जेठ १५, २०७९ आइतबार | Sun May 29 2022

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

युएईमा पक्राउ परेका पत्रकार पाण्डे रिहा



काठमाडौँ– संयुक्त अरब इमिरेट्स (युएई) मा पक्राउ परेका पत्रकार उमाकान्त पाण्डे रिहा भएका छन् । ८७ दिनदेखि अबुधावीस्थित केन्द्रीय कारागार रहेका उनी आज (शुक्रबार) रिहा भएको नेपाल पत्रकार महासंघका महासचिव रोसन पुरीले जानकारी दिए ।

युएईस्थित नेपाली दूतावासबारे फेसबुकमा टिप्पणी गरेको आरोपमा पाण्डेविरुद्ध दूतावासले नै युएई प्रहरीमा उजुरी गरेको थियो । पाण्डेको रिहाइका लागि नेपाल पत्रकार महासंघले नेपाल सरकारका विभिन्न निकाय र प्रेस तथा अभिव्यक्ति स्वतन्त्रताको पक्षमा काम गर्ने राष्ट्रिय तथा अन्तर्राष्ट्रिय निकायसँग पहल गरेको थियो ।

प्रेस तथा अभिव्यक्ति स्वतन्त्रताको पक्षमा निरन्तर लाग्ने अन्तर्राष्ट्रिय पत्रकार महासंघ (आइएफजे), आरएसएफ, युएई पत्रकार संघ, आइएफजे मिडिलिष्टलगायतले पाण्डेको रिहाइका लागि सहयोग गरेको महासंघका महासचिव पुरीले बताए ।

महासंघले युएई प्रहरीमा दूतावासले गरेको उजुरी, पाण्डेका विषयमा अदालतको फैसला, अदालतलाई नेपाली दूतावासको तर्फबाट लेखिएको पत्रलगायतका महत्वपूर्ण कागजात प्राप्त गरेपछि नेपाल सरकारलाई दबाब परेको थियो ।

कागजात महासंघलाई उपलब्ध गराउने विभिन्न अन्तर्राष्ट्रिय संघसंस्थाप्रति महासंघले धन्यवाद ज्ञापन गरेको छ । साथै उक्त घटनामा संलग्न दूतावास र परराष्ट्र मन्त्रालयका अधिकारीलाई तत्काल कारबाही हुनु पर्नेसमेत महासंघले माग गरेको छ ।

रिहा भएपछि फोन गरेर पाण्डेले महासंघलगायत आफ्नो रिहाइका लागि पहल गर्ने सबै व्यक्ति, संघसंस्थालाई धन्यवाद दिएको महासचिव पुरीले जानकारी दिए ।

प्रकाशित मिति : बैशाख ३०, २०७९ शुक्रबार  ६ : ५० बजे