जेठ १४, २०७९ शनिबार | Sat May 28 2022

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

यी देशमा समालेर राखिन्छ शिशुको गर्भनाल, यस्ता छन् अनौठो परम्परा



कुनै पनि परिवारमा शिशुको जन्म हुनु निकै खुसीको क्षण मानिन्छ । घरमा नयाँ सदस्यको जन्म भएपछि मानिसहरु अनेकौं प्रकारले आफ्नो खुसी साटासाट गर्दछन् । यसका लागि विश्वभरमा अनेकौं प्रकारले यो खुसी बाड्ने गरिन्छ । आज हामी शिशुको जन्मसंग जोडिएको केही अनौठो परम्पराका बारेमा चर्चा गर्नेछौँ ।

चीनमा शिशुको जन्म भएपछि ३० दिनसम्म आमालाई परिवारभन्दा अलग्गै बस्नु पर्ने हुन्छ । यो ३० दिनमा नयाँ आमाले घरबाट बाहिर निस्कन र काचोँ फल खान पाउदिनन् । यतिमात्र होइन आमाले यो ३० दिनमा नुहाउन समेत पाउदिनन् । चीनीयाँ भाषामा यसलाई जुओ युइज्की भनिन्छ । यो परम्पराको इतिहास २ हजार बर्ष पुरानो छ ।

इण्डोनेशियाको टापु बालीमा शिशु जन्मिएपछि ३ महिनासम्म भुईं छून दिइदैन । यतिमात्र होइन शिशुले जन्मको तिन महिनासम्म कुनै पनि हालतमा खाली भुई छुन पाउदैनन् । यो ३ महिनाको समयमा आमाले बच्चालाई कि त काखमा कि त ओच्छ्यानमा मात्र राख्नु पर्दछ ।

नाइजीरिया र घानामा शिशुको गर्भनाललाई अर्को सन्तानको रुपमा मानेर यसको अन्त्य गर्दा शोक मनाउने गरिन्छ । अफ्रिकन देशमा गर्भनाललाई शिशुको जुम्ल्याहा भाइबहिनी मानिन्छ । साथै यसलाई पुरै विधिपूवर्क एक रुख मुनि अन्त्येष्टि गरिन्छ ।

जापानमा समेत शिशुको गर्भनालको निकै महत्व रहेको छ । मान्यता अनुसार गर्भनाल आमासँग जोडिएको एक प्रतीक हो । तसर्थ यसलाई सम्मान गर्नु पर्दछ । यसै कारणले शिशु जन्म पश्चात गर्भनाल नफ्याकी यसलाई सम्मानपूर्वक डब्बा बन्द गरेर राखिन्छ । जापानी भाषामा यसलाई हेसो नो ओ भनिन्छ ।

प्रकाशित मिति : बैशाख ३१, २०७९ शनिबार  ९ : ४० बजे