• May 17 2021 | २०७८, जेठ ३गते

२०७८, जेठ ३गते

गृहमन्त्री पदले जसपामा भूइँचालो 

क्यानाडा नेपाल बैशाख १९ २०७८
  • 20.1K
    SHARES
  • गृहमन्त्री पदले जसपामा भूइँचालो 

    काठमाडौं । जनता समाजवादी पार्टी आन्तरिक किचलोमा फसेको छ । केपी शर्मा ओली नेतृत्वको सरकारलाई समर्थन गर्ने कि नगर्ने भन्ने विषयले लामो समयदेखि आन्तरिक बहस सृजना गरेको जसपामा अब मन्त्री पदले विवाद ल्याइदिएको छ । 

    प्रधानमन्त्री ओलीले जसपाको माग सम्बोधन गर्नेक्रममा गत बुधबार १२० जना जसपा नेता कार्यकर्ताको सरकारवादी मुद्दा फिर्ता लिने मन्त्रिपरिषदबाट निर्णय गराएका थिए । यसपछि जसपामा निकै हलचल ल्याइदिएको छ । 

    महन्थ ठाकुर पक्ष ओली सरकारलाई समर्थन गर्नुपर्ने पक्षमा देखिँदा उपेन्द्र यादव समूह ओली सरकारको विकल्पमा जानुपर्ने पक्षमा रहँदै आएका थिए । तर, केही समयअघि सरकारले आफूहरुको माग सम्बोधन गरेमा सरकारमा सहभागी हुन यादव पक्षधर पनि राजी भएको थियो । जसपा फुटको घोषणाको पर्खाइमा, महन्थ–राजेन्द्र समूहले ओलीलाई सघाउने  जसपा फुटको घोषणाको पर्खाइमा, महन्थ–राजेन्द्र समूहले ओलीलाई सघाउने 

    जसपालाई गृहमन्त्रालयसहित महत्वपूर्ण मन्त्रालयको जिम्मेवारी दिन प्रधानमन्त्री ओली सहमत भएका स्रोतको भनाइ छ । करिब ८/१०वटा मन्त्रालय जसपालाई दिन प्रधानमन्त्री ओली राजी भए पनि कसले कुन मन्त्रालय लिने भन्ने विषयले भने जसपामा भूइँचलो ल्याइदिएको टिप्पणी हुन थालेको छ ।

    विशेषगरी ठाकुर र यादव समूहमा कसले गृहमन्त्रालय लिने भन्ने विषयले जसपामा विवाद सृजना गरेको छ । जस कारण जसपा सरकारमा सहभागी हुने निर्णय ढिलाइ भइरहेको स्रोतको भनाइ छ । 

    सुरु देखिनै महन्थ, राजेन्द्र महतो अर्थात राजपाधार ओली सरकारलाई समर्थन गर्ने पक्षमा रहँदै आएका थिए । तर, उपेन्द्र यादव, बाबुराम भट्टराई अर्थात समाजवादी पार्टी नेपाल खेमा भने ओली सरकारको विकल्प खोज्दै आएको थियो । पछि आन्तरिक छलफलमा यादव ओली सरकारलाई समर्थन गर्न राजी देखिएका थिए । 

     


    बैशाख १९, २०७८ आइतवार १८:२४:५८ बजे : प्रकाशित

  • सम्बन्धित विषय:

  • # जसपा

  • क्यानाडा नेपाल

    अर्कोसमाचार

    मदन भण्डारीको हत्यारा खोज्न किन चाँसो देखाएनन् राष्ट्रपति र प्रधानमन्त्रीले ?

  • 560
    SHARES
  • मदन भण्डारीको हत्यारा खोज्न किन चाँसो देखाएनन् राष्ट्रपति र प्रधानमन्त्रीले ?

    काठमाडौं । आज जेष्ठ ३ गते मदन-आश्रित स्मृति दिवस मनाइदैछ । विसं २०५० जेठ ३ गते सडक दुर्घटनामा तत्कालीन एमाले महासचिव मदन भण्डारी र संगठन प्रमुख जीवराज आश्रितको  निधन भएको थियो ।

    हरेक वर्ष जेष्ठ ३ गते सामाजिक संजालमा तेर्सिने एउटा गम्भीर प्रश्न हो, "राष्ट्रपति र प्रधानमन्त्री एउटै पार्टीको तर किन मदन भण्डारीको हत्याराको खोजीमा चाँसो देखाउदैनन् ?"

    मदन भण्डारी र जीवराज आश्रितद्धढेको जीप चितवनको दासढुङ्गा भन्‍ने स्थानबाट त्रिशूली नदीमा खसेर दुर्घटनामा परेको थियो । उक्त दुर्घटनामा परेका जीप चालक अमर लामा भने जीवित थिए । तर पछि उनको पनि हत्या भएपछि घटना थप रहस्यमय बनेको थियो । 

    मदन भण्डारीको मृत्यु दुर्घटनाबाट भएको भनिए पनि जनतादेखि एमाले कै नेताहरुले अझै सम्म विश्वास गर्न सकेका छैनन् । विश्वासिलो आधार नभएको साथै चालकको समेत हत्या भएको कारण मदन भण्डारीको मृत्युलाई रहस्यमय नै मानिएको छ । एमालेको सरकार शक्तिशाली सरकार छ तर पनि मदन भण्डारीको विषयमा कुनै चाँसो नदेखाएकोले गर्दा प्रश्न माथी प्रश्न तेर्सिन थालेको छ ।

    मदन भण्डारीको हत्याको छानवीन गर्न आयोग बनेको थियो जसको अध्यक्ष थिए अहिलेका प्रधानमन्त्री केपी शर्मा ओली । त्यस बेला प्रधानमन्त्री ओलीले सार्वजनिक रुपमै भनेका थिए, "म सरकारमा गए भने मदन भण्डारीको हत्यारा पत्ता लगाउँछु ।" मदन भण्डारीका राजनीतिक सहकर्मी रहेका केपी शर्मा ओलीले दिएको उक्त अभिव्यक्तिले एमाले कार्यकर्ता माथि थप उर्जा थपिएको थियो तर प्रधानमन्त्री ओली सरकारमा रहेको ३ वर्ष बितीसक्यो तर मदन भण्डारीको हत्यारा पत्ता लाउन कुनै चाँसो नदेखाएको देखिन्छ । प्रधानमन्त्री ओलीलाई साथ दिन मदन भण्डारी कै जीवनसंगीनी र राजनीतिक सहयात्री  विद्यादेवी भण्डारी राष्ट्रपति छिन् तर पनि यस विषयमा खासै चाँसो नदेखाएको देखिन्छ ।

    प्रधानमन्त्री र राष्ट्रपतिले यस विषयमा आफ्नो ठाउँबाट चाँसो देखाएको हुनसक्छ तर व्यवहारमा कुनै त्यस्तो विश्वासिलो तरिकाको चाँसो देखाएको नपाएपछि जनतामा प्रश्न माथी प्रश्न उब्जिन थालेको छ ।

    केपी शर्मा ओली र विद्यादेवी भण्डारी मात्र होईन अरु ३ एमालेका नेताहरुले समेत चाँसो नदेखाएका हुन् । स्व. मनमोहन अधिकारी, माधव कुमार नेपाल र झलनाथ खनाल समेत प्रधानमन्त्री बनिसकेका छन् तर यी ३ प्रधानमन्त्री हुँदा यस विषयमा कुनै किसिमको चाँसो नदेखाएको पाईएको छ ।

    आखिर किन एमाले पार्टीले मदन भण्डारीको हत्यारा खोज्न चाँसो नदेखाएको ? प्रधानमन्त्री र राष्ट्रपति नै आफ्नो पार्टीको नेता हुँदा समेत किन पार्टीबाट दबाब नआएको ? मदन भण्डारी कै 'जबज' बोकेर हिंडेको एमाले पार्टीले आखिर किन मदन भण्डारीको हत्यालाई रहस्यमय नै बनाएर राख्न चाहेको छ ?


    जेठ ३, २०७८ सोमवार ११:५१:०८ बजे : प्रकाशित

    राष्ट्रपति र प्रधानमन्त्रीप्रति बाबुरामको कटाक्ष– मदन भण्डारीको नाममा स्वार्थको रोटी सेक्न छोडौं

    राष्ट्रपति र प्रधानमन्त्रीप्रति बाबुरामको कटाक्ष– मदन भण्डारीको नाममा स्वार्थको रोटी सेक्न छोडौं

    काठमाडौं । जनता समाजवादी पार्टीका संघीय परिषद् अध्यक्ष डा. बाबुराम भट्टराईले राष्ट्रपति विद्यादेवी भण्डारी र प्रधानमन्त्री केपी शर्मा ओलीलाई मदन–आश्रित निधन घटनाको छानबिन गर्न चुनौती दिएका छन् । 

    नेकपा एमालेले सोमबार आफ्नो पार्टीका तत्कालीन महासचिव मदन भण्डारी र संगठन विभाग प्रमुख जीवराज आश्रितको स्मृति दिवस मनाइरहेका बेला डा. भट्टराईले सो चुनौती दिएका हुन् । २०५० जेठ ३ गते चितवनको दासढुंगामा रहस्यमय जिप दुर्घटनामा परेर मदन र आश्रितको निधन भएको थियो । तर, आजपर्यन्त जनताले विश्वास गर्ने गरी सो घटनाको छानबिन भएको छैन । 

    मदन भण्डारीको हत्यारा खोज्न किन चाँसो देखाएनन् राष्ट्रपति र प्रधानमन्त्रीले ? मदन भण्डारीको हत्यारा खोज्न किन चाँसो देखाएनन् राष्ट्रपति र प्रधानमन्त्रीले ?

    मदन–आश्रित स्मृति दिवसको अवसरमा उनीहरुप्रति श्रद्धाञ्जलि व्यक्त गरेका डा. भट्टराईले विद्यादेवी राष्ट्रपति र मदनको उत्तराधिकारी दावी गर्ने ओली प्रधानमन्त्री भएका बेला उच्चस्तरीय निष्पक्ष छानबिन गर्न चुनौती दिँदै अन्यथा मदन–आश्रितको नाममा स्वार्थको रोटी सेक्न छोड्न भनेका छन् । 

    सामाजिक सञ्जाल ट्वीटरमा डा. भट्टराईले लेखेका छन्, ‘२०५० जेठ ३ गते दासढुंगामा रहस्यमय मृत्युवरण गर्नुभएका नेताहरू मदन–आश्रितप्रति हार्दिक श्रद्धासुमन । मदनपत्नी राष्ट्रपति र मदनको उत्तराधिकारी दावी गर्ने प्रम भएको बेला उच्चस्तरीय निष्पक्ष छानवीन गरेर त्यो रहस्यको अन्तिम निर्क्योल गरौं। नत्र वहाँहरूको नाउँमा स्वार्थको रोटी सेक्न छोडौं ।’

    twt baburam.PNG


    जेठ ३, २०७८ सोमवार १३:१३:१० बजे : प्रकाशित

  • सम्बन्धित विषय:

  • # मदन भण्डारी

  • क्यानाडा नेपाल

    मन्त्रिपरिषद् बैठक बस्दै

    जेठ ३

  • 270
    SHARES
  • मन्त्रिपरिषद् बैठक बस्दै

    काठमाडौं - सोमबार मन्त्रिपरिषद् बैठक बस्ने भएको छ । बैठक सोमबार साँझ ५ बजे प्रधानमन्त्रीको सरकारी निवास बालुवाटारमा बस्नेछ । 

    मन्त्रिपरिषद्को नियमित बैठक हरेक सोमबार र बिहीबार बस्ने गर्दछ । आज बस्ने बैठकमा कोरोना संक्रमण रोकथाम तथा नियन्त्रणका थप उपायहरु बारे छलफल हुने बताइएको छ। 

    यसअघि आइतबार सिंहदरबारमा कोभिड–१९ संकट व्यवस्थापन केन्द्र (सीसीएमसी) को बैठक बसेको थियो । उक्त बैठकले कोरोना संक्रमण नियन्त्रणका लागि राज्यको सबै शक्तिलाई  प्रयोग गर्ने निर्णय गरेको थियो ।


    जेठ ३, २०७८ सोमवार १३:३३:३१ बजे : प्रकाशित

    कर्णाली प्रदेश : नवनियुक्त मन्त्री शर्मा र नेपालीले लिए सपथ

    जेठ ३

  • 164
    SHARES
  • कर्णाली प्रदेश : नवनियुक्त मन्त्री शर्मा र नेपालीले लिए सपथ

    काठमाडौं - कर्णाली प्रदेशमा आइतबार नियुक्त भएका २ मन्त्रीले आज शपथ ग्रहण गरेका छन् । 

    आइतबार प्रदेश प्रमुख गोविन्दप्रसाद कलौनीले मुख्यमन्त्री महेन्द्रबहादुर शाहीको नेतृत्वमा छ सदस्यीय मन्त्रिपरिषद् पुनर्गठन गरेका थिए । 

    आन्तरिक मामिला, कानून, युवा तथा खेलकुदमन्त्रीमा नियुक्त भएकी सीताकुमारी नेपाली र आर्थिक मामिला तथा योजना मन्त्रीमा नियुक्त भएका गोपाल शर्माले आज सपथ लिएका हुन् । 

    उनीहरुले प्रदेश प्रमुख कलौनीबाट शपथ लिएका हुन् ।  नवनियुक्त २ मन्त्री नेकपा माओवादी केन्द्रका प्रदेशसभा सदस्य हुन् । 


    जेठ ३, २०७८ सोमवार १४:२९:५८ बजे : प्रकाशित

  • सम्बन्धित विषय:

  • # कर्णाली प्रदेश
  • ओलीले गरे माधवकुमारलाई राष्ट्रपतिको अफर 

    ओलीले गरे माधवकुमारलाई राष्ट्रपतिको अफर 

    काठमाडौं । सत्तारुढ नेकपा एमालेको आन्तरिक विवाद साम्य हुने दिशामा अघि बढेको छ । डेढ वर्षदेखि चलेको पार्टी अध्यक्ष तथा प्रधानमन्त्री केपी शर्मा ओली र वरिष्ठ नेता माधवकुमार नेपालबीचको टकराव गत हप्तादेखि अन्त्यको दिशामा अघि बढेको छ । 

    सार्वजनिक मञ्चबाट एक अर्काविरुद्ध विषवमन गरेका उनीहरुबीच ओली सरकारलाई निरन्तरता दिने गरी सहमति बन्यो । यो बाहिर देखिएको कुरा हो, तर भित्र प्रधानमन्त्री ओलीले माधव नेपाललाई राष्ट्रपति बनाउने प्रतिबद्धता जनाएको राजनीतिक वृत्तमा चर्चा छ । 

    अध्यक्ष ओली र नेता नेपालबीचको टकराव बढिरहँदा न त एमालेको सरकार रहने भयो, न त नेपाल समूहका नेताहरुको राजनीतिक भविष्य नै सुरक्षित रहने भयो, यी दुई दृश्य सतहमा आएपछि दुवै सहमतिमा पुग्न बाध्य भए । तर, नेता नेपाल ओली सरकार जोगाउन राजी कुन शर्तमा भए ? आम चासो छँदै छ । 

    यो चासोलाई मेटाउने गरी अहिले राजनीतिक वृत्तमा चर्चा छ– माधवकुमार नेपाललाई राष्ट्रपति बनाउन ओली सहमत भए । सोही सहमतिअनुसार नेता नेपाल पनि ओली सरकार जोगाउन राजी भए । 

    प्रधानमन्त्री र राष्ट्रपतिको लेनदेनमा अध्यक्ष ओली र नेता नेपालबीच सहमति बन्यो । र अहिले पार्टीभित्रको विवाद समाधानका लागि भन्दै ओली र नेता नेपालले १० सदस्यीय कार्यदल गठन गरेका छन् । तर, यसअघि नै ओली र नेपालबीच नेपाललाई राष्ट्रपति बनाउने सहमति भएको छ । 

    अब हुने १०औँ महाधिवेशनमा नेता नेपालले अध्यक्षमा दावेदारी नदिने शर्तमा उनलाई राष्ट्रपति बनाउने सहमति भएको हो । महासचिवको हैसियतमा डेढ दशक एमालेको नेतृत्व लिएका पूर्वप्रधानमन्त्री माधवकुमार नेपालले पार्टी नेतृत्वमा दाबी नगर्ने र उनलाई राष्ट्रपति बनाउन अध्यक्ष ओली पनि सहमत भएका हुन् । 

    यसअघि वरिष्ठ नेता झलनाथ खनालको नाम पनि राष्ट्रपतिका लागि चर्चामा आएको थियो । तर, अब नेता नेपाललाई राष्ट्रपति बनाउने गरी पार्टीभित्रको आन्तरिक विवाद समाधानको उपाय खोजिएको हो ।  

    डेढ दशकदेखिको दुई शीर्षनेताहरुबीच टकराव गत हप्तादेखि मथ्थर हुन थालेको हो । प्रधानमन्त्री ओलीले संसदबाट विश्वासको मत पाएनन् । सोही दिन गत सोमबार राष्ट्रपति विद्यादेवी भण्डारीले संविधानको धारा ७६(२)अनुसार सरकार बनाउन दलहरुलाई दावी पेश गर्न बिहीबार राति ९ बजेसम्मको समय दिएकी थिइन् । 

    कांग्रेस–माओवादी केन्द्रको गठबन्धनलाई सरकार बनाउने सहज गरिदिन नेता नेपाल समूहका सांसदहरुले राजीनामा दिने तयारी गरेपछि अध्यक्ष ओली सम्झौता गर्न राजी भएका हुन् । आफ्नो सत्ता रक्षाका लागि अध्यक्ष ओली बिहीबार नै नेता नेपालसँग विवाद समाधान गर्न राजी भए । नेपाल समूहका सांसदहरुले राजीनामा नदिने भएपछि कांग्रेस–माओवादी गठबन्धनले बहुमतको सरकार बनाउन सकेन । त्यसपछि राष्ट्रपति भण्डारीले संविधानको धारा ७६(३)अनसार ओलीलाई नै प्रधानमन्त्रीमा नियुक्त गरिन् । 

    यसरी ओली सरकार जोगाएकोमा प्रधानमन्त्रीले माधवकुमारलाई राष्ट्रपतिको अफर गरेका छन् र उनी पनि राजी भएको भन्दै अहिले राजनीतिक वृत्तमा चर्चा चलिरहेको छ ।  


    जेठ ३, २०७८ सोमवार १४:५६:०० बजे : प्रकाशित

  • सम्बन्धित विषय:

  • # केपी शर्मा ओली
  • # माधवकुमार

  • क्यानाडा नेपाल

    तीन वर्ष पनि नटिकेको ओली–प्रचण्डको राजनीतिक प्रेम 

    तीन वर्ष पनि नटिकेको ओली–प्रचण्डको राजनीतिक प्रेम 

    काठमाडौं । सत्तारुढ नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीच अहिले उतिसारो राम्रो राजनीतिक सम्बन्ध देखिँदैन । व्यक्तिगत सम्बन्ध कस्तो छ, उनीहरु नै जानून । तर, राजनीतिक सम्बन्धमा तिक्ततापूर्ण रहेको देखिन्छ । 

    विशेषगरी आफ्नो सरकारको बद्नाम गर्न र ढाल्न प्रचण्ड लागिपरेको आरोप ओलीको छ । यसमा प्रचण्डले एमाले नेता माधवकुमार नेपाललाई हतियारको रुपमा प्रयोग गरेको पनि ओलीको बुुझाइ छ । तर, तीन वर्षअघि ओली र प्रचण्ड एक अर्काबिना राजनीतिक गर्नै नसक्ने जस्तो गर्थे । तर, अहिले पानी बाराबारको अवस्था सृजना भएको छ ।

    ओलीले गरे माधवकुमारलाई राष्ट्रपतिको अफर  ओलीले गरे माधवकुमारलाई राष्ट्रपतिको अफर 

    २०७५ जेठ ३ गते एमाले र माओवादी केन्द्रबीच पार्टी एकीकरण गरेर नेकपा घोषणा गरिएको थियो । भृकुटीमण्डपस्थित राष्ट्रिय सभागृहमा आयोजित पार्टी एकता घोषणा कार्यक्रममा अध्यक्षद्वय केपी शर्मा ओली र पुष्पकमल दाहाल प्रचण्डले एमाले र माओवादी केन्द्रबीच एकता भएर नेपाल कम्युनिष्ट पार्टी स्थापना भएको घोषणा गरेका थिए । सो अवसरमा नेता तथा कार्यकर्ताहरुले गड्गडाहट ताली बजाएर स्वागत गरेका थिए । 

    तत् पश्चात ओली र प्रचण्डको राजनीतिक प्रेम गाढा हुन थाल्यो । उनीहरु कार्यक्रममा सँगै देखिन थाले । पार्टी एकता घोषणा कार्यक्रममा भनिएजस्तै उनीहरु एउटै जहाजका दुई पाइलटजस्ता देखिए । एकता घोषणा कार्यक्रममा अध्यक्ष ओलीले नेकपालाई जेट विमानसँग तुलना गर्दै प्रचण्ड र आफूलाई त्यसको पाइलटको रूपमा व्याख्या गरे । 

    मुलुकका विभिन्न क्षेत्रमा हुने कार्यक्रमदेखि पार्टीका बैठकमा समान रुपमा उपस्थित भएर सम्बोधन गरेका ओली र प्रचण्डको राजनीतिक प्रेम मुस्किलले दुई वर्ष पनि टिकेन । उनीहरुबीचको राजनीतिक प्रेम सम्बन्धमात्रै टुटेन, नेकपा नै अस्तित्वविहीन बन्न पुग्यो र एमाले र माओवादी केन्द्र नै ब्यूँतियो । 

    दुई कम्युनिष्ट पार्टी एकतालाई जनताले मन पराएर २०७४ को निर्वाचनमा झण्डै दुई तिहाइ बहुमत दिए । ओली प्रधानमन्त्री बने । तर, ओली सरकारले २०७६ फागुन ३ गते आफ्नो कार्यकाल दुई वर्ष पूरा गरेसँगै प्रचण्ड र माधवकुमार नेपाल सरकार परिवर्तनको खेलमा लागे ।

    यही खेलले २०७७ फागुन २३ गतेसम्म आइपुग्दा ओली–प्रचण्डको नेकपा खारेज हुँदै एमाले र माओवादी केन्द्र ब्यूँतियो । र अहिले ओलीले एमाले चलाइरहेका छन् भने प्रचण्डले माओवादी केन्द्र । 


    जेठ ३, २०७८ सोमवार १६:२४:५५ बजे : प्रकाशित