श्रावण २८, २०७९ शनिबार | Sat Aug 13 2022

ल्यापटप खरिद गर्नुभन्दा अगाडि ध्यान दिनुपर्ने  कुराहरू



काठमाण्डौ– पछिल्लो समय हामीलाई प्रयाजसो हरेक कार्यको लागी प्रविधिको आवश्यकता पर्ने गर्दछ । आजकाल अफिसियल कार्यमा होस अथाव शिक्षाको लागी होस प्रविधिको प्रयोग गरिन्छ । मानिससँग जति सुकै महँगो र धेरै सुविधा भएको स्मार्टफोनहरू भएपनि ल्यापटपको प्रयोग भने घटेको छैन थप बढ्दै गएको देखिन्छ

अफिसियल कामका लागी होस अथवा विद्यालयको परियोजना कार्यको लागी होस जुनसुकै कार्यको लागी पनि उपयुक्त हुने भएकाले यसको आवश्यकता बढ्दै गएको छ । ठुलो स्क्रिन हुने बोकेर हिड्न सकिने र जुनसुकै ठाँउमा पनि काम गर्न सकिने भएकाले पनि ल्यापटप प्रयोगकर्ताहरूको संख्या बढ्दै गएको हो । तर कतिपय अवस्थामा मानिसहरू ल्यापटप खरिद गर्दा कस्तो र कुन ब्रान्डको ल्यापटप खरिद गर्ने भन्नेबारे अन्योलमा पर्ने गर्दछ । 

ल्यापटप प्रयोगकर्ताहरु कुनै ल्यापटप पसलमा गएपछि त्यहाँ धेरै प्रकारका ल्यापटप देखाउन्छन् । ति ल्यापटप मध्ये तपाईंको लागी कुन उपयुक्त हो भनेर छुट्याउनु एक प्रकारको चुनौति नै हो । त्यसकारण ल्यापटप खरिद गर्नु भन्दा अगाडि ल्यापटपमा तपाई कस्ता सुविधाहरू होस भन्ने चाहनु हुन्छ आफ्नो आवश्यकता के हो पत्ता लगाउनु पर्छ । त्यसका लागी तपाईंले केही कुराहरूमा विशेष ध्यान दिनु जरुरी छ । जसले तपाईँलाई आफूले खोजेको जस्तो ल्यापटप खोज्न मद्दत गर्नेछ । 

आफ्नो बजेट निर्धारण 

सबैभन्दा महत्वपूर्ण पक्ष भनेको कति बजेटको ल्यापटप खरिद गर्ने हो । आफूसँग कति पैसा छ र ल्यापटपका लागि कतिसम्म खर्च गर्न सक्दछ भन्ने विषयमा आफू सुरुमै स्पष्ट भएको खण्डमा बजारबाट खरीद गर्ने ल्यापटपका विकल्पहरू छनोट गर्न सजिलो हुन्छ । यसले तपाईँलाई आफूले खरीद गर्ने ल्यापटपबाट राखिएका अपेक्षाहरू सुरुबाटै निश्चित गर्नमा पनि सहयोग मिल्छ ।

यद्यपि, सस्तो मूल्यका ल्यापटपहरुमा टचस्क्रिन, ब्याकलिट किबोर्ड, युएसबी सी पोर्ट तथा उच्च स्पीडयुक्त एसएसडी नहुन सक्दछ । कम मूल्यका ल्यापटपहरु आकारमा ठूलो तथा तौल पनि बढी हुन सक्दछ । तर यदि तपाईँसँग ल्यापटप खरिदका लागि बजेट नै सीमित छ भने तपाईले यस्ताखाले सुपथ मूल्यका ल्यापटप पनि खरिद गर्नसक्नु हुनेछ । 

तर यदि तपाईंले विशेष खालका फिचरहरुयुक्त ल्यापटप जस्तै कम वजन, स्टाइल, हाई सेटिंग्समा विभिन्न गेम खेल्न मिल्ने ल्यापटप खरीद गर्न चाहनुहुन्छ भने यसका लागि बढी मूल्य तिर्नुपर्ने हुन्छ । सामान्य अफिस तथा स्कुल प्रयोगजनका लागि, सामान्य इन्टरनेट चलाउन तथा हल्का मनोरञ्जनको प्रयोजनका लागि मात्रै ल्यापटप किन्दै हुनुहुन्छ भने मध्यम मूल्यका ल्यापटप उपयुक्त हुन्छन् । 

खरिद गर्न लागेको ल्यापटपको स्पेस कति छ छनोट गर्ने 

तपाईंले ल्यापटप खरीद गर्दा सन्तुलन मिलाउनै पर्ने केही प्यारामिटरहरु हुन्छन् । ल्यापटपको सीपीयु, जीपीयु, र्याम र स्टोरेज सबैभन्दा महत्वपूर्ण पक्षहरु हुन् । सीपीयुको कुरा गर्दा धेरै कुराहरूमा ध्यान दिनु पर्दछ । ल्यापटप बजारमा अधिकांस इन्टेलको सीपीयुयुक्त ल्यापटप नै पाइन्छन्, तर यदि एएमडीको सीपीयु भएका ल्यापटप पनि राम्रै गुणस्तरका हुन्छन् । एएमडीको राइजेन सिपियु शक्तिशाली हुनुका साथै बढि तात्दैन पनि ।

सीपीयुमा तपाईंले विभिन्न जेनेरेसन पाउन सक्नुहुन्छ । ल्यापटपको सिपियुका लागि पछिल्लो जेनेरेसन भने ८ औँ जेनेरेस हो । निश्चित रुपमा पुस्ता जति नयाँ भयो त्यति नै ल्यापटप गुणस्तरीय र महंगो हुन्छ । तर केही राम्रो गुणस्तरका पूरानो जेनेरेसनको सीपीयु भएका ल्यापटपका मोडेल पनि पाउन सक्नुहुन्छ । आफ्नो बजेट तथा आवश्यकता हेरिकन तपाईंले नयाँ भर्सन हेर्नु उपयुक्त हुन्छ ।

ग्राफिक्सका लागि अधिकांश ल्यापटपमा इन्टेलको इन्टिग्रेटेड जीपीयु हुन्छ । गेमिंग ल्यापटपका लागि उच्च मूल्यको सीपीयु भन्दा उच्च मूल्यको जिपियू प्रभावकारी हुन्छ ।

ल्यापटपमा र्याम छनोट गर्दा खासै धेरै विकल्पहरू हुँदैनन् । सस्तो मूल्यका ल्यापटपमा ४ जिबी र्याम पनि हुने भएतापनि आम प्रयोगका लागि ८ जिबीको र्याम भएका ल्यापटप किन्नु राम्रो हुन्छ । त्यस्तै गेमिंग ल्यापटपका लागि १६ जिबी र्याम उपयुक्त हुन्छ ।

त्यस्तै ल्यापटपको स्टोरेजको हकमा सुपथ मूल्यका ल्यापटप हार्ड ड्राइभ स्टोरेजयुक्त हुन्छन् भने पछिल्लो मोडेलका तथा महंगा ल्यापटपहरुमा स्टोरेजका लागि सोलिड स्टेट ड्राइभ अर्थात् एसएसडी हुन्छ । हार्ड डिस्क भन्दा एसएसडी भएका ल्यापटप फास्ट हुनुका साथै उच्च क्षमतायुक्त हुन्छन् 

त्यसैले ल्यापटप खरीद गर्दा सकेसम्म धेरै र्याम र स्टोरेज क्षमताको ल्यापटप किन्नु पर्दछ । त्यस्तै ल्यापटप खरीद गर्दा वाइफाइ भर्सन, ब्याट्री क्षमता तथा ब्याट्री लाइफ र वेबक्याममा पनि ध्यान दिनुपर्दछ ।

ल्यापटपको साइज र वजनको बारेमा बुझ्ने

ल्यापटप साधारणतया स्क्रिनको साइज अनुसार वर्गीकरण गरिएका हुन्छन् । जसमा ११ इन्चदेखि १५ तथा १७ इन्चको स्क्रिन सम्मका ल्यापटप बजारमा प्रयाजसो पाइन्छन् । बजारमा स्लिम, हलुका तथा उच्च मूल्यका अधिकांश ल्यापटहरु १३ इन्च स्क्रिन मोडेलका हुने गरेका छन् । त्यस्तै अधिकांश सुपथ मूल्यका ल्यापटपहरु १५ इन्च स्क्रिन भएका हुने गरेका छन् । 

तपाईले ल्यापटप खरीद गर्दा सकेसम्म फूल एचडी अर्थात् १९२० गुणा १०८० स्क्रिन रिजोलुशन भएका ल्यापटप खरीद गर्नु राम्रो हुन्छ । उच्च मूल्यका ल्यापटपमा फोर को रिजोलुसन युक्त स्क्रिन पनि सामान्य भैसकेका छन् । गेमिंग ल्यापटपमा भने स्क्रिन रिजोलुसन धेरै हुँदैन ।

ल्यापटप किन्दा जति स्लिम र हलुका भयो त्यति नै धेरै मूल्य पर्दछ भन्ने पनि होइन । ल्यापटपको स्पेसिफिकेसन महत्वपूर्ण हुन्छ । कतिपय मोडेलमा ल्यापटपलाई हलुका बनाउनका लागि कमजोर प्रोसेसर पनि राखिएको हुन्छ । 

यस चरणमा तपाईंले यो कुराको पनि निधो गर्नुपर्ने हुन्छ कि तपाईंले सामान्य खालको ल्यापटप किन्दै हुनुहुन्छ कि टू इन वान ल्यापटप किन्दै हुनुहुन्छ जुन ट्याबलेटको रुपमा पनि प्रयोग गर्न सकियोस् । यदि तपाई डेस्कमा वा काखमा राखेर चलाउने हो भने सामान्य खालको ल्यापटप नै ठिक हुन्छ । तर पढ्नका लागि यताउता लगिरहनुपर्ने, स्टाइलसले स्क्रिनमा स्केच गर्ने वा नोट लेख्नुपर्ने, टच अप्टिमाइज्ड गेम खेल्ने आदिका लागि चाहीँ टू इन वान मोडेल छनोट गर्नु उपयुक्त हुन्छ ।

ल्यापटप खरिद गर्नु भन्दा पहिला आफैले चलाएर हेर्नुहोस् 

ल्यापटप, मोबाइल जस्ता चिजहरु अनलाइनमा खरीद गर्दा कहिलेकाहीँ ठगिने गरेका घटना पनि सुनिन्छन् । त्यसैले ल्यापटप किन्दा पसलमा गएर आफैले हेरेर र चलाएर किन्नु राम्रो हुन्छ । यसो गर्दा तपाईँलाई ल्यापटप छनोटमा धेरै विकल्प प्राप्त हुनेमात्र होइन आफूले चाहेको र मूल्य तिरेको ल्यापटप नै खरीद गर्न सक्नुहुन्छ । किन्नु अगाडि ल्यापटप खोलेर चलाउँदा तपाईंले त्यसको क्षमता तथा फिचरहरुको वास्तविक अनुभव गर्न सक्नुहुन्छ । साथै ल्यापटपको मेटेरिएलको गुणस्तरका साथै ल्यापटपको तौल पनि आफैले परीक्षण गर्न सक्नुहुन्छ ।

ल्यापटप किन्न जानु अगाडि तपाईंले आफूले किन्न चाहेको मोडेलहरुको बारेमा अनलाइनबाटै स्पेसिफिकेसन, ग्राहकहरुको पृष्ठपोषण र विज्ञहरुको समीक्षा पढ्न सक्नुहुन्छ । 

प्रकाशित मिति : जेठ १८, २०७९ बुधबार  ४ : २९ बजे