असार ११, २०७९ शनिबार | Sat Jun 25 2022

तत्काललाई कुनै क्षेत्र बन्द नगरी नयाँ मापदण्डमा कडाइ गर्ने सरकारको निर्णय



काठमाडौं – सरकारले कोरोनाभाइरसको संक्रमण रोकथाम तथा नियन्त्रण गर्न जनस्वास्थ्यका नयाँ मापदण्ड जारी गर्ने भएको छ । 

सोमबार बसेको मन्त्रिपरिषद् बैठकले  जनस्वास्थ्यका नयाँ मापदण्ड जारी गर्ने निर्णय गरेको हो । यस्तै उक्त बैठकले तत्काललाई शैक्षिक संस्था लगायत कुनै पनि क्षेत्र बन्द नगर्ने निर्णय गरेको छ । 

यसअघि कोभिड सङ्कट व्यवस्थापन केन्द्र सीसीएमसीले कोरोना संक्रमण बढेको भन्दै केही समयका लागि विद्यालय बन्द गर्न प्रस्ताव गरेको थियो । तर सोमबारको बैठकले तत्काल कुनै पनि क्षेत्र बन्द नगरी नयाँ मापदण्डमा कडाइ गर्ने निर्णय गरेको हो । 

नेपालमा सोमबार मात्र ५ सय ५९ जनाका कोरोना संक्रमण देखिएको थियो । भारतमा तिव्र गतिमा कोरोना संक्रमण बढ्दै जाँदा नेपालमा पनि संक्रमण दिनानुदिन बढ्न थालेको छ । 
 

प्रकाशित मिति : चैत्र ३१, २०७७ मंगलबार  ४ : १२ बजे