• Oct 25 2021 | २०७८, कार्तिक ८गते

२०७८, कार्तिक ८गते

अफगानिस्तानमा कठोर सजायहरू फेरि शुरू हुने - तालिबान अधिकारी 

क्यानाडा नेपाल आश्विन ८ २०७८
  • 588
    SHARES
  • images
    images
    अफगानिस्तानमा कठोर सजायहरू फेरि शुरू हुने - तालिबान अधिकारी 

    तालिबानको धार्मिक प्रहरीका एक कुख्यात पूर्वप्रमुखले मृत्युदण्ड र शरीरका अङ्ग काट्नेजस्ता कठोर सजायहरू अफगानिस्तानमा पुनर्बहाली हुने चेतावनी दिएका छन्। हाल कारागार प्रमुख रहेका मुल्लाह नुरूद्दीन तुराबीले अङ्ग काट्नेसम्बन्धी सजाय "सुरक्षाका लागि आवश्यक" भएको समाचारसंस्था एपीलाई बताएका हुन्।

    images

    तर त्यस्ता सजायहरूको कार्यान्वयन विगतमा जस्तो सार्वजनिक स्थलहरूमा नगरिने उनले बताए। सन् १९९० को दशकमा तालिबानले आफ्नो शासनकालमा त्यस्ता सजायहरू सार्वजनिक स्थलहरूमा दिने गरेका थिए।

    आलोचना
    यद्यपि विगतमा सार्वजनिक स्थलहरूमा दिने गरिएका मृत्युदण्डको आलोचना भएको कुरा तुराबीले खारेज गरे। उनले भने, "हाम्रो कानून कस्तो हुनुपर्छ भन्नेबारे अरूले भन्नु पर्दैन।"

    गत अगस्ट १५ मा अफगानिस्तानमाथि नियन्त्रण कायम गरेयता तालिबानले विगतको भन्दा नरम शासन गरिने बताउँदै आएका छन्। तर देशभरि मानव अधिकार उल्लङ्घन भएका भनिएका थुप्रै घटनाहरू बाहिर आएका छन्।

    हेरातमा प्रतिष्ठित महिलाहरू, घरबाहिर हिँडडुल गर्न पाउने स्वतन्त्रता पक्षधर र पोशाकसम्बन्धी नियम पालना गर्न अस्वीकार गर्ने महिलाहरूको खोजी गर्दै तालिबान लडाकुहरू हिँडेको पाइएको अधिकारवादी संस्था ह्युमन राइट्स वाचले बिहीवार जनाएको थियो।

    काबुलमाथि तालिबानले नियन्त्रण कायम गर्नुभन्दा केही दिनअगाडि बाल्खमा तालिबानका एक न्यायाधीश हाजी बदरुद्दीनले इस्लामिक कानूनको कठोर व्याख्यालाई आफूले समर्थन गर्ने बीबीसी संवाददाता सेकन्दर कर्मानीलाई बताएका थिए।

    विगतका कामका कारण संयुक्त राष्ट्रसङ्घले आर्थिक प्रतिबन्ध लगाएका व्यक्तिहरूको सूचीमा रहेका तुराबीले सार्वजनिक स्थलमा सजायहरू दिने वा नदिने विषयमा मन्त्रिपरिषद्‌मा छलफल भइरहेको र त्यसबारे नीति बनाइने बताए।

    सन् १९९० को दशकमा काबुलका खेलकुद रङ्गशालाहरूमा अथवा इदगाहमा मृत्युदण्डका सजाय दिने गरिन्थ्यो। त्यस बेला तुराबी न्यायमन्त्रीका साथै सदाचार विस्तार तथा दुराचार नियन्त्रण मामिला प्रमुख थिए।समाचार बीबीसी नेपालीबाट साभार गरिएको हो । 


    आश्विन ८, २०७८ शुक्रवार १९:५३:३१ बजे : प्रकाशित

    images
    images
  • सम्बन्धित विषय:

  • # अफगानिस्तान

  • क्यानाडा नेपाल

    अर्कोसमाचार

    पाकिस्तानको राजधानीमा डेङ्गुको सङ्क्रमण, एकैदिन १४६ विरामी थपिए

  • 216
    SHARES
  • पाकिस्तानको राजधानीमा डेङ्गुको सङ्क्रमण, एकैदिन १४६ विरामी थपिए

    इस्लामाबाद, पाकिस्तान - पाकिस्तानको राजधानीमा डेङगुका घटनाहरू बढिरहेका पाकिस्तानी सञ्चार माध्यमहरूले जनाएका छन् ।आइतबारको २४ घण्टाको अवधिमा इस्लामाबादमा १४६ थप विरामीमा डेङ्गुको सङ्क्रमण पुष्टि गरिएको छ भने यो अवधिमा एकको मृत्यु भएको एआरवाई न्युजले स्थानीय अधिकारीलाई उद्धृत गरी आइतबार जनाएको छ ।

    images

    संघीय राजधानीमा यो बर्ष अहिलेसम्म दुई हजार ८६७ जना डेङ्गुका कारण विरामी परेका छन् भने११ जनाको मृत्यु भएको छ । पाकिस्तानी अधिकारीले डेङ्गुको संक्रमण दर उच्च भन्दै आवश्यक सावधानी अपनाउन स्थानीय नागरिकलाई सचेत बनाएका छन् ।

    पञ्जाबमा शुक्रबारदेखि शनिबारसम्मको २४ घण्टाको अवधिमा डेङ्गुका ५४६ नयाँ संक्रमण देखिएकाले शनिबारको तथ्याङ्क बढी देखिएको समाचारमा जनाइएको छ ।
    लाहोरमा ३६१ डेङ्गुु ज्वरोका बिरामी रहेको प्रान्तीय स्वास्थ्य सचिव इमरान सिकन्दर बालोचले बताउनुभयो । एएनआई  


    कार्तिक ७, २०७८ आइतवार २०:०१:५९ बजे : प्रकाशित

  • सम्बन्धित विषय:

  • # पाकिस्तान

  • क्यानाडा नेपाल

    चिलीमा कोरोना संक्रमितको संख्या बढेको बढ्यै

  • 412
    SHARES
  • चिलीमा कोरोना संक्रमितको संख्या बढेको बढ्यै

    सान्टियागो - चिलीमा कोरोनाभाईरस संक्रमितको संख्या फेरी बढेको छ । आईतबार चिलीमा २ हजार ५६ जना नयाँ संक्रमित भेटिएको त्यहाँको स्वास्थ्य मन्त्रालयले जनाएको छ ।

    images

    ‘पछिल्लो समयमा चिलीमा कोभिड संक्रमितको संख्या बढेको बढ्यै छ । कोभिड महामारीप्रति हामी निकै चिन्तित छौं,’ चिलीका स्वास्थ्यमन्त्री इनिरिक्व पेरिसले भने ।

    सरकारले खोप नलगाएका व्यक्तिलाई तत्काल लगाउन निर्देशन दिएको छ । चिलीमा अहिलेसम्म कोभिडबाट १६ लाख ८० हजार मानिस संक्रमित भएका छन् । पछिल्लो २४ घन्टामा ११ जनाको मृत्यु भएको छ । चिलीमा कोभिडबाट अहिलेसम्म ३७ हजार ६६२ जनाको मृत्यु भइसकेको छ ।एजेन्सी
     


    कार्तिक ७, २०७८ आइतवार २१:३९:२८ बजे : प्रकाशित

  • सम्बन्धित विषय:

  • # चिली

  • क्यानाडा नेपाल

    स्वार्थ पूरा गर्न निश्चित व्यक्तिले बंगालादेशमा जातीय हिंसा मच्चाए - शेख हसिना

  • 188
    SHARES
  • स्वार्थ पूरा गर्न निश्चित व्यक्तिले बंगालादेशमा जातीय हिंसा मच्चाए - शेख हसिना

    ढाका - बंगलादेशकी प्रधानमन्त्री शेख हसिना वाजेदले जातीय विभाजन गर्न र देशको छवि बिगार्न केही व्यक्तिले नियोजित रुपमा साम्प्रदायिक द्वन्द्व भड्काएको आरोप लगाएकी छिन् । 

    images

    बंगलादेशमा दुर्गा पूजा मनाउने क्रममा फेसबुकमा एउटा फेक पोस्टका कारण साम्प्रदायिक द्वन्द्व मच्चिएको थियो । एउटा मुस्लिम समूहले हिन्दूहरुको दर्जनौं घरमा आगजनी गर्नुका साथै हिन्दू मन्दिरमा तोडफोड गरेको थियो ।

    ‘बंगलादेशलाई सुनियोजित तरिकाले कसैले पनि पछाडि धकेल्न सक्दैन । पछिल्लो समयमा बंगलादेशमा भएका घटनाहरु सुनियोजित हुन् । देशमा अस्थिरता निम्त्याउन चाहने तत्वले यस्ता षडयन्त्र गरेका हुन् । ’ प्रधानमन्त्रीले भनिन् । 

    बंगलादेशलाई जातीय र साम्प्रदायिक दंगा फैलाउन लामो समयदेखि एउटा समूह लागिरहेको उनको भनाई थियो । ‘आफ्नो इच्छा पूरा गर्न निश्चित व्यक्ति र समूहले जातीय द्वन्द्व बढाउन लागि परेका छन्,’ उनले भनिन् । 

    जातीय हिंसा भड्काएको आरोपमा प्रहरीले शैकत मन्डललाई पक्राउ गरेको छ । यसअघि कोक्स बजारबाट इक्वाल होसेन पक्राउ परेका थिए । होसेन बंगलादेशको पछिल्लो जातीय हिंसाका प्रमुख षडयन्त्रकारी भएको जनाइन्छ । 

    हिंसाबीच, बंगलादेशका अल्पसंख्यक हिन्दूहरुले नौ दिनसम्म दुर्गा पूजा गरेर विजया दशमी मनाएका थिए । एजेन्सी
     


    कार्तिक ८, २०७८ सोमवार ०७:४५:०३ बजे : प्रकाशित

  • सम्बन्धित विषय:

  • # शेख हसिना

  • क्यानाडा नेपाल

    भारतमा एकैदिन १४ हजार ६ सय कोरोना संक्रमित थपिए, ४ सय ४२ जनाले ज्यान गुमाए

  • 176
    SHARES
  • भारतमा एकैदिन १४ हजार ६ सय कोरोना संक्रमित थपिए, ४ सय ४२ जनाले ज्यान गुमाए

    काठमाडौं । भारतमा पछिल्लो समय कोरोनाभाइरसको संक्रमण र मृत्यु दर घट्दै गइरहेको छ । भारतमा कुनै समय दैनिक ४ लाख कोरोना संक्रमित फेला परेका थिए । तर पछिल्लो समय कोरोना संक्रमितको संख्या घटिरहेको छ । 
     
    भारतमा पछिल्लो २४ घण्टामा कोरोना संक्रमणबाट ४ सय ४२ जनाको मृत्यु भएको छ । हालसम्म भारतमा कोरोना संक्रमणबाट ज्यान गुमाउनेको संख्या ४ लाख ५४ हजार ७ सय ४३ पुगेको छ ।  
     
    पछिल्लो २४ घण्टामा १४ हजार ६ सय ४१ जनामा कोरोना संक्रमण देखिएको छ । हालसम्म कोरोना संक्रमितको कुल संख्या ३ करोड ४१ लाख ८९ हजार ४ सय ८४ पुगेको छ ।  

    images

    यस्तै पछिल्लो २४ घण्टामा १८ हजार ६ सय ९९ जना निको भएका छन् । भारतमा हालसम्म कोरोनासंक्रमणबाट मुक्त हुनेको संख्या ३ करोड ३५ लाख ५९ हजार ६ सय ४९ पुगेको छ । 


    कार्तिक ८, २०७८ सोमवार ०८:४९:४३ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडा नेपाल

    गरिबीबिरुद्व जुध्ने तालिवान काइदा - बेरोजगारलाई बिकास निर्माणमा खटाएर ज्यालाको सट्ट गहुँ वितरण

  • 370
    SHARES
  • गरिबीबिरुद्व जुध्ने तालिवान काइदा - बेरोजगारलाई बिकास निर्माणमा खटाएर ज्यालाको सट्ट गहुँ वितरण

    काबुल - तालिवानले १५ अगस्टमा सत्ता कब्जामा लिएपछि अफगानिस्तानमा चरम आर्थिक संकट छ । हजारौं व्यक्ति बेरोजगार छन् । गरिबीकाकारण दैनिक उपभोग्य बस्तुको अभावमा हजारौं अफगानी भोकभोकै मर्ने अवस्थामा छन् ।

    images

    भोकमरी बढेपछि तालिवान सरकारले विशेष कार्यक्रम ल्याएको छ । बेरोजगार र आर्थिक कठिनाईको सामना गरेका व्यक्तिलाई काम लगाएर त्यसको सट्टा सरकारले गहुँ प्रदान गर्ने भएको छ । 

    यस योजनाअन्तर्गत अफगानिस्तानमा प्रमुख सहर र बजारमा हजारौ बेरोजगारलाई विकास निर्माणका काममा तैनाथ गरिएको छ । उनीहरुले विद्युत, खानेपानी, सडक, पुल भवन निर्माणजस्ता क्षेत्रमा काम गर्नेछन र ज्यालाको सट्टा गहुँ दिइनेछ । ‘बेरोजगारबिरुद्ध जुध्नका लागि यो एउटा महत्वपूर्ण खुड्किलो हो,’ तालिवान प्रवत्ता जाबीहुल्लाह मुजाहिदले राजधानीमा आयोजित पत्रकार सम्मेलनमा भने । 

    दुई महिने कार्यक्रमअन्तर्गत देशव्यापी रुपमा ६५ हजार ६ सय टन गहुँ वितरण गरिनेछ । यो कार्यक्रम हेरात, जलालाबाद, कान्दहर, मजार इ शरिफलगायतका क्षेत्रमा सञ्चालन गरिनेछ । 

    उनले श्रमिकले कडा मिहिनेत गर्नुपर्ने बताए । गरिबी, खडेरी, लोडसेडिङलगायतका समयस्या सामना गरेको अफगानिस्तानमा हिउँदको सुरुवातसँगै चिसोको समस्या बढ्ने देखिन्छ ।एजेन्सी 


    कार्तिक ८, २०७८ सोमवार ०९:५८:०३ बजे : प्रकाशित

  • सम्बन्धित विषय:

  • # अफगानिस्तान

  • क्यानाडा नेपाल

    विश्वभर २२ करोड १४ लाख बढी कोरोना संक्रमित निको भए, हेर्नुहोस् कुन देशमा कति संक्रमित र मृत्यु ?

  • 186
    SHARES
  • विश्वभर २२ करोड १४ लाख बढी कोरोना संक्रमित निको भए, हेर्नुहोस् कुन देशमा कति संक्रमित र मृत्यु ?

    काठमाडौं । विश्वका विभिन्न देशमा पछिल्लो समय कोरोनाभाइरसको संक्रमण विस्तारै घट्दै गइरहेको छ । अहिले विभिन्न देशमा कोरोना खोप पनि लगाइएको छ। वर्ल्डोमिटर्सको तथ्यांक हेर्दा अहिले केही देशमा मात्र कोरोना संक्रमितको संख्या बढेको देखिन्छ ।

    images

    वर्ल्डोमिटर्सको तथ्यांक अनुसार हालसम्म विश्वभर कोरोना संक्रमितको संख्या २४ करोड ४४ लाख २७ हजार ४ सय १० पुगेको छ भने यसबाट मृत्यु हुनेको संख्या ४९ लाख ६३ हजार ७ सय ५२ पुगेको छ ।

    त्यस्तै हालसम्म विश्वभर २२ करोड १४ लाख ५१ हजार ९ सय ४९ कोरोना संक्रमित उपचारपछि निको भइसकेका छन् । त्यस्तै अमेरिकामा मात्र कोरोनाको संक्रमणबाट ७ लाख ५६ हजार ३ सय ६२ जनाको मृत्यु भएको छ भने संक्रमितको संख्या ४ करोड ६३ लाख १२ हजार ७ सय ८२ पुगेको छ । यस्तै अमेरिकामा ३ करोड ६० लाख ५२ हजार ६ सय १४ कोरोना संक्रमित निको भइसकेका छन् । 

    त्यस्तै ब्राजिलमा कोरोनाको संक्रमणबाट मुत्यु हुनेको संख्या ६ लाख ५ हजार ६ सय ८२ पुगेको छ भने संक्रमितको संख्या २ करोड १७ लाख २९ हजार ७ सय ६३ पुगेको छ ।

    dd.PNG


    कार्तिक ८, २०७८ सोमवार १०:११:०२ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडा नेपाल