असार ११, २०७९ शनिबार | Sat Jun 25 2022

मन्त्रिपरिषद् बैठक आज साँझ ५ बजे बस्दै



काठमाडौँ।  प्रधानमन्त्री केपी शर्मा ओलीले आज मन्त्रिपरिषद् बैठक बोलाएका छन् । प्रधानमन्त्रीको सरकारी निवास बालुवाटारमा अपरान्ह ५ बजेपछि बैठक बस्ने तयारी भएको श्रम, रोजगार तथा सामाजिक सुरक्षामन्त्री गौरीशंकर चौधरीले जानकारी दिए ।

सर्वोच्च अदालतले गत मंगलबार प्रतिनिधिसभा पुनस्र्थापना गरेपछि पहिलो पटक मन्त्रिपरिषद बैठक बस्न लागेको हो । मन्त्री चौधरीका अनुसार आजको बैठकमा प्रस्तुत हुने एजेण्डाबारे जानकारी गराइएको छैन । अदालतले १३ दिनभित्र संसद बैठक आव्हान गर्ने परमादेश जारी गरेपछि आजको बैठकले संसद बैठक आव्हानका लागि राष्ट्रपति विद्यादेवी भण्डारीसमक्ष सिफारिस गर्न सक्ने अनुमान गरिएको छ । समाचार :गोरखापत्र अनलाइन

 

प्रकाशित मिति : फाल्गुन १४, २०७७ शुक्रबार  ९ : ३५ बजे