• Sep 24 2021 | २०७८, आश्विन ८गते

२०७८, आश्विन ८गते

ओलीलाई देउवाले दिएको तीन सन्देश

रौनक निरौला श्रावण ४ २०७८
  • 3.2K
    SHARES
  • ओलीलाई देउवाले दिएको तीन सन्देश

    काठमाडौं । दुई तिहाइ समर्थन प्राप्त कम्युनिष्ट सरकारलाई विस्तापित गरेर कांग्रेस सभापति शेरबहादुर देउवा शक्तिशाली प्रधानमन्त्री बनेका छन् । सरकारमा जाने इच्छा नदेखाउँदा नदेखाउँदै कम्युनिष्ट नेताहरुकै बुई चढेर देउवा आगामी दिनका लागि शक्तिशाली प्रधानमन्त्री बनेका हुन् । 

    images

    अल्पमतको कांग्रेसलाई सरकारको नेतृत्व गर्ने अवसर कम्युनिष्ट नेताहरुले प्रदान गरेपछि प्रधानमन्त्री बनेका देउवा सरकारलाई आइतबार प्रतिनिधि सभामा भारी बहुमतले विश्वासको मत दिएको छ । 

    एमाले अध्यक्ष केपी शर्मा ओली २०७४ फागुन ३ गते सत्तारोहण गर्दा र पछि तत्कालीन संघीय समाजवादी पार्टीले समर्थन गरेपछि ओली सरकार दुई तिहाइ बहुमत प्राप्त थियो । तर, समय वित्दै जाँदा ओली सरकार अल्पमतमा पर्दै असंवैधानिक कदम चालेको आरोपको पुलिन्दा बोकेर सत्ताच्यूत हुन पुग्यो ।

    अन्ततः कम्युनिष्टलाई जनताले मत दिए पनि कम्युनिष्ट नेताले कांग्रेसलाई सत्ताको नेतृत्व सुम्पियो । यस अवस्था कांग्रेस सभापति तथा वर्तमान प्रधानमन्त्री देउवाले पूर्ववर्ती प्रधानमन्त्री ओलीलाई तीन सन्देश दिएका छन् । जुन निकै महत्वपूर्ण मान्न सकिन्छ । 

    १. संसद्‌बाट सरकार सम्भव

    तत्कालीन प्रधानमन्त्री ओलीले मौजुदा प्रतिनिधि सभाले सरकार बनाउन नसक्ने जिकीर गर्दै संसद् विघटन गरेका थिए । तर, देउवाले आइतबार पाएको विश्वासको मतले ओलीको जिकीर र तर्कलाई खारेज गरिदिएको छ । ६१ सांसद रहेको देउवा सरकारले १६५ मतसहित विश्वासको मत प्राप्त गरेको छ । मौजुदा प्रतिनिधि सभाले सरकार दिन नसक्ने ओलीको अडानले देउवाले गलत सावित गर्दै संसद विघटनको औचित्य कायम गर्ने प्रयास गरेका छन् । 

    २. प्रतिनिधि सभा विपक्षी दलको 

    तत्कालीन नेकपाको सरकार होस् वा पछि एमालेकै सरकार किन नहोस् प्रतिपक्षी दलहरुमाथि संसदमा बन्देज लगाएको आरोप लाग्ने गरेको थियो । कांग्रेस नेताहरुले संसदमा आफूहरुलाई विभेद गरिएको, बोल्न नदिएको, सरकारले संसदलाई नियन्त्रणमा राख्न खोजेको आरोप लगाएका थिए । तत्कालीन प्रधानमन्त्री ओली विपक्षी दलका नेताहरुमाथि आक्रमकरुपम प्रस्तुत हुने, मार्सल लगाएर आफ्नो एजेण्डा पारित गराउन खोज्ने प्रयास गरेका थिए ।  

    तर, पुनर्स्थापित प्रतिनिधि सभाको पहिलो बैठकमा प्रधानमन्त्री देउवाले संसद प्रतिपक्षी भएकाले आफू धेरै नबोल्ने बताए । ‘संसद प्रतिपक्षी दलको हो, म धेरै बोल्दिनँ, ठूल्ठूला स्वरमा सरकार बोल्दैन, यसरी विपक्षी दल बोल्ने हो, सरकार र सरकार पक्ष शान्त रहन्छ’, प्रधानमन्त्री देउवाले भने । संसद प्रतिपक्षी दलको भएकाले सरकारले संसदमा सुन्ने र सोहीअनुसार काम गर्नु पर्ने सन्देश देउवाले ओलीलाई दिएका छन् । 

    ३. नेतृत्वदायी क्षमता 

    नेतृत्वमा रहने व्यक्तिको सबैलाई मिलाउन सक्ने क्षमत चाहिने सन्देश देउवाले ओलीलाई दिएका छन् । मौजुदा प्रतिनिधि सभामा ओलीले दुई तिहाइ प्राप्त सरकारको नेतृत्व गरेका थिए । तर, नेतृत्वदायी क्षमताको कमिले अल्पमतमा पर्दै ओली सत्ताच्यूत भएसँगै देउवाको सत्तारोहण भयो । ओलीले सरकारको समर्थनमात्रै खण्डित गरेनन्, आफैँले नेतृत्व लिएको नेकपा खारेज भयो भने एमाले पनि विभाजित अवस्थामा छ ।

    तर, अल्पमतमा रहेका कांग्रेस सभापति देउवा भारी बहुमतसहित विश्वासको मत पाएर शक्तिशाली सरकारका प्रधानमन्त्री बनेका छन् । ६१ सांसद रहेको कांग्रेस सभापति देउवाले नेतृत्वदायी क्षमता देखाएर १६५ मत सहित विश्वासको बहुमत पाए । कांग्रेस, माओवादी, जसपा र एमालेको नेपाल समूहको मात्रै होइन ओली समूहकै सांसदहरुको मत पाए । 

    मुलुकमा आन्दोलन कांग्रेसले नेतृत्व लिएको छ । तर, मुलुक जटिल मोडमा पुग्दा कांग्रेसको मौनतामाथि विभिन्न प्रश्न उब्जाइएको थियो । तर, यसपटक देउवा संसदमा प्रतिनिधित्व गर्ने दलको हैसियत पाएका प्रमुख दलको समर्थनसहित विश्वासको मत पाएका हुन् । 

    आफूसँग बहुमत भएर मात्रै सरकारको नेतृत्व गर्न नसकिने र यसका लागि नेतृत्वदायी क्षमता चाहिने सन्देश देउवाले ओलीलाई दिएका छन् । 

     


    श्रावण ४, २०७८ सोमवार ११:३९:२७ बजे : प्रकाशित

    images
    अर्कोसमाचार

    दल विभाजन अध्यादेशविरुद्धको मुद्दा संवैधानिक इजलासमा

  • 212
    SHARES
  • दल विभाजन अध्यादेशविरुद्धको मुद्दा संवैधानिक इजलासमा

    काठमाडौं - राजनीतिक दल विभाजनसम्बन्धी (दोस्रो संशोधन) अध्यादेश, २०७८ बदर गर्न माग गर्दै दायर गरिएको रिटमा संवैधानिक इजलासमा सुनुवाइ सुरु भएको छ ।

    images

    प्रधानन्यायाधीश चोलेन्द्रशम्शेर जबरा, न्यायाधीशहरू दीपककुमार कार्की, मीरा खड्का, हरिकृष्ण कार्की र ईश्वरप्रसाद खतिवडा सम्मिलित इजलासमा सुनुवाइ सुरु भएको रिटमा निवेदकका तर्फबाट पूर्वमहान्यायाधिवक्ता रमेश बडालको नेतृत्वमा कानुन व्यवसायीले बहस गर्दैछन् ।

    अधिवक्ता श्रीकान्त बरालले मन्त्रिपरिषद तथा प्रधानमन्त्रीको कार्यालय, निर्वाचन आयोग र प्रतिनिधिसभाका सभामुखलाई विपक्षी बनाएर रिट दायर गरेका छन् ।

    रिटमा उनले चलिरहेको संसद हतार हतार अन्त्य गरेर दल विभाजन गर्न ल्याइएको अध्यादेश बदर गर्नुपर्ने, एमालेले सांसद पदबाट कारबाही गरिसकेका माधव नेपालसहित १४ जनालाई सनाखत गरेर गठन गरिएको नेकपा (एकीकृत समाजवादी) पार्टी दर्ता खारेज गर्नुपर्ने माग गरिएको छ ।

    यता दल विभाजन गर्न ल्याएको अध्यादेशविरुद्ध सत्ता गठबन्धनले प्रतिस्थापन विधेयक ल्याएर निष्क्रिय बनाउने तयारी गरेको छ ।न्युज कारखाना

     


    आश्विन ८, २०७८ शुक्रवार १४:०८:१३ बजे : प्रकाशित

  • सम्बन्धित विषय:

  • # काठमाडौँ

  • क्यानाडा नेपाल

    प्रचण्डसँग चुनावमा भिड्न बादल तयार  

  • 464
    SHARES
  • प्रचण्डसँग चुनावमा भिड्न बादल तयार  

    काठमाडौं - नेकपा एमालेका नेता रामबहादुर थापा 'बादल'ले आफु नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड'सँग चुनावमा भिड्न तयार रहेको बताउका छन् । शुक्रबार चितवनको भरतपुर विमानस्थलमा सञ्चारकर्मीसँग कुरा गर्दै बादलले सो कुरा बताएका हुन् । 

    images

    माओवादी केन्द्र छाडेर एमालेमा गएका बादलले चितवनका कार्यकर्ताहरु आफुतिर  भएको बताउदै आउँदो चुनावमा प्रचण्डसँग भिड्न तयार रहेको बताएका हुन् । उनले पार्टीले निर्णय गरेमा आगामी चुनावमा प्रचण्ड भर्सेस बादल पनि हुन सक्ने बताए । 

    उनले भने - ' यस विषयमा पार्टीले कुनै निर्णय गरेको छैन । यदि आगामी दिनमा पार्टीले निर्णय गर्यो भने प्रचण्ड भर्सेस बादल हुन पनि सक्छ । प्रचण्डसँग चितवनमा निर्वाचन लड्न तयार पनि छु'  माओवादीभित्रको अन्तरविरोध बारे स्वयं प्रचण्डले नै व्यक्त गरेको बताउदै बादलले सबै उनको पछाडि नलागेको प्रष्ट बुझिएको बताए । 

    उनले भने - 'माओवादीभित्रको अन्तरविरोध देखिराख्नु भएको छ, त्यो कुरा प्रचण्डले नै व्यक्त गरिरहनु भएको छ, कतै म एक्लो हुने त होइन, सबै मन्त्री हुनलाई लुछाचुडी गरिराखेका छन् भन्ने अभिव्यक्ति सुनिरहनु भएको छ, त्यसको अर्थ सबै प्रचण्डको पछाडि लागेका छन् भन्ने त बुझिएन ।'यस्तै उनले अहिलेको सरकार लोकतन्त्र, राष्ट्रियता, समृद्धि र समाजवादविरुद्ध लागेको पनि बताए । 

     


    आश्विन ८, २०७८ शुक्रवार १४:३३:०१ बजे : प्रकाशित

    प्रधानन्यायाधीशले सहमति उल्लंघन गरेपछि कानुन व्यवसायी रुष्ट, बेन्च बहिष्कार

  • 218
    SHARES
  • प्रधानन्यायाधीशले सहमति उल्लंघन गरेपछि कानुन व्यवसायी रुष्ट, बेन्च बहिष्कार

    काठमाडौं - संवैधानिक निकायमा नियुक्तिसम्बन्धी मुद्दा हेर्ने संवैधानिक इजलासमा प्रधानन्यायाधीश रहने वा नरहने भन्ने विवादमा आज सुनुवाइ हुन सकेन । विवादको निरुपण गर्न सर्वोच्च अदालतले बारसँग मागेको एमिकस क्युरी उपस्थित नभएपछि मुद्दाको सुनुवाइ प्रभावित बनेको हो ।

    images

    न्यायाधीशद्वय प्रकाशकुमार ढुंगाना र मनोजकुमार शर्माको संयुक्त इजलासमा अधिवक्ता डा.गणेश रेग्मीले संवैधानिक इजलासमा प्रधानन्यायाधीशको अनिवार्यता औल्याउँदै दायर गरेको रिट पेसीमा चढेको थियो ।

    'सर्वोच्च र नेपाल बारलाई एमिकस क्युरी मनोनयनका लागि चिठ्ठी गएको थियो । एमिकस क्युरी बहस गर्न नि आउनुभएन । नाम पनि पठाउनुभएन । त्यही भएर आज सुनुवाइ हुन सकेन,' सर्वोच्च अदालतका प्रवक्ता बाबुराम दाहालले भने, 'एमिकस नामावली प्राप्त भएपछि गम्भीर प्रकृतिको मुद्दा भएकाले अविलम्ब पेसी चढाउने आदेश भएको छ ।'

    प्रधानन्यायाधीशले सहमति उल्लंघन गरेको गुनासो
    कानुन व्यवसायीले भने प्रधानन्यायाधीश चोलेन्द्रशम्शेर जबराले सहमति उल्लंघन गरेकाले उपस्थित नभएको प्रतिक्रिया दिएका छन् । २८ भदौमा प्रधानन्यायाधीश जबराले इजलास विवादबारे बेन्च-बार समन्वय समिति बैठक राखेर यो विवाद संवैधानिक इजलासबाट टुंग्याउने सहमति जनाएका थिए । बुधबार वा शुक्रबार इजलास गठन गरेर निरुपण गर्ने सहमति बैठकमा बनेको थियो ।

    तर आज शुक्रबार संवैधानिक इजलास बस्ने दिन न्यायाधीशद्वय ढुंगाना र शर्माको संयुक्त इजलासमा सुनुवाइ राखेपछि छनोट गरिएका एमिकस क्युरी उपस्थित भएनन् । बार-बेन्च बैठकमा सहमति भएबमोजिम सर्वोच्च अदालत बार एसाेसिएसनले अध्यक्ष पूर्णमान शाक्य र वरिष्ठ अधिवक्ता रविनारायण खनाललाई पठाउने निर्णय गर्‍यो । नेपाल बार एसाेसिएसनका तर्फबाट अध्यक्ष चण्डेश्वर श्रेष्ठ र वरिष्ठ अधिवक्ता शेरबहादुर केसीलाई पठाउने तय भएको थियो ।

    मुद्दा संवैधानिक इजलासमा नराखेको भन्दै एमिकस क्युरीले संयुक्त इजलासमा राखिएको सुनुवाइ बहिष्कार गरे । 'हामीले नपठाएकै हो । संवैधानिक इजलासमा राख्ने सहमति गरेर संयुक्तमा राखियो । यसमा हाम्रो असन्तुष्टि हो,' एक कानुन व्यवसायीले भने ।

    अड्कियो सुनुवाइ
    अघिल्लो सरकारले अध्यादेशमार्फत संवैधानिक निकायमा गरेका ५२ जनाको नियुक्तिविरुद्ध गठित संवैधानिक इजलासमा प्रधानन्यायाधीश रहने वा नरहने भन्ने विवादले मुल मुद्दाको सुनुवाइ अघि बढ्न सकेको छैन ।

    संवैधानिक नियुक्तिविरुद्धको रिटमा नाै महिनापछि भदौबाट सुनुवाइ सुरु भएको थियो । तर निवेदकले संवैधानिक परिषद्मा प्रधानन्यायाधीश सदस्य रहेको र नियुक्ति निर्णयमा सहभागी भएकाले स्वार्थ बाझिने भन्दै प्रधानन्यायाधीश चोलेन्द्रशम्शेर जबरा मुद्दाबाट अलग हुनुपर्ने माग गरे ।

    निवेदकको मागअनुसार जबराले मुद्दाको सुनुवाइबाट आफूलाई अलग गरे । तर संविधानले प्रधानन्यायाधीशविना संवैधानिक इजलास परिकल्पना नगरेको भन्दै अधिवक्ता रेग्मीले रिट दायर गरे । रेग्मीको रिटमा न्यायाधीश हरि फुयाँलको एकल इजलासले प्रधानन्यायाधीश रहने/नरहने टुंगो नलागेसम्म सुनुवाइ अगाडि नबढाउन आदेश दिएको थियो ।

    न्यायाधीश फुयाँलको एकल इजलासको आदेशपछि कानुन व्यवसायीहरूले असन्तुष्टि जनाएपछि प्रधानन्यायाधीश जबराले बेन्च र बार बैठक बोलाएर नियुक्ति मुद्दाको इजलासमा प्रधानन्यायाधीश रहने/नरहने टुंगो संवैधानिक इजलासबाटै लगाउने सहमति बनेको थियो । बार-बेन्चको सहमतिअनुसार न्यायाधीश फुयाँलले हेरेको मुद्दा संवैधानिक इजलासमा स्थानान्तरण हुनुपर्थ्यो । तर संयुक्त इजलासमा जाँदा फेरि सुनुवाइ प्रभावित बन्न पुगेको छ ।

    अघिल्लो सरकारले संवैधानिक परिषद् अध्यादेश ल्याएर गरेका नियुक्तिविरुद्ध अधिवक्ता ओमप्रकाश अर्याल र वरिष्ठ अधिवक्ता दिनेश त्रिपाठीले रिट दायर गरेका छन् । अर्यालले फुयाँलको इजलासको आदेशले आफ्नो मुद्दा लड्न पाउने अधिकार हनन भएको जिकिर गर्दै सुनुवाइ सञ्चालन गर्न माग गर्दै पुरक निवेदनसमेत दिएका छन् ।

    अर्यालको अर्को निवेदन
    निवेदक अर्यालले प्रधानन्यायाधीश रहने/नरहने विवादको सुनुवाइमा आफूलाई पनि सहभागी गराउन निवेदन दिएका छन् । संवैधानिक इजलासमा प्रधानन्यायाधीश अनिवार्य भन्ने अधिवक्ता रेग्मीको रिटमाथिको सुनुवाइमा आफूलाई सहभागी गराउनुपर्ने अर्यालको माग छ । आफू पनि यो मुद्दासँग जोडिएले सुनुवाइमा सहभागी हुन पाउनुपर्ने जिकिर उनले निवेदनमा गरेका छन् ।न्युज कारखाना


    आश्विन ८, २०७८ शुक्रवार १४:४६:५६ बजे : प्रकाशित

    प्रधानमन्त्री बनेपछि पहिलो पटक विदेश भ्रमणमा जाँदै देउवा 

  • 402
    SHARES
  • प्रधानमन्त्री बनेपछि पहिलो पटक विदेश भ्रमणमा जाँदै देउवा 

    काठमाडौं - प्रधानमन्त्री शेरबहादुर देउवा स्कटल्याण्ड जाने भएका छन् । उनी स्कटल्याण्डमा आयोजित जलवायु परिवर्तनसम्बन्धी अन्तर्राष्ट्रिय सम्मेलनमा सहभागी हुन जान लागेका हुन् । 

    images

    उक्त सम्मेलन स्कटल्याण्डको ग्लास्गो सहरमा हुँदैछ । सम्मेलन अक्टोबर ३१ देखि नोभेम्बर १२ सम्म स्कटल्याण्डमा हुँदैछ । नोभेम्बर १ र २ मा हुने ग्लोबल लिडर समिटमा देउवा सहभागी हुने  
    वन तथा वातावरण मन्त्रालयका सचिव पेमनारायण कँडेलले जानकारी दिए । उक्त समिटमा विश्वभरका राष्ट्र प्रमुख र सरकार प्रमुख सहभागी हुनेछन् । 

    कोपमा सहभागीको लागि बेलायती कूटनीतिज्ञ तथा कोप २६ का एसिया प्यासिफिकका एम्बासडर केन ओ फ्लाहरटीले प्रधानमन्त्री देउवासँग छलफल गरेको बताइएको छ । मन्त्रिपरिषदको निर्णयपछि देउवा स्कटल्याण्ड जानेछन् । प्रधानमन्त्री बनेपछि देउवाको यो पहिलो विदेश भ्रमण हो । 

      


    आश्विन ८, २०७८ शुक्रवार १५:०७:४१ बजे : प्रकाशित

  • सम्बन्धित विषय:

  • # शेर बहादुर देउवा

  • क्यानाडा नेपाल

    नेताले आदेश दिए पुग्ने, कार्यकर्ता आदेश कुरेर बस्नुपर्ने! - गगन थापा

  • 136
    SHARES
  • नेताले आदेश दिए पुग्ने, कार्यकर्ता आदेश कुरेर बस्नुपर्ने! - गगन थापा

    काठमाडौँ । नेपाली कांग्रेसका नेता गगनकुमार थापाले अब पार्टी पुनर्निर्माण गर्नुपर्ने बताएका छन् । शुक्रबार सामाजिक सञ्जाल फेसबुकमार्फत नेता थापाले सो कुरा बताएका हुन् । 

    images

    उनले अब कहिलेसम्म यस्तो बेहालमा पार्टी चलाइरहने भन्दै अब बदल्नुपर्ने बताएका छन् । पार्टीको अधिवेशनको मिति सर्ने कुरा उठेको बिषयलाई लिएर थापाले नेतृत्वमा बस्नेले कहिल्यै विधिमा चल्नुनपर्ने, बेथितिको जिम्मा लिनैनपर्ने जस्तो अवस्था अब अन्त्य हुनुपर्ने बताएका छन् । 

    उजले लेखेका छन् - 'कति सजिलै सर्छ अधिवेशनको मिति! १३ जिल्लाको वडा अधिवेशनकै टुंगो छैन।कहिल्यै विधिमा चल्नु नपर्ने,थितिमा वस्नु नपर्ने,वेथितिको जिम्मा लिनै नपर्ने। बस नेताले आदेश दिए पुग्ने, कार्यकर्ता आदेश कुरेर बस्नुपर्ने! अब नि यस्तो बेहालमा पार्टी चलाइरहने कि बदल्ने?सोचौं। #कांग्रेसपुनर्निर्माण'
     


    आश्विन ८, २०७८ शुक्रवार १९:२६:१३ बजे : प्रकाशित

  • सम्बन्धित विषय:

  • # गगन थापा

  • क्यानाडा नेपाल

    २२ वर्षीया रामदेवीको कांग्रेस क्षेत्रीय उपसभापतिमा उम्मेद्‍वारी

  • 82
    SHARES
  • २२ वर्षीया रामदेवीको कांग्रेस क्षेत्रीय उपसभापतिमा उम्मेद्‍वारी

    मुगु - नेपाली कांग्रेस मुगु 'क'बाट युवा नेतृ रामदेवी खड्काले क्षेत्रीय उपसभापतिमा दाबी गरेकी छन् । उनले  क्षेत्रीय उपसभापतिमा उम्मेद्‍वारी दिएकी हुन् ।

    images

    सानै उमेरदेखि राजनीतिमा सक्रिय खड्का नेपाल विद्यार्थी संघ मुगुकी सदस्य हुन् । उनले मेची-महाकाली बुहारी संघको सदस्य र युवा सजकताको सचिव भएर काम गरिसकेकी छन् ।

    उनले आफूले सानैदेखि पार्टीमा पुर्‍याएको योगदानको सबैले कदर गर्ने विश्वास लिएकी छन् । क्षेत्रीय सभापतिमा युवा नेता विष्णुकुमार भाम, उपसभापतिमा टुण्डुल लामालगायतले उम्मेद्‍वारी दिएका छन् ।न्युज कारखाना


    आश्विन ८, २०७८ शुक्रवार २०:४९:१७ बजे : प्रकाशित

  • सम्बन्धित विषय:

  • # काठमाडौँ

  • क्यानाडा नेपाल