आश्विन ९, २०७९ आइतबार | Mon Sep 26 2022

महिलाहरुको प्रदर्शनमा तालिवान लडाकुले चलाए गोली



काठमाडौँ – तालिवान सत्ताको विरोधमा अफगानिस्तानको राजधानी काबुलमा अफगान महिलाहरुले विशाल प्रदर्शन गरेका छन् । महिला प्रदर्शनकारीलाई तितरबितर पार्न तालिबान लडाकुहरुले शनिबार हवाई फायर गरेका छन् ।

‘रोटी, काम र स्वतन्त्रता’ भन्दै महिलाहरु काबुलको शिक्षा मन्त्रालयको भवन अगाडि प्रदर्शनमा उत्रिएका थिए । महिलालाई तालिबान लडाकुहरुले कुटपिट समेत गरेका थिए ।

तालिबानले सत्तापलट गरेको वार्षिकीको पूर्व सन्ध्यामा महिलाले प्रदर्शन गरेका थिए । तालिबानले १५ अगस्टमा अफगान सत्ता कब्जा गरेका थिए । त्यसयता उनीहरुले महिलाहरुका अधिकार कटौती गरेका छन् ।

प्रकाशित मिति : श्रावण २८, २०७९ शनिबार  ३ : १६ बजे