित्रताको कथा भन्ने फिल्ममा अमिताभ बच्चन, डेनी डेन्जोङ्पा, अनुपम खेर, बोमन इरानी, परिणिती चोपडालगायतको अभिनय रहेको छ । यद्यपि, सो फिल्म सुटिङका लागि अमिताभ बच्चन भने नेपाल आएका छैनन् । 

    चार जनाको मित्रताको कथा नेपालको हिमाली भेगमा बसोबास गर्ने डेनीसँग जोडिएर सुरु हुने बुझिएको छ । बलिउडको प्रसिद्ध व्यानर राजश्री प्रोडक्सनले निर्माण तथा सुरज बडजात्याको निर्देशनमा फिल्म तयार भइरहेको छ । 

    नेपालमा ३० दिनको छायांकन सेड्युल रहेको नेपालको लाइन प्रोड्युसर कम्पनी थ्री ह्विलर्स फिल्म्सका सुरज आचार्यले बताए । न्युज कारखाना 


    कार्तिक ६, २०७८ शनिवार ०८:०२:१५ बजे : प्रकाशित

  • सम्बन्धित विषय:

  • # अनुपम खेर

  • क्यानाडा नेपाल

    शाहरुख खानका छोरा आर्यनले भने- मलाई फसाइयो 

  • 192
    SHARES
  • शाहरुख खानका छोरा आर्यनले भने- मलाई फसाइयो 

    काठमाडौं - बलिउड अभिनेता शाहरुख खानका छोरा आर्यन खान यतिबेला जेलमा छन् । उनीसहित आठजनालाई मुम्बईस्थित नार्कोटिक्स कन्ट्रोल ब्युरोले पक्राउ गरेर कारबाही गरिरहेको छ ।

    images

    आर्यनलाई पार्टीका लागि तयार एक क्रुज सिपबाट पक्राउ गरिएको हो । उनको साथमा ड्रग्स नभेटिएको र उनले सेवन नगरेको भए पनि उनलाई हाल मुम्बईस्थित आर्थर रोड जेलमा राखिएको छ । सबैलाई एउटै मुद्दा बनाएर एनसीबीले कारबाही गरिरहेको छ । आर्यनको जमानत दुईपटक खारेज भएपछि उनको वकिलले मुम्बई हाई कोर्टमा जमानतका लागि अपिल गरेका छन् । जसको सुनुवाइ २६ अक्टोबरमा हुँदैछ । 

    अपिलमा आर्यनले आफूलाई एनसीबीले फसाउने नियत राखेको आरोपसमेत लगाएका छन् । ‘मेरो ह्वाटएप्स च्याटलाई गलत तरिकाले बाहिर ल्याइएको छ,’ आर्यनले अपिलमा भनेका छन्, मैले ड्रग्स सेवन गरेको छैन र मसँग केही प्रतिबन्धित सामग्री भेटिएको पनि छैन तर पनि म जेल बस्न बाध्य छुँ ।’ उनले पार्टीमा आफूले अरबाज र आचित नामक दुई साथीलाई मात्र चिनेको खुलाएका छन् । आर्यनले अपिलमा आफूलाई फसाउने षड्यन्त्र भइरहेको जनाउँदै न्यायका लागि यहाँसम्म आएको उल्लेख गरेका छन् । 

    हालै एनसीबीले आर्यनको घर मन्नतमा समेत छापा मारेको थियो । यद्यपि त्यहाँ के पाइयो भन्ने विषयमा केही खुलाइएको छैन । यसका साथै ह्वाटएप्स च्याट अभिनेत्री अनन्या पाण्डेसँग लिंक भएको भन्दै त्यहाँसमेत एनसीबीले छापा मारेको छ । बिहीबार एनसीबीले छापा मरेपछि अनन्यालाइ सोधपुछका लागि बोलाउनुका साथै ल्यापटप र मोबाइलसमेत सिज गरेको थियो । 


    कार्तिक ७, २०७८ आइतवार ०९:५१:२० बजे : प्रकाशित

  • सम्बन्धित विषय:

  • # आर्यन खान

  • क्यानाडा नेपाल

     जेलमा धार्मिक पुस्तक पढेर समय बिताउदै शाहरुखका छोरा आर्यन 

  • 238
    SHARES
  •  जेलमा धार्मिक पुस्तक पढेर समय बिताउदै शाहरुखका छोरा आर्यन 

    काठमाडौं - बलिउड अभिनेता शाहरुख खानका छोरा आर्यन खान अहिले जेलमा छन् । पक्राउ परेका आर्यनसहित आठजनालाई मुम्बईस्थित नार्कोटिक्स कन्ट्रोल ब्युरोले कारबाही गरिरहेको छ ।
     
    पार्टीका लागि तयार एक क्रुज सिपबाट पक्राउ  परेका आर्यनको साथमा ड्रग्स नभेटिएको र उनले सेवन नगरेको भए पनि उनलाई हाल मुम्बईस्थित आर्थर रोड जेलमा राखिएको भारतिय मिडियाका जनाइएको छ । 

    images

    अहिले एनसीबीले सबैलाई एउटै मुद्दा बनाएर कारबाही गरिरहेको छ । जेलमा रहेका आर्यन समयबिताउन अहिले पुस्तकहरु पढिरहेका छन् । उनलाई कारागार पुस्तकालयबाट पुस्तकहरू उपलब्ध गराइएको छ । 

    उनले जेलभित्र भगवान् राम र माता सीताको जीवनचरित्र अध्ययन गरिरहेको बताइएको छ । जेलमा धार्मिक पुस्तक मात्र पढ्न पाइने हुनाले आर्यललाई सो पुस्तक उपलब्ध गराइएको हो । 

    आर्यनको जमानत दुईपटक खारेज भएपछि उनको वकिलले मुम्बई हाई कोर्टमा जमानतका लागि अपिल गरेका छन् । जसको सुनुवाइ २६ अक्टोबरमा हुँदैछ । 
     


    कार्तिक ७, २०७८ आइतवार १२:५०:३८ बजे : प्रकाशित


    क्यानाडा नेपाल

    सैफ र रानी १२ वर्षपछि एकसाथ देखिए, 'बन्टी और बबली २' को रमाइलो ट्रेलर सार्वजनिक

  • 144
    SHARES
  • सैफ र रानी १२ वर्षपछि एकसाथ देखिए, 'बन्टी और बबली २' को रमाइलो ट्रेलर सार्वजनिक

    काठमाडौं - फिल्म 'बन्टी और बबली २' को ट्रेलर सार्वजनिक भएको छ । सैफ अली खान र रानी मुखर्जीको मूख्य अभिनय रहेको यस फिल्मको ट्रेलर सोमबार युट्युबमा सार्वजनिक भएको हो । सैफ र रानी करीब १२ वर्षको अन्तरालपछि एकसाथ देखिखैछन् । 

    images

    यशराजको यस फिल्मको ट्रेलर छोटो समयमा नै धेरै रुचाइएको छ । ३ मिनेट ११ सेकेण्डको ट्रेलर निकै रमाइलो छ ।  फिल्ममा पुलिसको भूमिका पंकज त्र‍िपाठीले निर्वाह गरेका छन् । 

    वरुण वी शर्मा निर्देशनमा बनेको यस फिल्ममा रानी गृहणी महिला विम्मी त्रिवेदीको भूमिकामा छिन् र सैफले राकेश त्रिवेदीको भूमिका निर्वाह गरेका छन् । फिल्म १९ नोभेम्बरमा प्रदर्शनमा आउनेछ । 


    कार्तिक ८, २०७८ सोमवार १८:३६:५८ बजे : प्रकाशित

  • सम्बन्धित विषय:

  • # बन्टी और बबली २

  • क्यानाडा नेपाल