आश्विन १५, २०७९ शनिबार | Sat Oct 1 2022

नेप्से परिसूचक ९.८४ अङ्कले गिरावट



काठमाडौँ– बुधवार ११ अङ्कले बढेको नेप्से परिसूचक बिहीवार भने ९ अङ्कले घटेको छ ।

आज नेप्से परिसूचक ९.८४ अङ्कले घटेर १८३८.९६ बिन्दुमा झरेको हो । त्यस्तै, सेन्सेटिभ इण्डेक्स ०.४ अङ्कले घटेको छ भने फ्लोट इण्डेक्स ०.५४ अङ्क र सेन्सेटिभ फ्लोट इण्डेक्स ०.५२ अङ्कले घटेको छ ।

कारोबारमा आएको २२९ कम्पनीको २५ लाख ४२ हजार ८९९ कित्ता शेयर दिन ६५ करोड ५७ लाख पाँच हजार १६९ रुपियाँ बराबरको कारोबार भएको छ । बुधवार ७२ करोड बराबरको कारोबार भएको थियो ।

आज नेप्सेका १३ वटै उपसमूहको सूचक नकारात्मक देखिएका छन् । जसमा फाइनान्स र माइक्रोफाइनान्स उपसमूहको सूचक १ प्रतिशतभन्दा धेरैले घटेको छ ।

नेप्से परिसूचक घटे पनि बिहीवार सामलिङ्ग पावरको शेयर मूल्य ९.९८ प्रतिशतले बढेको छ । त्यस्तै, अपर हेवाखोला हाइड्रोपावरको २.८७ प्रतिशत र वरुण हाइड्रोपावरको २.१६ प्रतिशतले बढेको छ । तर यता विन्द्यवासिनी हाइड्रोपावरको शेयरमूल्य ५.२६ प्रतिशतले घटेको छ । आज नबिल बैंकको सबैभन्दा धेरै २ करोड ५८ लाख रुपियाँको शेयर कारोबार भएको छ ।

प्रकाशित मिति : आश्विन ६, २०७९ बिहीबार  ४ : ३३ बजे