सिर्जनाभन्दा पछि परे स्थापित, बालेनको अग्रता कायमै

काठमाडौँ– काठमाडौँ महानगरपालिकामा मेयरका स्वतन्त्र उम्मेदवार वालेन्द्र साह (बालेन) ले आफ्नो अग्रता बढाउँदै लैजाँदा उनलाई पछ्याइरहेका एमालेका उम्मेदवार केशव स्थापित भने तेस्रो नम्बरमा झरेका छन् ।

स्थापितलाई २९१ मतले उछिन्दै नेपाली कांग्रेसकी उम्मेदवार सिर्जना श्रेष्ठ दोस्रो नम्बरमा पुगेकी छन् । श्रेष्ठले २१ हजार २९९ मत प्राप्त गरेकी छन् । स्थापितले भने २१ हजार ८ मत प्राप्त गरेका छन् ।

निरन्तर अग्रता बनाइरहेका साहले भने ३८ हजार ३३३ मत प्राप्त गरेका छन् । श्रेष्ठसँग साहको १७ हजार ३४ मतान्तर छ भने स्थापित १७ हजार ३२५ मतले पछाडि छन् ।

काठमाडौँ महानगरको ९० हजार बढी मतगणना सम्पन्न भएको जानकारी दिइएको छ ।

उपमेयरमा भने एमालेकी उम्मेदवार सुनिता डंगोलले ठूलो मतान्तरका साथ अग्रता लिएकी छन् ।

उनले २६ हजार ५७५ मत ल्याउँदा एकीकृत समाजवादीका उम्मेदवार रामेश्वर श्रेष्ठले ८ हजार ५९१ मत प्राप्त गरेका छन् ।