जेठ ११, २०७९ बुधबार | Wed May 25 2022

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

सीताको स्वास्थ्य अवस्था बुझ्‍न ओलीले गरे प्रचण्डलाई फोन, पौडेल र नेम्वाङ पुगे मेडिसिटी अस्पताल



काठमाडौं । नेकपा अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच टेलिफोनमा कुराकानी भएको छ । संसद विघटन भएको १० दिनपछि  उनीहरुबीच कुराकानी भएको हो ।  

स्वास्थ्यमा खराबी आएपछि प्रचण्डकी पत्नी सीता दाहाल बुधबार ललितपुरस्थित मेडिसिटी अस्पताल भर्ना भएकी छन् ।  उनको स्वास्थ्य अवस्था बुझ्न प्रधानमन्त्री ओलीले प्रचण्डलाई फोन गरेका हुन् ।

sita.jpg 

प्रधानमन्त्री ओलीले प्रचण्डसँग सीताको स्वास्थ्य अवस्थाबारे जानकारी लिएको जनाइएको छ । प्रधानमन्त्री ओलीले टेलिफोनमा आफ्नो तर्फबाट स्वास्थ्य लाभको कामना गरेका छन् । संसद विघटन भएपछि दुईबीच कुनै कराकानी भएको थिएन । 

प्रधानमन्त्रीले आफ्नो तर्फबाट स्वास्थ्यस्थिति बुझ्न अर्थमन्त्री बिष्णु पौडेल र पूर्वसभामुख सुवासकुमार नेम्वाङलाई मेडिसिटी अस्पताल पठाएको जनाइएको छ । 

1609318647-W0r4T.jpg

 

प्रकाशित मिति : पुस १५, २०७७ बुधबार  २ : ५० बजे