• Jan 27 2022 | २०७८, माघ १३गते

२०७८, माघ १३गते

धनी देशले कोभिड खोप दान नगरे खेर जान सक्ने यूनिसेफको चेतावनी 

बीबीसी जेठ २५ २०७८
  • 1.4K
    SHARES
  • images
    images
    धनी देशले कोभिड खोप दान नगरे खेर जान सक्ने यूनिसेफको चेतावनी 

    काठमाडौँ।  आर्थिक रूपमा समृद्ध राष्ट्रहरूले तुलनात्मक रूपमा विपन्न राष्ट्रहरूमा एकै पटक ठूलो मात्रा बाँकी रहेका खोप पठाए लाखौँ मात्रा खोप खेर जानसक्ने संयुक्त राष्ट्रसङ्घीय बालकोष (यूनिसेफ)ले चेतावनी दिएको छ।

    images

    आर्थिक रूपमा कमजोर राष्ट्रहरूसँग एकै पटक ती खोप प्रयोगमा ल्याउनका लागि श्रोतको अभाव रहेका कारण क्रमिक रूपमा खोप उपलब्ध गराइनुपर्ने यूनिसेफले जनाएको छ। यूके सहित अन्य केही मुलुकहरूले आफूसँग मौज्दात रहेको बाँकी खोप दिने वाचा गरेका छन्। तर उनीहरूलाई अलि अगावै खोप दिन आग्रह गरिएको छ। बीली आएलीस र डेभिड बेकम जस्ता प्रख्यात व्यक्तित्वहरूले यूनिसेफको आग्रहमा समर्थन जनाएका छन्।

    उनीहरूले जी७ भनेर चिनिने विश्वका महत्त्वपूर्ण सात अर्थतन्त्रहरूलाई हस्ताक्षर सहितको पत्र पठाएका छन् जसमा यूके सहितका राष्ट्रहरूलाई उनीहरूसँग रहेको २० प्रतिशत खोप अगस्ट महिनासम्ममा दिइसक्न आग्रह गरिएको छ।

    ''सबैतिर यो महामारी नरोकिएसम्म कहीँ पनि रोकिँदैन,'' बेकमले भने। पत्रमा हस्ताक्षर गर्ने अन्य ख्यातिप्राप्त व्यक्तित्वहरूमा यान्डी मरी, एलीभीया कोलमन, युएन मगग्रेग, लिएम पेन, प्रियङ्का चोपडा जोनस, ओल्यान्डो ब्लुम, केटी प्यारी, जेमा च्यान, उपी गोल्डबर्ग, क्लोडिया सीफर र क्रिस होए छन्।

    यूनिसेफमा खोप सम्बन्धी विषयको नेतृत्व गरिरहेकी लीली कप्रानीले बीबीसी न्यूजनाइटसँग कुरा गर्दै राष्ट्रहरूले विश्वका अन्य मुलुक सँगसँगै आफ्ना देशवाशिहरूलाई खोप दिनुपर्ने बताइन्।

    ''कुनै न कुनै विन्दुमा हामीले १८ वर्ष भन्दा मुनिका मानिसहरूलाई खोप दिनुपर्ने हुन्छ। यसमा कुनै दुबिधा छैन,'' उनले भनिन्। ''तर यस बेलाको प्राथमिकता विश्वभरका कमजोर तथा प्राथमिकतामा राखिएका मानिसहरूले खोप पाउन भन्ने हुनुपर्छ।''

    ''त्यस कारण हामीले यूके र अन्य जी७ राष्ट्रहरूलाई आफ्नो देशमा खोप कार्यक्रम जारी राख्दै निम्न आय भएका देशहरूलाई दान गर्न भनिरहेका छौँ।'' तर गत हप्ता ब्रिटिश स्वास्थ्यमन्त्री म्याट ह्यानककले यूकेको प्राथमिकतामा अन्य देशहरूमा खोप पठाउने भन्दा पनि आफ्नो देशका बालबालिकाहरूलाई उपलब्ध गराउने रहेको बताएका थिए।

    अन्य देशहरू भन्दा फरक यूकेले कोभ्याक्सलाई खोपको कति मात्रा दिने छ भन्ने योजना खुलाएको छैन। यूकेले आफूसँग रहेको अतिरिक्त मात्रा उपलब्ध गराउने मात्रै भनेको छ। ख्याति कमाएका व्यक्तित्वहरूले यूनिसेफले आर्थिक रूपमा विपन्न राष्ट्रहरूमा खोप दिइरहेको तर ऊसँग आवश्यकता भन्दा १९ करोड मात्रा कम रहेको आफ्नो पत्रमा उल्लेख गरेका छन्।

    यूकेले विभिन्न खोपको ४० करोड मात्रा मगाइसकेको छ। उसले आफ्नो जनसङ्ख्याको ठूलो हिस्सालाई खोप उपलब्ध गराइसकेको छ। तर केही देशहरूले भने हालसम्म पनि खोपको पहिलो ढुवानीको प्रतीक्षा गरिरहेका छन्। धेरै गरिब राष्ट्रहरू कोभ्याक्सबाट प्राप्त हुने खोपमा भर परिरहेका छन्। केही राष्ट्रहरूले यो वर्षको अन्त्य सम्ममा खोप दिने वाचा गरेका छन् तर विश्व स्वास्थ्य सङ्गठनले उनीहरूलाई आफूसँग रहेको खोप तत्काल बाँड्न सुरु गर्न भनेको छ।


    जेठ २५, २०७८ मंगलवार १८:३४:११ बजे : प्रकाशित

    images
    images
  • सम्बन्धित विषय:

  • # यूनिसेफ
  • # कोभिड खोप

  • बीबीसी

    अर्कोसमाचार

    हिउँले मनाङका डाँडाकाँडा सेताम्य, माथिल्लाे क्षेत्र नजान पर्यटकलाई अनुराेध

  • 592
    SHARES
  • हिउँले मनाङका डाँडाकाँडा सेताम्य, माथिल्लाे क्षेत्र नजान पर्यटकलाई अनुराेध

    लमजुङ, १८ मंसिर -हिमाली जिल्ला मनाङका डाँडाकाँडा हिउँले सेताम्य बनेका छन् । माथिल्लो मनाङ र नार्पाभूमिका बस्तीमा बिहीबारदेखि हिमपात भइरहेको स्थानीयले बताएका छन् । माथिल्लो मनाङको थोराङलाफेदी, याकखर्क, बेसक्याम्प, तिलिचो क्षेत्रमा हिउँ परेको छ । मनाङका प्रमुख जिल्ला अधिकारी रविन्द्र आचार्यले मनाङ ङिस्याङ गाउँपालिका र नार्पाभूमि गाउँपालिकाको बस्तीमा हिमपात भएको बताए ।

    images

    मनाङ ङिस्याङ गाउँपालिकाको हुम्देदेखि माथिल्लो भागमा हिउँ परेको छ । जिल्ला प्रशासन कार्यालय मनाङले उच्च पहाडी र हिमाली भूभागमा हिमपातका कारण तापक्रममा गिरावट आई चिसो वढ्न सक्ने हुनाले सतर्कता अपनाउन आग्रह गरेको छ । हिउँ परेपछी तल्लो क्षेत्रमा पनि चिसो बढेको छ । मनाङको ढिकुरपोखरी (३,२४० मि.) देखि माथिल्लो क्षेत्रमा हिमपात भइरहेको प्रजिअ आचार्यले बताए । हिउँ पर्न थालेपछि चिसो बढेको मनाङ ङिस्याङका छिरिङ गुरुङले बताए । 

    अन्नपूर्ण संरक्षण क्षेत्र आयोजना (एक्याप) मनाङका प्रमुख लेखनाथ गौतमले माथिल्लो क्षेत्रमा हिमपात भएकाले पर्यटकलाई गन्तव्यतर्फ नजान भनिएको छ । उनले भने मौसममा सुधार आएपछि मात्र पर्यटकलाई गन्तव्यमा जान एक्याप मनाङले अनुरोध गरेको छ । 


    मंसिर १८, २०७८ शनिवार ०९:३२:५७ बजे : प्रकाशित

  • सम्बन्धित विषय:

  • # मनाङ

  • क्यानाडा नेपाल

    धोविखोलामा एक पुरुषको शव फेला

  • 820
    SHARES
  • धोविखोलामा एक पुरुषको शव फेला

    काठमाडौँ।  काठमाडौंको रातोपुल नजिकै धोविखोलामा एक पुरुषको शव फेला परेको छ । आइतबार दिउँसो धोविखोलमा शव देखिएपछि स्थानीयले प्रहरीलाई खबर गरेका थिए ।

    images

    खोलामा घोप्टो परेको अवस्थामा शव फेला परेको हो । प्रहरीले शवलाई खोलाबाट बाहिर निकालेको छ भने पहिचान खुल्न बाकी रहेको छ । घटनाका बारेमा थप अनुसन्धान भइरहेको प्रहरीले जनाएको छ । 


    मंसिर १९, २०७८ आइतवार १६:३७:४८ बजे : प्रकाशित

    प्रधानन्यायधिशको राजीनामा माग गर्दै नेपाल बार एसोसिएसनले गरेको आन्दोलन कमजोर हुँदै

  • 468
    SHARES
  • प्रधानन्यायधिशको राजीनामा माग गर्दै नेपाल बार एसोसिएसनले गरेको आन्दोलन कमजोर हुँदै

    प्रधानन्यायधिशको राजीनामा माग गर्दै नेपाल बार एसोसिएसनले गरेको आन्दोलन कमजोर हुँदै गएको छ । प्रधानन्यायधिशको राजीनामा माग गर्दै बारले हरेक दिन बिहान सर्वोच्च परिसरमा धर्ना दिदै आएको छ । यसअघिको तुलनामा धर्नामा सहभागी हुनेहरुको संख्या पनि घट्दै गएको छ । 

    images

    न्यायधिशहरु पनि नियमित इजलाशमा जान थालेका छन् भने यसअघि आन्दोलनमा सहभागी वकिलहरु पनि बहसमा सहभागी हुन थालेका छन् । नेपाल बारकी उपाध्यक्ष रक्षा बस्यालले प्रधानन्यायधिशको राजीनामा माग गर्दै निरन्तर सर्वोच्चको गेटमा धर्ना दिइएको बताइन् । 

    उनले अव बारको आन्दोलनलाई शसक्त बनाउने दावी गरेकी छिन् । प्रधानन्यायाधीशको राजिनामा माग गर्दै कानून व्यवसायीहरुले गत कात्तिक १४ गतेदेखि निरन्तर रुपमा प्रदर्शन गर्दै आइरहेका छन् ।


    मंसिर २०, २०७८ सोमवार १४:५६:०३ बजे : प्रकाशित

    १४ महिने बालकलाई अपहरण गरि भारत तर्फ भाग्न लागेको युवक प्रहरीको फन्दामा

    पौष १०

  • 564
    SHARES
  • १४ महिने बालकलाई अपहरण गरि भारत तर्फ भाग्न लागेको युवक प्रहरीको फन्दामा

    जनकपुर, १० पुस-१४ महिने बालकको अपहरण गरेर भारततर्फ भाग्दै गरेको अवस्थामा एक युवकलाई धनुषा प्रहरीले नियन्त्रणमा लिएको छ । पक्राउ पर्नेमा भारत बिहार राज्यको जिल्ला सितामढी ग्राम पञ्चायत बाजपट्टी-घर भई हाल धनुषाको जनकपुरधाम उपमहानगरपालिका-१६ पुल चोकस्थित डेरामा बस्दै आएका २५ वर्षीय सुरेश ठाकुर रहेको जिल्ला प्रहरी कार्यालय धनुषाले जनाएको छ ।

    images

    बुधबार साँझ ७ बजे देखि हराएका रासलाल मुखियाका १४ महिने छोरा कृष्ण मुखियाको खोजतलास गर्ने क्रममा प्रहरी टोलीले बिहीबार अपराह्न करिब ४ बजे नगराईन नगरपालिका–२ स्थित नेपाल भारतको सीमाना नजिकै बच्चालाई लिएर भारत तर्फ भाग्दै गरेको अवस्थामा ठाकुर पक्राउ परेका हुन् । 

    प्रहरीले बालक कृष्ण मुखियालाई उद्धार गरी मुखीयाको आमा संगीता मुखियाको जिम्मा लगाएकाे छ । पक्राउ परेका भारतीय युवक सुरेश ठाकुरलाई धनुषा जिल्ला अदालतबाट अपहरण तथा शरीर बन्धक मुद्दा शीर्षकमा म्याद थप गरी थप अनुसन्धन कार्य भई रहेको धनुषा प्रहरीले जनाएको छ ।


    पौष १०, २०७८ शनिवार ०८:१४:५७ बजे : प्रकाशित

  • सम्बन्धित विषय:

  • # अपहरण
  • सिम भञ्ज्याङको सडक खण्डमा दोस्रोपटक हिमपात, सवारी साधन बिच बाटोमै रोकिए

    सिम भञ्ज्याङको सडक खण्डमा दोस्रोपटक हिमपात, सवारी साधन बिच बाटोमै रोकिए


     काठमाडौं, ७ माघ (गत १४ पुस पछि पुनः  मकवानपुरको सिमभञ्ज्याङमा हिमतपात भएको छ। बिहीबार राति देखी भएको हिमपातका कारण त्रिभुवन राजपथ अवरुद्ध हुन पुगेको छ ।

    images

    सिमभञ्ज्याङमा क्षेत्रमा झन्डै ३ किलोमिटरसम्मको सडक क्षेत्रमा हिउँ परेका कारण शुक्रबार बिहानदेखि नै त्रिभुवन राजपथ भएर चल्ने सबैजसो सवारी साधन रोकिन पुगेका छन । जिल्ला प्रहरी कार्यालय मकवानपुरका अनुसार अवरुद्ध राजमार्ग खुलाउने प्रयास भइरहेको छ।
     


    माघ ७, २०७८ शुक्रवार ०८:५३:३० बजे : प्रकाशित

  • सम्बन्धित विषय:

  • # हिमपात

  • क्यानाडा नेपाल

    भन्सार एजेन्टको लिखित परिक्षा पनि स्थगित 

    भन्सार एजेन्टको लिखित परिक्षा पनि स्थगित 

    काठमाडौ, ७ माघ -कोरोना महामारीको कारण देखाउँदै भन्सार एजेन्टको लिखित परिक्षा स्थगित भएको छ । 

    images

    भन्सार बिभागले यसअघि तय गरेको २९ माघको पुर्व निर्धारित मितिमा परिक्षा सञ्चालन गर्न नसकिने भन्दै स्थगित गरेको हो । स्थगित परिक्षा परिस्थीति सहज हुने  बितिक्कै पुनः सञ्चालन गरिने भन्सार बिभागले जनाएको छ । यस अघि लोकसेवा, त्रिभुवन विश्वविद्यालयले पनि परिक्षा स्थगित गर्ने निर्णय गरिसकेका छन ।   


    माघ ७, २०७८ शुक्रवार ०९:५३:४२ बजे : प्रकाशित

  • सम्बन्धित विषय:

  • # भन्सार एजेन्ट

  • क्यानाडा नेपाल