• Sep 24 2021 | २०७८, आश्विन ८गते

२०७८, आश्विन ८गते

राजतन्त्र पक्षधरको आवाज चुलिँदा किन पारस शाह विवादमा पर्छन् ?

क्यानाडा नेपाल श्रावण १७ २०७८
  • 874
    SHARES
  • राजतन्त्र पक्षधरको आवाज चुलिँदा किन पारस शाह विवादमा पर्छन् ?

    काठमाडौं । पूर्वयुवराज परास शाह फेरि एकपटक विवादमा परेका छन् । दुई वर्षअघि त्रिभुवन अन्तर्राष्ट्रिय विमानस्थलमा भएको घटनालाई स्मरण गराउने गरी पूर्वयुवराज शाह फेरि विवादमा परेका हुन् । 

    images

    उनी जतिपटक विवादमा पर्छन्, त्यत्तिखेर मुलुकमा राजतन्त्र पक्षधरको चर्काे आवाज बुलन्द भइरहेको छ । हालै विवेकशील साझा पार्टीका अध्यक्ष रवीन्द्र मिश्रले संघीयता खारेज, धर्मनिरपेक्ष सम्बन्धमा जनमत संग्रह र गणतन्त्र आयातित एजेण्डा रहेको बताएपछि फेरि नेपाली राजनीति र समाजमा राजतन्त्रको विषयमा बहस भइरहेको छ । 

    तर, यही बेला राजतन्त्रको विराशत बोकेका पूर्वयुवराज पारस शाह भने सडकमा ड्युटीमा खटिएका सुरक्षाकर्मीसँगको विवादमा परेका छन् । 

    उनी यसरी विवादमा पर्नु सामान्यजस्तै भइसकेको छ । कुनै न कुनै विषयमा चर्चामा आइरहने पारस स्वयंले आफूलाई राजा बन्ने चाहना नरहेको सार्वजनिक रुपमा बताइसकेका छन् ।

     राजा बन्ने महत्वकांक्षासमेत नरहेका कारण उनी स्वतन्त्र नागरिकको हैसियतमा आफूलाई अभ्यस्त गराउन खोजेको देखिन्छ । तर, कतिपय अवस्थामा उनका कतिपय क्रियाकलाप कानुनले बर्जित गरेका विषयमा हुन्छन् । 

    यस्तै शुक्रबार साँझ हेलमेट नलगाई बाइक चलाएपछि ट्राफिक प्रहरीले रोकेपछि उनले उल्टै प्रहरीलाई गाली गरे । जसको आलोचना भरहेको छ । 

    महाराजगञ्जस्थित नारायणगोपाल चोकमा ट्राफिक प्रहरीले हेलमेट नलगाई बाइक चलाएपछि उनलाई रोकेको थियो । प्रहरीले चौकी लैजान खोज्दा पारसले एकहोरो जान्न, जान्न, जान्न भनेर प्रतिवाद गरेको सार्वजनिक भिडिओमा देख्न सकिन्छ । प्रहरी र पारसबीचको केहीबेरको वादविवादपछि समर्थकहरूले नारावाजी गर्दै पारसलाई प्रहरीको साथबाट छुटाएर लगेको भिडिओमा देखिन्छ । 

    सायद सामान्य नागरिक वा व्यक्तिको हकमा हुन्थ्यो भने यो चर्चामा आउने थिएन । ट्राफिक प्रहरीले कारबाहीबिना छाड्दैन थियो । तर, पूर्वयुवराज संलग्न भएको घटना  भएकै कारण यसले चर्चा पायो र यसको पक्ष र विपक्षमा मत जाहेर भइरहेका छन् । 

    तर,  पारसले प्रहरीमाथि गरेको यस्तो हर्कत भने यो पहिलो होइन । दुई वर्ष अघि २०७६ भदौ १ गते त्रिभुवन अन्तर्राष्ट्रिय विमानस्थलमा थाइल्यान्डमा रहेका आफ्ना पिता पूर्वराजा ज्ञानेन्द्र शाहलाई भेट्न जान लागेकी आमा कोमल शाहलाई बिदाइ गर्न पारसले प्रहरीमाथि दुर्व्यवहार गरेका थिए । 

    आफ्ना छोरा र भाञ्जालाई प्रहरीले अपमान गरेको भन्दै पूर्वयुवराज शाहले विमानस्थलको भीआईपी कक्षको सुरक्षामा खटिएका प्रहरी नायब निरीक्षक (सई) ईश्वर खत्रीलाई सार्वजनिकस्थलमै हातपात गरेका थिए । त्यत्तिखेर आमा कोमललाई विदाइ गर्न पारस छोरा हृदयेन्द्र, बहिनी प्रेरणा र भाञ्जा पार्थक सिंहसहित विमानस्थल पुगेका थिए । 

    विमानस्थल काण्ड : पारस शाहलाई उन्मुक्ति, गायिका आस्था राउतलाई पक्राउ पूर्जी विमानस्थल काण्ड : पारस शाहलाई उन्मुक्ति, गायिका आस्था राउतलाई पक्राउ पूर्जी

    जब मुलुकमा राजतन्त्र पक्षको आवाज सशक्त भइरहँदा पारस विवादमा पर्ने गरेका छन् । आफू राजा नबन्ने बताइसकेका पारसले पोखराको एक सडकमा ‘यो वादी, त्यो वादी, होइन नेपाली भन्नुस्’ भनेर केही व्यक्तिलाई भनेको भिडिओ पनि भाइरल बनेको थियो । 

    राजतन्त्र फर्काउने केही राजनीतिकको दलको सक्रियता र पूर्ववर्ती केपी शर्मा ओली नेतृत्वको सरकारमाथि राजतन्त्र र हिन्दूराष्ट्र फर्काउन लागेको आरोप पनि लागेको थियो । यसरी जिम्मेवार राजनीतिक दलमाथि नै राजतन्त्र फर्काउन लागेको आरोपमा र सडकमा राजतन्त्रको पक्षमा सभाजुलुश भइरहेका बेला पारस भने विवादमा पर्ने गरेका छन् । 
     


    श्रावण १७, २०७८ आइतवार १२:५९:४१ बजे : प्रकाशित

    images
  • सम्बन्धित विषय:

  • # राजतन्त्र

  • क्यानाडा नेपाल

    अर्कोसमाचार

    हेर्नुहोस् यस्तो छ आजको मौसम पूर्वानुमान

  • 154
    SHARES
  • हेर्नुहोस् यस्तो छ आजको मौसम पूर्वानुमान

    काठमाडौं । शुक्रबार देशभर आंशिक देखि सामान्य बदली रहेको छ । आज काठमाडौं उपत्यका लगायत देशका धेरै स्थानमा बिहानैदेखि घाम लागेको छ । 
     
    मौसम पूर्वानुमान महाशाखाका अनुसार हाल देशमा भारतको पश्चिम राजस्थान आसपासमा रहेको तथा छत्तिसगढ आसपासमा अवस्थित न्युन चापीय क्षेत्रहरुको आंशिक प्रभाव रहेको छ। साथै मनसुन न्यून चापीय रेखा औसत स्थान भन्दा थोरै दक्षिणतिर रहेको देखिन्छ । 
     
    आज दिउँसो देशभर सामान्य बदली रही केही स्थानहरुमा मेघगर्जनसहित पानी पर्ने सम्भावना रहेको छ । यस्तै आज राति पनि देशभर आंशिक देखि सामान्य बदली रही थोरै स्थानहरुमा मेघगर्जनसहित हल्का देखि मध्यम पानी पर्ने सम्भावना रहेको छ । 
     

    images


    आश्विन ८, २०७८ शुक्रवार ०७:०६:५३ बजे : प्रकाशित

  • सम्बन्धित विषय:

  • # मौसम

  • क्यानाडा नेपाल

    काठमाडौंका विद्यालय असोज १० देखि खुल्ने

  • 160
    SHARES
  • काठमाडौंका विद्यालय असोज १० देखि खुल्ने

    काठमाडौं – कोरोनाभाइरसको संक्रमणका कारण बन्द रहेका काठमाडौंका विद्यालय यही असोज १० गतेदेखि सञ्चालन हुने भएका छन् । 

    images

    बुधबार बसेको काठमाडौं महानगरपालिकाको नगर शिक्षा समितिको बैठकले असोज १० गतेदेखि विद्यालय सञ्चालन गर्ने निर्णय गरेको हो । 

    उक्त बैठकले स्वास्थ्यको मापदण्ड पूर्ण रूपमा पालना गरी विद्यालय खोल्ने निर्णय गरेको महानगरका शिक्षा अधिकारी रामप्रसाद सुवेदीले जानकारी दिए । यसअघि विद्यालयका संचालकहरूले १ असोजदेखि विद्यालय खोल्ने तयारी पनि गरेका थिए ।


    आश्विन ८, २०७८ शुक्रवार ०७:५४:०० बजे : प्रकाशित

  • सम्बन्धित विषय:

  • # काठमाडौं

  • क्यानाडा नेपाल

    काठमाडौँबाट पोखरा जाँदै गरेको कार त्रिशूली नदीमा खस्यो, तीन जना बेपत्ता

  • 446
    SHARES
  • काठमाडौँबाट पोखरा जाँदै गरेको कार त्रिशूली नदीमा खस्यो, तीन जना बेपत्ता

    चितवन – इच्छाकामना गाउँपालिका–५ नाग्दीखोलास्थित पृथ्वी राजमार्गमा काठमाडौँबाट पोखरातर्फ जाँदै गरेको कार त्रिशूली नदीमा खस्दा तीन जना बेपत्ता भएका छन् भने एक घाइते भएका छन् । बिहीबार राति ११ः४५ बजे कार अनियन्त्रित भई सडकबाट झण्डै ३५ मिटर तल नदीमा खसेको हो ।

    images

    जिल्ला प्रहरी कार्यालयले दिएको जानकारीअनुसार घाइते हुनेमा पोखरा महानगरपालिका–१७ बस्ने ४६ वर्षीय रुद्रलाल सुवेदी रहनुभएको छ । उहाँको भरतपुरस्थित कलेज अफ मेडिकल साइन्सेज शिक्षण अस्पताल (पुरानो मेडिकल कलेज)मा उपचार भइरहेको छ । घाइतेको अवस्था मध्यम रहेको छ ।

    कारमा सोही ठाउँ बस्ने अन्दाजी ६० वर्षीय प्रेमबहादुर भुजेल, सोही ठाउँका अन्दाजी ५५ वर्षका लेखराम भुजेल र उहाँकी श्रीमती ३६ वर्षीया ईश्वरी भुजेल सवार रहेको बताइउको छ । कारसहित उहाँहरु बेपत्ता भएको प्रहरीले जनाएको छ । बेपत्ता भएकाको खोजी जारी रहेको प्रहरीले जनाएको छ ।रासस 


    आश्विन ८, २०७८ शुक्रवार ०८:११:०८ बजे : प्रकाशित

  • सम्बन्धित विषय:

  • # चितवन

  • क्यानाडा नेपाल

    राष्ट्रकवि माधवप्रसाद घिमिरेको १०३औँ जन्मजयन्ती

  • 162
    SHARES
  • राष्ट्रकवि माधवप्रसाद घिमिरेको १०३औँ जन्मजयन्ती

    काठमाडौँ - राष्ट्रकवि माधवप्रसाद घिमिरेको १०३ औँ जन्मजयन्तीका अवसरमा बिहीबार नेपाल प्रज्ञा–प्रतिष्ठानद्वारा ‘व्यक्तित्व चर्चा र रचनावाचन’ कार्यक्रमको आयोजना गरिएको छ ।विसं १९७६ असोज ७ गते लमजुङको पुस्तुनमा जन्मिनुभएका राष्ट्रकवि घिमिरेको १०२ वर्षको उमेरमा २०७७ भदौ २ गते निधन भएको थियो । कार्यक्रममा प्रतिष्ठानका कुलपति गङ्गाप्रसाद उप्रेतीले राष्ट्रकवि घिमिरे लोकको भावना बुझेर काव्य सिर्जना गर्ने साधक भएको उल्लेख गर्दै भन्नुभयो, “राष्ट्रकवि घिमिरेका लोकजीवन, राष्ट्र र राष्ट्रियतालाई आत्मसात गरी गरिएका सिर्जनाहरू कालजयी छन् ।”

    images

    उप्रेतीले घिमिरेको अन्तिम महाकाव्य ‘ऋतम्भरा’ उहाँका परिवारको अनुमतिप्राप्त भएमा छाप्न तयार भएको जनाउनुभयो । स्वच्छन्दतावादी भावधारा र परिष्कारवादी शैलीका काव्यशिल्पी कविवर घिमिरे प्रतिष्ठानका संस्थापक सदस्यसमेत रहनुभएका राष्ट्रकवि घिमिरे प्राज्ञ परिषद् सदस्य हुँदै उपकुलपति, कुलपति र आजीवन सदस्यका रूपमा रहनुभएको थियो ।

    उपकुलपति डा जगमान गुरुङले राष्ट्रकविलाई आफूले सदैव राष्ट्र र राष्ट्रियताप्रति जिम्मेवार स्रष्टाका रूपमा पाएको उल्लेख गर्नुभयो । सदस्यसचिव प्रा जगत्प्रसाद उपाध्यायले राष्ट्रकविको व्यक्तित्व तथा कृतित्वमाथि प्रकाश पार्दै नेपाली राष्ट्रिय भावनालाई मजबुत बनाउनमा राष्ट्रकवि घिमिरेका सिर्जनाले महत्वपूर्ण भूमिका खेलेको उल्लेख गर्नुभयो ।प्रतिष्ठानका साहित्य (पद्य÷काव्य) विभाग प्रमुख प्रा डा हेमनाथ पौडेलले राष्ट्रकविको पहिलो स्मृतिसभा भएको उल्लेख गर्दै अब वर्षेनी उहाँको जन्मतिथिका अवसरमा यस्तो कार्यक्रम आयोजना गरिने बताउनुभयो ।

    प्राज्ञसभा सदस्य तथा नेपाली शिक्षा परिषद्का अध्यक्ष रमा शर्माले नेपाल प्रज्ञा–प्रतिष्ठानसमक्ष राष्ट्रकवि घिमिरेले आफ्नो जीवनकालमा प्राप्त गरेका मान–सम्मान र पुरस्कारसँग सम्बन्धित सामग्रीको संरक्षण गरिदिन आग्रह गर्नुभयो । उहाँले राष्ट्रकवि घिमिरेको निवासतर्फ जाने मार्गको नाम ‘राष्ट्रकवि माधवप्रसाद घिमिरे’ नामकरणका लागि सरकारसमक्ष प्रस्ताव राखिदिन अनुरोध गर्नुभयो ।राष्ट्रकवि घिमिरेका कान्छा छोरा इञ्जीनियर राजीव घिमिरेले बुवासँगका केही प्रमुख स्मृति सुनाउँदै अब छिट्टै नै ‘ऋतम्भरा’लाई प्रकाशनमा ल्याइने जनाउनुभयो ।रासस 

     


    आश्विन ८, २०७८ शुक्रवार १०:००:३६ बजे : प्रकाशित

  • सम्बन्धित विषय:

  • # माधवप्रसाद घिमिरे

  • क्यानाडा नेपाल

    नारायहिटी दरबार संग्रहालयभित्र रहेको श्रीपेच घर्तीले निकाल्न खोजेपछि ...

  • 304
    SHARES
  • नारायहिटी दरबार संग्रहालयभित्र रहेको श्रीपेच घर्तीले निकाल्न खोजेपछि ...

    काठमाडौं - नारायहिटी दरबार संग्रहालयभित्र रहेको श्रीपेच निकाल्न खोज्ने एक जना पक्राउ परेका छन् । पक्राउ पर्नेमा पश्चिम रुकुम मसिकोट ११ का खिमबहादुर घर्ती रहेका छन् । 

    images

    शुक्रबार बिहान दरबार संग्रहालय अवलोकन गर्न आएका घर्तीले सिसा फुटाएर श्रीपेज निकाल्न खोजेका थिए । श्रीपेज निकाल्न लाग्दा सुरक्षामा खटिएका नेपाली सेनाले घर्तीलाई पक्राउ गरेको हो । 

    अहिले घर्ती नेपाली सेनाकै नियन्त्रणमा रहेका छन् । पक्राउ परेपछि घर्तीले राजा हुन मन लागेर श्रीपेच निकाल्न खोजेँको बताए । श्रीपेज निकाल्न खोज्दा सिसा फुट्दा घर्तीको हात पनि काटेको जनाइएको छ । 


    आश्विन ८, २०७८ शुक्रवार १३:४८:२१ बजे : प्रकाशित

  • सम्बन्धित विषय:

  • # नारायहिटी दरबार संग्रहालय

  • क्यानाडा नेपाल

    बडादसैँको साइत सार्वजनिक

  • 556
    SHARES
  • बडादसैँको साइत सार्वजनिक

    काठमाडौं । नेपाल पञ्चाङ्ग निर्णायक समितिले यस वर्षको बडादसैँका विभिन्न साइत सार्वजनिक गरेको छ । असोज २१ गते बिहीबार बिहान ११ः४६ बजे घटस्थापनाको साइत रहेको समितिका अध्यक्ष प्रा श्रीकृष्ण अधिकारीले राससलाई जानकारी दिनुभयो । घटस्थापनाका दिन चित्रा नक्षत्र र वैधृति योग परेकाले ११ ः४६ बजेअघि चित्रा नक्षत्र र वैधृति योगको शान्ति गरेर घटस्थापना गर्नुपर्छ ।

    images

    असोज २२ गते शुक्रबार झण्डा फेर्ने साइत ११ः५६ बजे रहेको छ । पश्चिम फर्केर झण्डा फेर्नुपर्ने उहाँले जानकारी दिनुभयो । असोज २५ गते सोमबार पचली भैरव यात्रा गरिन्छ । असोज २६ गते मङ्गलबार फूलपाती परेको छ । फूलपाती बेलुकीको समयमा गरिने र यसको साइत आवश्यक नपर्ने अध्यक्ष प्रा अधिकारीले बताउनुभयो ।

    फूलपातीकै दिन तुलजा भवानीलाई मूल मन्दिरबाट हनुमानढोकाको मूल चोकमा यात्रा गराइन्छ । मूलचोकमै भवानीलाई साक्षी राखेर महाअष्टमीका दिन राति कालरात्रि पूजासहित राज्यकोतर्फबाट बोका र राँगाको बलि दिइन्छ । तुलजा भवानी यात्राको साइत बिहान ७ ः ११ बजे रहेको छ । तुलजा भवानीलाई बिहान ८ः४४ बजे स्थिरासन गराइन्छ । असोज २७ गते बुधबार महाअष्टमी, त्यसै राति कालरात्रिको पूजा गर्नुपर्ने समितिले जनाएको छ ।

    असोज २८ गते बिहीबार महानवमी पर्व मनाइन्छ । असोज २९ गते शुक्रबार विजयादशमी पर्व परेको छ । घटस्थापनाका दिनदेखि पूजा आराधना गरिने देवीलाई बिहान ८ः१९ बजे विसर्जन गरिने साइत छ । विजयादशमीका दिन साइत खोजेर टीका लगाउनेका लागि बिहान १०ः०२ बजेको साइत शुभ रहेको छ । टीका लगाउने मानिस पूर्वफर्कनुपर्ने समितिले जनाएको छ । त्यस दिनदेखि कोजाग्रत पूर्णिमासम्म दुर्गा भवानीको प्रसाद लगाउन सकिन्छ ।

    विजयादशमीका दिन बिहान ७ ः ०१ बजे तुलजा भवानीलाई मूल चोकबाट मूल मन्दिरमा फिर्ती यात्रा गराइने साइत छ । तुलजा भवानीलाई बिहान ८ः ३२ बजे स्थिरासन गराइने साइत पनि समितिले निकालेको छ । खड्गयात्रा पनि यसै दिन गरिने छ । आश्विन शुक्ल पूर्णिमाका दिन कात्तिक २ गते सबै बलि पूर्ति गरिन्छ । त्यसै रात कोजाग्रत पूर्णिमा पर्व मनाइन्छ ।


    आश्विन ८, २०७८ शुक्रवार १५:३०:३५ बजे : प्रकाशित

  • सम्बन्धित विषय:

  • # काठमाडौँ

  • क्यानाडा नेपाल