जेठ १४, २०७९ शनिबार | Sun May 29 2022

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

प्ले अफमा पुग्ने पहिलो टिम बन्यो गुजरात



काठमाडौँ– गुजरात टाइटन्स इन्डियन प्रिमियर लिग (आईपीएल) टी-ट्वान्टी क्रिकेटको प्ले अफमा प्रवेश गर्ने पहिलो टिम बनेको छ ।

पुनेमा मंगलबार राति लखनउ जाइन्ट्सलाई ६२ रनले हराउँदै गुजरात पहिलो टिमको रुपमा प्ले अफमा पुगेको हो ।

यस्तै गुजरात अंक तालिकाको शीर्ष स्थानमा उक्लिएको छ ।

गुजरातले दिएको १ सय ४५ रनको लक्ष्य पछ्याएको लखनउ १३ ओभर ५ बलमा अलआउट हुँदै ८२ रनमा समेटियो ।

लखनउका दिपक होडाले २७ रन जोड्दा क्विन्टन डी ककले ११ रन जोडे । गुजरातका राशिद खानले ४ तथा यश ड्याल र साई किशोरले २/२ विकेट लिए ।

यस अघि पहिले ब्याटिङ गरेको गुजरातले २० ओभरमा ४ विकेट गुमाएर १ सय ४४ रन जोडेको थियो ।

गुजरातका शुबमन गीलले अविजित रहदै ६३ रनको अर्धशतकीय इनिङ खेले । डेभिड मिल्लरले २६ तथा राहुल टेवाटियाले अविजित २२ रन बनाए ।

लखनउका आभेश खानले २ विकेट लिए ।

जितसँगै गुजरातले १२ खेलमा १८ अंक जोडेको छ भने लखनउ १२ खेलमा १६ अंक जोडेर दोस्रो स्थानमा झरेको छ ।

प्रकाशित मिति : बैशाख २८, २०७९ बुधबार  ६ : १२ बजे