• Sep 18 2021 | २०७८, आश्विन २गते

२०७८, आश्विन २गते

बायर्न म्युनिखसँग बार्सिलोना पराजित, च्याम्पियन्स लिगमा अन्य खेलको नतिजा यस्तो

क्यानाडा नेपाल भाद्र ३० २०७८
  • 342
    SHARES
  • बायर्न म्युनिखसँग बार्सिलोना पराजित, च्याम्पियन्स लिगमा अन्य खेलको नतिजा यस्तो

    काठमाडौं - युरोपेली च्याम्पियन्स लिगमा बार्सिलोना घरेलु मैदानमा बायर्न म्युनिखसँग पराजित भएको छ । मंगलबार राति नोउ क्याम्पमा भएको खेलमा बार्सिलोना बायर्नसँग ३-० गोल अन्तरले पराजित भएको हो । 

    images

    स्टार खेलाडी लियोनल मेस्सी पेरिस सेण्ड जर्मन पुगेपछि सर्जियो बुस्केटको कप्तानीमा उत्रिएको बार्सिलोनाले पहिलो हाफमा १ गोल ब्यहोर्दै दोस्रो हाफमा थप २ गोल खान पुगेकाे थियाे । 

    बायर्नको अवे जितमा रोबर्ट लेवाण्डोस्कीले २ तथा  थोमस मुलरले १ गोल गरे । खेलका ३४औँ मिनेटमा बायर्नले अग्रता बनायो । पहिलो गोल थोमस मुलरले गरे । मुलरलाई लोरे सानेको पासमा उपलब्ध गराएका थिए । 

    खेलका ५६औँ मिनेटमा रोबर्ट लेवाण्डोस्कीले दोस्रो अग्रता बनाएका भने ८५औँ मिनेटमा ३-० को अग्रता बनाए । समूह 'इ' अन्तर्गतको अर्काे खेलमा बेन्फिका र ड्यनामो केयीभले गोल सहित बराबरी खेल्दै १-१ अंक बाँडे । 

    जितसँगै समूह 'इ' बाट बायर्न तीन अंकका साथ शीर्ष स्थानमा छ । बेन्फिका र ड्यनामोको एक–एक अंकका साथ दोस्रो र तेस्रो स्थानमा रहँदा बार्सिलोना पुछारमा छ । मंगलबार राति राति नै भएको समूह 'एच'को खेलमा साविक विजेता चेल्सी र युभेन्ट्सले विजयी यात्रा सुरुवात गरेका छन् । 

    चेल्सीले घरेलु मैदान स्टामफोर्ड ब्रिजमा जेनिट सेण्ड पिटरर्सबर्गलाई १-० गोल अन्तरले पराजित गरेकाे हाे । चेल्सीको जितमा निर्णायक गोल यसै सिजन अनुबन्धन भएका रोमेलु लुकाकुले गरे । लुकाकुले ६९औँ मिनेटमा गरेको गोल नै चेल्सीलाई तीन अंकको पर्याप्त रह्यो ।  

    समूह 'एच'कै अर्काे खेलमा युभेन्टस्ले घरेलु टोली माल्मोलाई ३-० गोल अन्तरले पराजित गरेकाे छ । स्विडेनमा भएको खेलमा युभेन्टस्लाई जित दिलाउन एलेक्स सान्द्रो, कप्तान पाउलो डिबला र अल्भारो मोरटाले १-१ गोल गरे । 

    युभेन्टस्ले पहिलो हाफमै ३ गोल गरेको थियो । खेलको २३औँ मिनेटमा सान्द्रोले युभेन्टस्लाई अग्रता दिलाए । ४५औँ मिनेटमा कप्तान डिबलाले पेनाल्टीमा गोल गर्दा मोरटाले ४५औँ मिनेट पछि थपिएको १ मिनेटमा गोल गरे । 

    जितसँगै समान तीन अंक भए पनि समूह 'एच'मा युभेन्टस् पहिलो स्थानमा रहँदा चेल्सी दोस्रो स्थानमा छ । बिना कुनै अंक जेनिट र माल्मो क्रमशः तेस्रो र चौथो स्थानमा छन् । 

    समूह 'एफ'को खेलमा स्टार खेलाडी क्रिष्टियानो रोनाल्डो प्रेरित म्यानचेष्टर युनाईटेड योङ ब्वाईजसँग स्तब्ध भएको छ ।  स्विजरल्याण्डमा भएको खेलमा रोनाल्डोले गोल गरे पनि १० खेलाडीमा सीमित युनाइटेड योङ ब्वाईजको घरेलु मैदानमा २-१ गोल अन्तरले पराजित भएको हो । 

    खेलको १३औँ मिनेटमा गोल गर्दै रोनाल्डोले युनाईटेडलाई अग्रता दिलाएका थिए । रोनाल्डोले पोर्चुगिज सहकर्मी ब्रुनो फर्नाण्डेजको पास सदुपयोग गरेका थिए । 

    खेलका ३५औँ मिनेटमा युनाइटेड १० खेलाडीमा सीमित भयो । आरोन वान विशाकाले रातो कार्ड पाएर मैदान छाडे ।  दोस्रो हाफमा योङ ब्वाईजले लगातार दुई गोल गर्‍याे । निकालोस नगामालेउले खेलको ६६औँ मिनेटमा बराबरी गोल गरे । थपिएको पाँच मिनेटमा जोर्डन सिएबात्चेउले गोल गर्दै घरेलु टोली योङ बाईजलाई रोमाञ्चक जित दिलाए ।

    समूह 'एफ'को अर्काे खेलमा भिल्लारियल र एटालान्टाले २-२ गोलको बराबरी खेल्दै अंक बाँडे । जितसँगै समूह 'एफ'मा योङ ब्वाईज शीर्ष स्थानमा छ । यस्तै युनाइटेड भने पुछारमा छ । अंक बाँडेका एटालान्टा र भिल्लारियल भने दोस्रो र तेस्रो स्थानमा छन् । 

    राति नै भएको समूह 'जी' मा दुबै खेल बराबरीमा टुंगिएका छन् । सेभिल्लाले रेडबुल साल्जबर्गसँग १-१ गोलको बराबरी खेल्दै अंक बाँड्याे भने लिल्ले र वुल्फस्बर्गले गोलरहीत बराबरी खेले ।न्युज कारखाना


    भाद्र ३०, २०७८ बुधवार ०७:४१:२८ बजे : प्रकाशित

    images
    अर्कोसमाचार

    युइएफए युरोपा लिग : लेष्टर र नापोलीको बराबरी

  • 184
    SHARES
  • युइएफए युरोपा लिग : लेष्टर र नापोलीको बराबरी

    काठमाडौं - युइएफए युरोपा लिगअन्तर्गत इग्ल्याण्डको लेष्टर सिटी र इटालीको नापोली क्लबले बराबर खेल्दै अंक बाँडेका छन् । बिहीबार राति लेष्टरको मैदानमा भएको समूह सी को खेलमा लेष्टर र नापोलीले २–२ गोलको बराबरी खेलेका हुन् । 

    images

    खेलमा घरेलु टोली लेष्टरले अग्रता बनायो ।  उसका अयोज पेरेजले खेलको ९ मिनेटमा बार्नेसको पास सदुपयोग गर्दै गोल गरे । खेलको ६४ मिनेटमा पुनः लेष्टरले २–० को अग्रता बनायो । हार्भे बार्नेसले केलेचीको पासमा उत्कृष्ट गोल गरे । 

    २–० गोल अन्तरले पछि पारेको नापोलीलाई भिक्टोर ओसिम्हेनले हारबाट टारे । भिक्टोरले खेलको ६९ र ८७ मिनेटमा गोल गर्दै २–२ को बराबरी गर्न सफल भए । यस्तै समूह सीको अर्काे खेलमा पोल्याण्डको लेगिया वार्सजवाले रसियाको स्पार्टक मस्कोलाई १–० गोल अन्तरले पराजित गर्दै शीर्षस्थानमा कब्जा जमायो । 

    समूह सी बाट ३ अंकसहित लेगिया शीर्षस्थानमा छ । यस्तै समान १ अंक रहेका नापोली र लेष्टर क्रमशः दोस्रो र तेस्रो स्थानमा छन् भने मस्को पुछारमा छ । न्युज कारखाना


    आश्विन १, २०७८ शुक्रवार ०६:५७:०० बजे : प्रकाशित

  • सम्बन्धित विषय:

  • # युरोपा लिग

  • क्यानाडा नेपाल

    आईसीसी विश्वकप क्रिकेट लिग–२ : अमेरिका र नेपाल भिड्दै

  • 186
    SHARES
  • आईसीसी विश्वकप क्रिकेट लिग–२ : अमेरिका र नेपाल भिड्दै

    काठमाडौं - आईसीसी विश्वकप क्रिकेट लिग–२ अन्तर्गतको त्रिकोणात्मक एकदिवसीय शृंखलामा नेपालले आज अमेरिकासँग प्रतिस्पर्धा गर्दैछ । शुक्रबार अल अमेरात क्रिकेट मैदानमा नेपाल र अमेरिकासँग प्रतिस्पर्धा गर्न लागेका हुन् । खेल अपराह्न ४ः१५ बजे सुरु हुनेछ ।

    images

    यसअघि सोमबार भएको खेलमा नेपालले अमेरिकालाई ५ विकेटले पराजित गरेको थियो । त्यसैले अमेरिका नेपालविरुद्ध बदला लिने रणनीतिमा हुनेछ । यस्तै नेपाल भने लगातार अमेरिकाविरुद्ध जित निकाल्ने दाउमा हुनेछ । 

    यसअघि अमेरिकालाई ५ विकेटले पराजित गरेको नेपाल ओमनविरुद्ध ५ विकेटले पराजित भएको थियो । यता, अमेरिकासमेत ओमानसँग ४ विकेटले पराजित भएको थियो । 

    लिग–२ मा नेपाल ६ खेलमा ६ अंक जोडेर छैठौं स्थानमा रहेको छ । अमेरिका १४ खेलमा १२ अंक जोडेर दोस्रो स्थानमा रहेको छ । ओमान १२ खेलमा २० अंक जोडेर शीर्ष स्थानमा रहेको छ ।न्युज कारखाना 


    आश्विन १, २०७८ शुक्रवार ०८:२९:४३ बजे : प्रकाशित

  • सम्बन्धित विषय:

  • # आईसीसी विश्वकप क्रिकेट

  • क्यानाडा नेपाल

    ईपीएल टी-ट्वान्टी क्रिकेटमा दक्षिण अफ्रिकाका लेभी र वेस्ट इन्डिजका विलियम्सले खेल्ने

  • 150
    SHARES
  • ईपीएल टी-ट्वान्टी क्रिकेटमा दक्षिण अफ्रिकाका लेभी र वेस्ट इन्डिजका विलियम्सले खेल्ने

    काठमाडौं - एभरेस्ट प्रिमियर लिग (ईपीएल) टी-ट्वान्टी क्रिकेट प्रतियोगिता असोज ९ गतेबाट शुरु हुँदैछ । प्रतियोगितामा भाग लिने टिमहरुले धमाधम विदेशी खेलाडीलाई अनुबन्ध गरिरहेका छन् । यस्तै यस प्रतियोगिता दक्षिण अफ्रिकाका रिचार्ड लेभी र वेस्ट इन्डिजका केसरिक विलियम्सले पनि खेल्ने भएका छन् । 

    images

    उनीहरुले पोखरा राइनोजबाट खेल्ने बताइएको छ । पोखरा राइनोजले आफ्नो टिममा लेभी र विलियम्सलाई अनुबन्धन गरिएको जनाएको छ । चौंथो संस्करणको इपीएल क्रिकेट असोज ९ गतेदेखि असोज २३ गतेसम्म टियु क्रिकेट मैदानमा हुनेछ । 

    उक्त प्रतियोगितामा ६ शहरका फ्रेन्चाइज टिमले सहभागिता जनाउने भएका छन् । जसमा साविक विजेता ललितपुर प्याट्रीयट्स, भैरहवा ग्ल्याडियटर्स, काठमाडौं किङ्स इलाभेन, पोखरा राइनोज, चितवन टाइगर्स र विराटनगर वारिवर्स रहेका छन् ।


    आश्विन १, २०७८ शुक्रवार १४:३९:५१ बजे : प्रकाशित

  • सम्बन्धित विषय:

  • # ईपीएल

  • क्यानाडा नेपाल

    नेपालले अमेरिकालाई दियो १७५ रनको सामान्य लक्ष्य

  • 230
    SHARES
  • नेपालले अमेरिकालाई दियो १७५ रनको सामान्य लक्ष्य

    काठमाडौं - कप्तान ज्ञानेन्द्र मल्लको अर्धशतकप्रेरित नेपालले विश्वकप क्रिकेट लिग–२ अन्तर्गत त्रिदेशीय एकदिवसीय अन्तर्राष्ट्रिय शृंखलामा अमेरिकालाई १ सय ७५ रनको सामान्य लक्ष्य दिएको छ ।

    images

    ओमानको मस्कटस्थित अल अमेरत क्रिकेट मैदानमा टस हारेर ब्याटिङको निम्तो पाएको नेपालका लागि  ज्ञानेन्द्रले १०५ बलमा ३ चौकासहित ५५ रनको इनिङ खेलेका थिए ।

    राष्ट्रिय टोलीमा डेब्यू गरेका  गुल्शन झासँग ५१ रनको साझेदारी गर्दै कप्तान मल्लले नेपालका लागि महत्त्वपूर्ण ५० रन पूरा गरे ।

    ओपनर कुशल भुर्तेल ४३ बलमा ५ चौका र १ छक्कासहित ३६ रन बनाएर पेभेलियन फर्किँदा आशिफ शेख ३ रनमा आउट भए ।

    त्यस्तै, रोहित पौडेल २ मा पेभेलियन फर्किँदा विनोद भण्डारीले १० रन मात्र जोडेर आउट भए । डेब्यू खेलाडी  गुल्शनले ५३ बलमा २ चौका र १ छक्कासहित २८ रनको योगदान गरे ।  कुशल मल्ल, सोमपाल कामी २ र करण केसी १२ रन बनाएर पेभेलियन फर्केका थिए । त्यस्तै सन्दीप लामिछाने ११ रन जोडेर अन्तिम विकेटको रूपमा आउट हुँदा सुशन भारी २ रनमा अविजित रहे ।

    अमेरिकाका लागि कप्तान सौरभ नेत्राभल्करले ४, काएल फिलिपले २ तथा करिमा गोर, एल्मोर हचिन्सन र नोस्ठुस केन्जिगेले १/१ विकेट लिए ।

    सोमबारदेखि सुरु भएको शृंखलाको पहिलो खेलमा नेपालले अमेरिकालाई ५ विकेटले पराजित गरेको थियो । दोस्रो खेलमा ओमानसँग ५ विकेटले नै पराजित भएको नेपालको यो तेस्रो खेल हो ।न्युज कारखाना

    नेपाली टोली - ज्ञानेन्द्र मल्ल (कप्तान), कुशल भुर्तेल, आसिफ शेख, सन्दीप लामिछाने, करण केसी, विनोद भण्डारी, सोमपाल कामी, रोहितकुमार पौडेल, कुशल मल्ल, सुशान भारी, गुल्सन झा


    आश्विन १, २०७८ शुक्रवार १९:४७:२९ बजे : प्रकाशित

  • सम्बन्धित विषय:

  • # विश्वकप क्रिकेट

  • क्यानाडा नेपाल

    विश्वकप क्रिकेट लिग : अमेरिकाले लियो नेपालसँग बदला 

  • 130
    SHARES
  • विश्वकप क्रिकेट लिग : अमेरिकाले लियो नेपालसँग बदला 

    काठमाडौं - विश्वकप क्रिकेट लिग–२ अन्तर्गत त्रिकोणात्मक एकदिवसीय अन्तर्राष्ट्रिय शृंखलामा अमेरिकाले नेपालसँग बदला लिएको छ । 

    images

    शुक्रबार ओमानको मस्कटस्थित अल अमेरात क्रिकेट मैदानमा भएको खेलमा नेपाललाई ६ विकेटले पराजित गर्दै अमेरिकाले यसअघि ब्यहोरेको हारको बदला लिएको हो । 

    नेपालविरुद्ध टस जितेर बलिङ गरेको अमेरिकाले पाएको १ सय ७५ रनको टार्गेट २९ ओभर ३ बलमा ४ विकेट गुमाउँदै १७५ रन पूरा गरेको हो । 

    अमेरिकाको जितमा स्टेभन टेलरले सर्वाधिक ९२ रन बनाए । बिष्फोटक ब्याटिङ गरेका टेलरले ६३ बलमा ३ छक्का र १२ चौका प्रहार गरेका थिए । शतक बनाउन ८ रनले चुकेका टेलरलाई करण केसीले सोमपाल कामीको हातबाट क्याच आउट गराएका थिए । 

    यस्तै अमेरिकाको लागि मोनान्क पटेलले ३८ तथा कप्तान जास्करन मलहोत्राले ३६ रनको योगदान गरे । अन्य खेलाडीले भने दोहोरो अंक बनाउन सकेनन् । 

    नेपालको लागि करण केसी र सन्दीप लामिछानेले समान २–२ विकेट लिए । ८ ओभर ब्याटिङ गरेका सन्दीपले १ मेड लिएर २८ रन खर्चिए । यस्तै ५ ओभर बलिङ गरेका करणले २३ रन खर्चिए । 

    यसअघि टस हारेर ब्याटिङ गरेको नेपालले कप्तान ज्ञानेन्द्र मल्लको अर्धशतकमा अमेरिकालाई १ सय ७५ रनको लक्ष्य दिएको छ । ज्ञानेन्द्रले १०५ बलमा ३ चौकासहित ५५ रनको इनिङ खेलेका थिए ।

    राष्ट्रिय टोलीमा डेब्यूट्यान्ट गुल्शन झासँग ५१ रनको साझेदारी गर्दै कप्तान मल्लले नेपालका लागि महत्वपूर्ण ५० रन पूरा गरेका थिए । ओपनर कुशल भुर्तेल ४३ बलमा ५ चौका र १ छक्कासहित ३६ रन बनाएर पेभेलियन फर्किँदा आशिफ शेख ३ रनमा आउट भए ।

    त्यस्तै, रोहित पौडेल २ मा पेभेलियन फर्किँदा विनोद भण्डारीले १० रन मात्र जोडेर आउट भए । डेब्युट्यान्ट गुल्शनले ५३ बलमा २ चौका र १ छक्कासहित २८ रनको योगदान गरे । त्यस्तै कुशल मल्ल, सोमपाल कामी २ र करण केसी १२ रन बनाएर पेभेलियन फर्केका थिए । त्यस्तै सन्दीप लामिछाने ११ रन जोडेर अन्तिम विकेटको रूपमा आउट हुँदा सुशन भारी २ रनमा अविजित रहे ।

    अमेरिकाका लागि कप्तान सौरभ नेत्राभल्करले ४, काएल फिलिपले २ तथा करिमा गोर, एल्मोर हचिन्सन र नोस्ठुस केन्जिगेले १÷१ विकेट लिए ।

    सोमबारदेखि सुरु भएको शृंखलाको पहिलो खेलमा नेपालले अमेरिकालाई ५ विकेटले पराजित गरेको थियो । दोस्रो खेलमा ओमानसँग ५ विकेटले नै पराजित भएको नेपालको यो तेस्रो खेल हो ।

    लिग–२ मा नेपाल ७ खेलमा ६ अंक जोडेको छ । अमेरिका १५ खेलमा १४ अंक जोडेर दोस्रो स्थानमा रहेको छ ।  ओमान १२ खेलमा २० अंक जोडेर शीर्ष स्थानमा रहेको छ ।न्युज कारखाना 


    आश्विन २, २०७८ शनिवार ०७:२३:०८ बजे : प्रकाशित

  • सम्बन्धित विषय:

  • # विश्वकप क्रिकेट लिग

  • क्यानाडा नेपाल

    महिला एसियन कप छनोट : नेपाल र फिलिपिन्स भिड्दै

  • 86
    SHARES
  • महिला एसियन कप छनोट : नेपाल र फिलिपिन्स भिड्दै

    काठमाडौं - एएफसी महिला एसियन कप छनोट २०२२ अन्तर्गत नेपालले आज फिलिपिन्सको सामना गर्दैछ । शनिबार समूह एफअन्तर्गत उज्वेकिस्तानको तास्केन्तमा हुने खेल स्थानीय समयअनुसार दिउँसो ३ बजे सुरु हुनेछ । 

    images

    समूह एफ को पहिलो खेलमा दुबै टोली जित निकाल्दै सुखद् सुरुवात गर्ने लक्ष्यका साथ मैदान उत्रनेछन् । नेपालले दोस्रो खेलमा मंगलबार हङकङसँग खेल्नेछ । मुख्य खेलाडी तथा स्ट्राइकर सावित्रा भण्डारीबिना नेपालले समूह एफ मा रहेका फिलिपिन्स र हङकङसँग प्रतिस्पर्धा गर्ने भएको हो । 

    पक्कै पनि सावित्राको अभावमा नेपालको अग्रपंक्तिमा समस्या हुने नै छ । गत हप्ता भएको दुई मैत्रीपूर्ण खेलले त्यसलाई जनाइसकेको छ । नेपालले खेलेको बंगलादेशविरुद्धको एक खेल जसोतसो जितेको थियो भने अर्काे खेल बराबरीमा समाप्त भएको थियो । 

    यस्तो अवस्थामा नेपाली टोलीका प्रशिक्षक ग्यारी फिलिप्स राम्रो प्रदर्शन गर्नेमा केन्द्रीत छन् । उनी महिला फुटबलको लागि एसियन छनोट राम्रो अवसर रहेको बताउँदै नयाँ खेलाडीको सहभागिताले टोलीमा नयाँ उर्जा थपेको बताउँछन् । 

    ‘नेपाली महिला फुटबलको लागि यो एउटा अवसर हो । महिला फुटबल प्रबर्द्धनको लागि मात्र होइन आफ्नो खेल र क्षमता देखाउने अवसर छ । नयाँ र युवा खेलाडीको सहभागिताले टोलीमा नयाँ उर्जा थपिएको छ । हामी राम्रो खेल प्रदर्शन गर्नेमा बिश्वस्त छौं,’ ग्यारीले भने । 

    यसअघि एसियन कप छनोटका लागि प्रशिक्षक फिलिप्सले ४५ खेलाडीलाई प्रारम्भिक छनोटमा बोलाएका थिए । उनले दोस्रो चरण सँगै छनोटका लागि अन्तिम २३ नाम सार्वजनिक गरेका हुन् ।

    जसमा ७ नयाँ अनुहार समेत रहेका छन् । गत साता बंगलोदशविरुद्ध भएको खेलमा ५ खेलाडीले डेब्यु गरे । स्ट्राइकर रश्मि घिसिङ, प्रिती राई, सविता राना मगर, सृजना सिंह ठकुरी र रजनी थोकरले राष्ट्रिय टोलीबाट डेब्यु गरेका हुन् । 

    ग्यारीको २३ सदस्यीय टोलीमा अब नयाँ खेलाडीमा डिफेण्डरद्वय निशा थोकर र विमला विक डेब्यु गर्न बाँकी छ । यस्तै टोलीको नियमित तेस्रो रोजाईकी गोलरक्षक उषा नाथलेसमेत राष्ट्रिय टोलीको डेब्यु पर्खाइमा छिन् ।

    यता, नेपालसँग खेल्ने फिलिपिन्स र हङकङले समेत छनोटमा राम्रो प्रदर्शन दिने बताएका छन् । दुबै टोलीले आफ्नो लक्ष्य भारतमा हुने एसियन कपमा रहेको बताएका छन् । समूह एफ बाट एक टोली छनोट हुनेछ । 

    यसअघि नेपाली महिला राष्ट्रिय टोलीले सन् १९८६ मा एएफसी महिला च्याम्पियनसिपमार्फत अन्तर्राष्ट्रिय फुटबलमा डेब्यु गरेको थियो । जहाँ नेपाल हङकङसँग १–० ले पराजित भएको थियो । नेपाली महिला टोलीले त्यसपछि लगातार तीन पटक (सन् १९८६, १९८९ र १९९९) मा एसियन कप खेलेको थियो । तीनै पटक नेपालको यात्रा समूह चरणमा सीमित भएको थियो ।न्युज कारखाना
     


    आश्विन २, २०७८ शनिवार ०८:५१:३१ बजे : प्रकाशित

  • सम्बन्धित विषय:

  • # काठमाडौँ

  • क्यानाडा नेपाल