• May 17 2021 | २०७८, जेठ ३गते

२०७८, जेठ ३गते

‘माक्कुसे’ व्यापारमा पूर्व मिस नेपाल अनुष्का श्रेष्ठ (भिडियो)

पौष २४ २०७७
  • 1.8K
    SHARES
  • ‘माक्कुसे’ व्यापारमा पूर्व मिस नेपाल अनुष्का श्रेष्ठ (भिडियो)

    काठमाडौं । मानिसको जीवन निर्वाहको महत्वपूर्ण पाटो आर्थिक हो । आर्थिक रुपमा सम्पन्न हुन नसके जीवन निरश बन्न सक्छ । यसर्थ हरेक व्यक्ति आर्थिक अवस्था बलियो बनाउन चाहन्छन् । यसका लागि कोही व्यापार व्यवसाय गर्छन् त कोही नोकरी । तर, नोकरीले आर्थिक सवलीकरण गर्न सक्छ भन्ने हुँदैन । यसर्थ व्यापार र व्यवसाय हरेकको रोजाइमा पर्छ । सरकारीदेखि गैरसरकारी क्षेत्रमा कार्यरत कर्मचारी पनि कहिँ न कहिँ प्रत्यक्ष वा परोक्ष रुपमा व्यापार व्यवसायमा संलग्न हुन्छन् । 

    प्रत्येक व्यक्तिको चाहना फरक हुन्छ । आफ्नो इच्छाअनुसारको क्षेत्र मानिसले रोजे पनि आर्थिक अवस्था बलियो बनाउन व्यापार र व्यवसायमा पनि संलग्न हुन्छन् । तर, कोही नेपालको नाम विश्वमा चिनाउने इच्छाले पनि अन्तर्राष्ट्रिय बजार लक्षित व्यापार व्यवसाय गर्न चाहन्छन् । यस्तै मध्येकी एक हुन्, पूर्व मिस नेपाल अनुष्का श्रेष्ठ । 

    अष्ट्रेलियामा अध्ययनसँगै बैंकमा काम गरेकी अनुष्कालाई नेपाली मिठाइ अन्तर्राष्ट्रियस्तरमा चिनाउने हुटहुटीले घच्घचाइरह्यो । सन् २०१९ को मिस नेपालको ताज पहिरिएपछि मिस वर्ल्डको प्रतिस्पर्धामा जाँदा नेपाललाई चिनाउने मात्रै होइन विदेशी चक्कलेट जस्तै नेपाली रैथान मिठाइलाई ब्राण्डको रुपमा विश्वबजारमा पु¥याउने चाहनाले मनलाई उद्धेलित गरायो । यसपछि नौ महिना अघि उनले सुरु गरिन्, ‘माक्कुसे’को व्यापार । 

    माक्कुसे अर्थात मिठोभन्दा पनि अति मिठो खानेकुरा । नेवारी शब्द रहेको माक्कुसेको अर्थ भन्न कठिन छ । तर, यसको भाव भने सबैभन्दा मिठो हो । अर्थात धेरै मिठो खानेकुरा । निकै मिठो लागेको खानेकुरा खाँदा ‘पेट अघायो मुख अघाएन’ भनेजस्तै हो । 

    जे होस्, उनले माक्कुसेको व्यापार थालिन् । माक्कुसे ’लक्जरी’ मिठाइ ब्रान्ड हो। यो ब्रान्ड अन्तर्गत गुँदपाक, पुष्टकारी र कुकिज उत्पादन हुन्छ। मौलिक रुपमा तयार पारिएको यसलाई आकर्षक प्याकेजिङ र ब्रान्डिङ गरिएको छ । जसलाई ‘लक्जरी मिठाइ’ बनाइदिएको छ। तर, यसको व्यापार थाल्नु अघि पूर्वमिस नेपाल अनुष्काले काठमाडौं उपत्यकाको विभिन्न मिठाइ पसलमा गएर जानकारी लिइन् भने घरमै पनि बनाएर सिकिन् । 

    कुनै बेला काठमाडौंबाहिर लैजाने कोशेली गुँदपाक थियो । तर, केही वर्ष अघि गुँदपाकबारे सार्वजनिक समाचारले सबै झस्कायो । र विस्तारै धेरैले यसलाई बिर्सन लागेको बेला अनुष्काले मौलिक स्वादमा स्वस्थकर तरिकाले गुँदपाक र यसबाट बनेका बस्तुलाई समेटेर माक्कुसे व्यापार थालेकी हुन् । निकै स्वादिलो रुपमा तयार गरेर गरिएको आकर्षक प्याकेजिङले नेपालबाहिर पनि स्थान पाउनेमा अनुष्का विश्वस्त छिन् । 

    आठ महिनाको बजार अध्ययनपछि नौ महिना अघिबाट ‘माक्कुसे’को व्यापार थालेकी उनले माक्कुसे पाँच परिकार रहेको जानकारी दिइन् । उनकाअनसार पुष्टकारी, रोजवाटर–पिस्ताचियो गुँदपाक, मोचा गुँदपाक, चकलेट–गुँदपाक फज कुकिज र ओट्स गुँदपाक पम्प्किन सिड कुकिज छन् । यी सबैमा नेपाली मौलिक स्वादमा रहेको अनुष्काको भनाइ छ । यी परिकार दूधबाट बनाइन्छ । र यसका लागि उनले काभ्रेको किसानसँग दूध किन्ने गरेकी छन् । 

    मानव स्वास्थ्यलाई समेत ध्यानमा राखेर बनाइएको माक्कुसे सुन्दा अलि महङ्गो लाग्ने सक्ने उनी बताउँछिन् । तर, ग्राहकको स्वास्थ्य नै पहिलो प्राथमिकता पर्ने भएकाले यसमा सम्झौता गर्न नसकिने हुँदा बजार भाउको तुलनामा अलि महङ्गो लाग्ने अनुष्काको भनाइ छ । साथै लक्कजरी ब्राण्डका कारण पनि महङ्गो जस्तो देखिएको बताएकी अनुष्काकाअनुसार माक्कुसेका मिठाइको मूल्य ६ सय ४९ देखि एक हजार दुई सय ४९ रूपैयाँसम्म पर्छ। 

    काठमाडौंको ठूलो भ¥याङमा कारखाना रहेको माक्कुसे २५ लाख लगानीमा सुरू गरेको जानकारी दिएकी अनुष्काले ग्राहकको स्वास्थ्य, मौलिक स्वाद, नेपाली कलालाई ध्यानमा राखेर बनाएको बताइन्  ।


    पौष २४, २०७७ शुक्रवार १३:०३:४३ बजे : प्रकाशित

  • सम्बन्धित विषय:

  • # अनुष्का श्रेष्ठ
  • अर्कोसमाचार

    तीन स्थानीय तहमा मात्रै वाणिज्य बैंकका शाखा खुल्न बाँकी

    जेठ १

  • 300
    SHARES
  • तीन स्थानीय तहमा मात्रै वाणिज्य बैंकका शाखा खुल्न बाँकी

    काठमाडौं - मुलुकभरका कूल ७५३ स्थानीय तहमध्ये अब तीन मात्रै स्थानीय तहमा वाणिज्य बैंकका शाखा खुल्न बाँकी रहेका छन् । सबै स्थानीय तहमा वित्तीय सेवा तथा पहुँच पु¥याउने सरकारको योजना पूरा हुन लागेको छ । 

    नेपाल राष्ट्र बैंकका अनुसार अब धादिङको रुबीभ्याली गाउँपालिका, जाजरकोटको जुनीचाँदे गाउँपालिका र बझाङको काँडा गाउँपालिकामा मात्रै वाणिज्य बैंकका शाखा खुल्न बाँकी छ । 

    केन्द्रीय बैंकले कूल ७५३ स्थानीय तहमध्ये ७५० स्थानीय तहमा (क) वर्गका वाणिज्य बैंकका शाखा विस्तार भएको जनाएको छ । विसं २०७६ को चैत मसान्तसम्मको विवरणमा भने कूल ७४६ स्थानीय तहमा मात्रै वाणिज्य बैंकका शाखा खुलेका थिए । विसं २०७७ को चैत मसान्तसम्म भने ७५० स्थानीय तहमा शाखा खुलेका छन् । 

    बाँकी रहेका स्थानीय तहमा समेत आवश्यक भौतिक पूर्वाधार, सूचना सञ्चार तथा अन्य सुरक्षाको प्रबन्ध गरेर छिट्टै वाणिज्य बैंकका शाखा खुल्ने केन्द्रीय बैंकले विश्वास लिएको थियो । 

    ग्रामीण क्षेत्रका नागरिकलाई समेत सहज रुपमा वित्तीय सेवा र पहुँच पु¥याउनका लागि नेपाल राष्ट्र बैंकले वाणिज्य बैंकहरुलाई पनि विशेष सुविधा र सुहलियत दिँदै आएको छ । 

    यस्तै गत चैत मसान्तसम्म बैंक तथा वित्तीय संस्थाको सङ्ख्या १४० रहेको छ । त्यसमध्ये २७ वाणिज्य बैंक, १८ विकास बैंक, २० वित्त कम्पनी, ७४ लघुवित्त वित्तीय संस्था र एक पूर्वाधार विकास बैंक सञ्चालनमा छन् । देशभर बैंक तथा वित्तीय संस्थाको शाखा सङ्ख्या १० हजार ५४६ पुगेको छ ।रासस  


    जेठ १, २०७८ शनिवार १७:०८:३१ बजे : प्रकाशित

    हेर्नुहोस् यस्तो छ आजको विदेशी मुद्राको विनिमयदर

    जेठ २

  • 202
    SHARES
  • हेर्नुहोस् यस्तो छ आजको विदेशी मुद्राको विनिमयदर

    काठमाडौं । आइतबार अमेरिकी डलरसहित केही देशको विनिमयदर घटबढ भएको छ ।

    आज नेपाल राष्ट्र बैंकले तोकेको विनिमयदर अनुसार एक अमेरिकी डलरको खरिददर १ सय १६ रुपैयाँ ९६ पैसा तोकिएको छ भने बिक्रिदर १ सय १७ रुपैयाँ ५६ पैसा तोकिएको छ । यस्तै एक अस्ट्रेलियन डलरको खरिददर ९० रुपैयाँ ४९ पैसा रहेको छ भने बिक्रीदर ९० रुपैयाँ ९५ पैसा रहेको छ ।

    एक साउदी रियालको खरिददर ३१ रुपैयाँ १९ पैसा तोकिएको छ भने बिक्रिदर ३१ रुपैयाँ ३५ पैसा तोकिएको छ । एक कतारी रियालको खरिददर ३१ रुपैयाँ ५६ पैसा तोकिएको छ भने बिक्रिदर ३१ रुपैयाँ ७३ पैसा तोकिएको छ । 

    एक युरोको खरिददर १ सय ४१ रुपैयाँ ६४ पैसा रहेको छ भने बिक्रीदर १ सय ४२ रुपैयाँ ३७ पैसा रहेको छ । एक मलेसिया रिंगिटको खरिददर २८ रुपैयाँ ३५ पैसा तोकिएको छ भने बिक्रिदर २८ रुपैयाँ ५० पैसा तोकिएको छ । 

    त्यस्तै कोरियन वन एक सयको खरिददर १० रुपैयाँ ३६ पैसा तोकिएको छ भने बिक्रीदर १० रुपैयाँ ४१ पैसा तोकिएको छ । एक युके पाउण्ड स्ट्रलिङको खरिददर १ सय ६४ रुपैयाँ ४५ पैसा तोकिएको छ भने बिक्रिदर १ सय ६५ रुपैयाँ २० पैसा तोकिएको छ।  

    त्यस्तै जापानी यनको खरिददर १० रुपैयाँ ६९ पैसा तोकिएको छ भने बिक्रिदर १० रुपैया ७५ पैसा तोकिएको छ ।  

    एक बहराइन दिनारको खरिददर ३ सय १० रुपैयाँ २४ पैसा तोकिएको छ भने बिक्रिदर ३ सय ११ रुपैयाँ ८३ पैसा तोकिएको छ। एक कुवेती दिनारको खरिददर ३ सय ८८ रुपैयाँ ४७ पैसा तोकिएको छ भने बिक्रिदर ३ सय ९० रुपैयाँ ४६ पैसा तोकिएको छ। 


    जेठ २, २०७८ आइतवार १०:०१:१० बजे : प्रकाशित

  • सम्बन्धित विषय:

  • # विनिमयदर
  • ह्वात्तै बढ्यो सुनको मूल्य, तोलाको कति ?

    जेठ २

  • 440
    SHARES
  • ह्वात्तै बढ्यो सुनको मूल्य, तोलाको कति ?

    काठमाडौं - आइतबार नेपाली बजारमा सुनको मूल्य बढेको छ । 

    शुक्रबार तोलाको ९१ हजार ६ रुपैयामा कारोबार भइरहेको छापावाल सुनको मूल्य आज तोलामा ९ सय रुपैयाले बढेर तोलाको ९२ हजार ५ सय रुपैयामा कारोबार भइरहेको नेपाल सुनचाँदी व्यवसायी महासंघले जनाएको छ ।  

    त्यस्तै आज तेजावी सुनको मूल्य प्रतितोला ९२ हजार रुपैयाँमा कारोबार भइरहेको थियो ।  त्यस्तै आज चाँदीको मूल्य पनि बढेर तोलाको १ हजार ३ सय ५० रुपैयामा कारोबार भइरहेको महासंघले जनाएको छ । 
     


    जेठ २, २०७८ आइतवार ११:३५:३६ बजे : प्रकाशित

  • सम्बन्धित विषय:

  • # सुनको मूल्य
  • बढ्यो पेट्रोल, डिजेल र हवाइ इन्धनको मूल्य, कुनको कति ? हेर्नुहोस्

    जेठ २

  • 642
    SHARES
  • बढ्यो पेट्रोल, डिजेल र हवाइ इन्धनको मूल्य, कुनको कति ? हेर्नुहोस्

    काठमाडौं - पेट्रोलियम पदार्थको मूल्य बढेको छ । आइतबार नेपाल आयल निगमले एक विज्ञप्ती जारी गर्दै पेट्रोलियम पदार्थको मूल्य बढाएको हो ।

    विज्ञप्ति अनुसार निगमले पेट्रोल, डिजेल, मट्टितेल र हवाई इन्धनमा लिटरमा दुई दुई रुपैयाँ बढाएको हो । 

    अब पेट्रोल लिटरको १ सय २३ रुपैयाँ र डिजेल, मट्टितेल लिटरको १०६ रुपैयाँ कायम भएको छ । यस्तै आन्तरिक हवाइ इन्धनको मूल्य लिटरको ७८ रुपैयाँ कायम भएको छ । 

    खाना पकाउने एलपी ग्याँसको मूल्य भने यथावत रहेको छ ।  यो मूल्य आइतबार राती १२ बजेबाट लागू हुनेछ।   

    petr.jpg


    जेठ २, २०७८ आइतवार २०:५२:५० बजे : प्रकाशित

  • सम्बन्धित विषय:

  • # पेट्रोलियम पदार्थ
  • बढ्यो युके पाउण्ड र कुवेती दिनारको भाउ, हेर्नुहोस् कुन देशको विनिमयदर कति ?

    जेठ ३

  • 186
    SHARES
  • बढ्यो युके पाउण्ड र कुवेती दिनारको भाउ, हेर्नुहोस् कुन देशको विनिमयदर कति ?

    काठमाडौं । सोमबार अमेरिकी डलरको भाउ स्थिर रहेको छ भने अन्य देशको विनिमयदर केही घटबढ भएको छ ।

    आज नेपाल राष्ट्र बैंकले तोकेको विनिमयदर अनुसार एक अमेरिकी डलरको खरिददर १ सय १६ रुपैयाँ ९६ पैसा तोकिएको छ भने बिक्रिदर १ सय १७ रुपैयाँ ५६ पैसा तोकिएको छ । यस्तै एक अस्ट्रेलियन डलरको खरिददर ९० रुपैयाँ ९२ पैसा रहेको छ भने बिक्रीदर ९० रुपैयाँ ३९ पैसा रहेको छ ।

    एक साउदी रियालको खरिददर ३१ रुपैयाँ १९ पैसा तोकिएको छ भने बिक्रिदर ३१ रुपैयाँ ३५ पैसा तोकिएको छ । एक कतारी रियालको खरिददर ३१ रुपैयाँ ६१ पैसा तोकिएको छ भने बिक्रिदर ३१ रुपैयाँ ७८ पैसा तोकिएको छ । 

    एक युरोको खरिददर १ सय ४२ रुपैयाँ १ पैसा रहेको छ भने बिक्रीदर १ सय ४२ रुपैयाँ ७४ पैसा रहेको छ । एक मलेसिया रिंगिटको खरिददर २८ रुपैयाँ ३५ पैसा तोकिएको छ भने बिक्रिदर २८ रुपैयाँ ५० पैसा तोकिएको छ । 

    त्यस्तै कोरियन वन एक सयको खरिददर १० रुपैयाँ ३८ पैसा तोकिएको छ भने बिक्रीदर १० रुपैयाँ ४४ पैसा तोकिएको छ । एक युके पाउण्ड स्ट्रलिङको खरिददर १ सय ६४ रुपैयाँ ९४ पैसा तोकिएको छ भने बिक्रिदर १ सय ६५ रुपैयाँ ७९ पैसा तोकिएको छ।  

    त्यस्तै जापानी यनको खरिददर १० रुपैयाँ ७० पैसा तोकिएको छ भने बिक्रिदर १० रुपैया ७५ पैसा तोकिएको छ ।  

    एक बहराइन दिनारको खरिददर ३ सय १० रुपैयाँ २५ पैसा तोकिएको छ भने बिक्रिदर ३ सय ११ रुपैयाँ ८४ पैसा तोकिएको छ। एक कुवेती दिनारको खरिददर ३ सय ८८ रुपैयाँ ७० पैसा तोकिएको छ भने बिक्रिदर ३ सय ९० रुपैयाँ ६९ पैसा तोकिएको छ। 


    जेठ ३, २०७८ सोमवार १०:३९:१३ बजे : प्रकाशित

  • सम्बन्धित विषय:

  • # विनिमयदर
  • फेरि बढ्यो सुनको मूल्य, तोलाको कति ?

    जेठ ३

  • 178
    SHARES
  • फेरि बढ्यो सुनको मूल्य, तोलाको कति ?

    काठमाडौं - सोमबार पनि नेपाली बजारमा सुनको मूल्य बढेको छ । आइतबार तोलामा ९ सय रुपैयाले बढेको सुनको मूल्य आज तोलामा ३ सय रुपैयाले बढेको हो । 

    आइतबार तोलाको ९२ हजार ५ रुपैयामा कारोबार भइरहेको छापावाल सुनको मूल्य आज तोलामा ३ सय रुपैयाले बढेर तोलाको ९२ हजार ८ सय रुपैयामा कारोबार भइरहेको नेपाल सुनचाँदी व्यवसायी महासंघले जनाएको छ ।  

    त्यस्तै आज तेजावी सुनको मूल्य प्रतितोला ९२ हजार ३ सय रुपैयाँमा कारोबार भइरहेको थियो ।  त्यस्तै आज चाँदीको मूल्य पनि बढेर तोलाको १ हजार ३ सय ५५  रुपैयामा कारोबार भइरहेको महासंघले जनाएको छ । 
      


    जेठ ३, २०७८ सोमवार ११:४०:१० बजे : प्रकाशित

  • सम्बन्धित विषय:

  • # सुनको मूल्य