भाद्र १, २०७९ बुधबार | Thu Aug 18 2022

मधेश आन्दोलन र जनयुद्धका शहीद परिवारलाई मासिक १२ हजार रुपैंयाँ



जनकपुरधाम – मधेश आन्दोलन र जनयुद्धका क्रममा शहीद भएकाको परिवारलाई भरणपोषणबापत मधेश प्रदेश सरकारले आर्थिक सहयोग प्रदान गर्ने भएको छ । शहीद परिवारको भरणपोषणबापत प्रदेशको गृह तथा सञ्चार मन्त्रालयले मधेशी शहीद प्रतिष्ठानमार्फत शहीद परिवारलाई मासिक रु १२ हजारका दरले आर्थिक सहयोग प्रदान गर्न लागेको हो ।

यस्तै शहीद परिवारका छोराछोरीलाई निःशुल्क पठनपाठनका लागि छात्रवृत्तिसमेत दिन लागिएको मन्त्रालयका सचिव रामकुमार महतोले जानकारी दिए । ‘‘शहीद परिवारको भरणपोषण तथा छात्रवृत्तिका लागि आवेदन दिन हामीले सूचना जारी गरेका छौं’, उनले भने, ‘यसका लागि प्रदेश सरकारले यस वर्ष एक करोड विनियोजन गरेको छ, अब कतिको संख्यामा आवेदन आउँछ त्यही हिसाबले हामी रकम वितरण गर्छाँै तर कार्यविधिमा रु २१ हजारसम्म दिने भनिएको छ, निवेदन कतिको संख्यामा आउँछ त्यही अनुसार रकम घटबढ पनि हुनसक्छ ।’

शहीद परिवारको छोराछोरीलाई कक्षा १ देखि ६ सम्मलाई रु १६ हजार र कक्षा ७ देखि १२ सम्मलाई रु १८ हजार एकमुष्ट वार्षिक रुपमा छात्रवृत्ति दिन लागिएको सचिव महतोले बताएड ।

प्रदेश सरकारको भरणपोषण तथा छात्रवृत्तिसम्बन्धी कार्यविधि २०७९ को दफा (६) बमोजिम मधेश आन्दोलन तथा जनयुद्धमा शहीद भएका परिवारमध्ये आर्थिक अवस्था कमजोर भएको परिवारलाई पहिलो प्राथमिकतामा राखी भरणपोषण बापत आर्थिक सहयोग उपलब्ध गराउने निणर्य भएको मन्त्रालयले जनाएको छ ।

प्रकाशित मिति : असार १६, २०७९ बिहीबार  ११ : ५१ बजे