जेठ ८, २०७९ आइतबार | Mon May 23 2022

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

शहरी क्षेत्रका विद्यालय, फिल्म हल, डान्सबार लगायत बन्द गर्ने सरकारको निर्णय



काठमाडौं । सरकारले कोरोनाभाइरसको संक्रमण बढेका जिल्लाहरुमा विद्यालय बन्द गर्ने निर्णय गरेको छ । सोमबार बसेको मन्त्रिपरिषद् बैठकले शहरी क्षेत्रसहित संक्रमण बढेका जिल्लाहरुमा वैशाख महिनाभरि  विद्यालय बन्द गर्ने निर्णय गरेको हो । 

बैठकले कोरोनाको उच्च जोखिममा रहेको काठमाडौं उपत्यका, पोखरा, विराटनगर, भरतपुर, नेपालगञ्जलगायत सहरी क्षेत्रका विद्यालय बन्द गर्ने निर्णय गरेको हो । 

यस्तै रात्रिकालीन व्यवसाय, फिल्म हल, डान्सबार, क्लव, दोहोरी साँझ, सभा जुलुस, दर्शकसहितको रंगशाला, जिमखाना, पार्टी प्यालेस, स्वीमिङ पुल, हाटबजारहरु वैशाख मसान्तसम्म बन्द गर्ने बैठकले निर्णय गरेको छ । 

यस्तै मन्दिरमा नित्यपूजा बाहेक अन्य पूजा रोक्ने पनि बैठकले निर्णय गरेको छ । कोभिड–१९ सङ्कट व्यवस्थापन केन्द्र ९सीसीएमसी० को सिफारिस अनुसार आज बसेको बैठकले सहसो निर्णय गरेको हो । 

 

प्रकाशित मिति : बैशाख ६, २०७८ सोमबार  ५ : ३७ बजे