कतारमा प्रवासीहरूका लागि बनाइएको विलासी कृत्रिम टापुमा बस्ने बेलायती नागरिक सिओभान टुली कतारले पृथ्वीमा अवस्थित मानवद्वारा निर्मित एउटा छुट्टै दुनियाको महसुस गराउने गरेको बताउँछन् ।
यहाँ विशेष कालीगद्वारा बनाइएका ठाउँहरूलाई हेर्दा एक प्रकारको छुट्ट आनन्दको अनुभुती हुने गरेको उनको अनुभव छ । उनी भन्छन्, ‘यहाँका सडकहरूले खाडी देशको सट्टा भूमध्यसागरको युरोपेली भाग जस्तो महसुस गराउँछ ।’
यहाँ कतारका नागरिक भन्दा धेरै विदेशी नागरिक भेटिन्छन् । प्रायः पश्चिमी शैलीमा लुगा लगाएका मानिसहरु यहाँका सडक, क्याफेहरू र बिस्ट्रो–शैलीका रेस्टुरेन्टहरूमा भेट्टाउन सकिन्छ । यहाँका मानिसहरू लक्जरी भिला वा अपार्टमेन्ट ब्लकहरूमा बस्छन् ।
त्यस्तै कतारको सौन्दर्यलाई थप सुन्दर बनाउँछ ला पर्लाले, यो कतारको प्रमुख निर्माण कम्पनी हो । यो एउटा कृत्रिम टापु हो, जसलाई मानिसले बनाएको हो र यसका लागि ४० लाख वर्गमिटर समुद्री क्षेत्र प्रयोग गरिएको छ । यो युनाइटेड डेभलपमेन्ट संयुक्त विकास कम्पनीको प्रमुख परियोजना हो ।
यो कतारको पहिलो यस्तो सहरी परियोजना हो, जसमा कतार बाहिरका मानिसहरूले पनि घरजग्गा खरिद गर्न सक्नेछन् । यहाँ २५ हजार आवासीय एकाइहरू छन् । हाल यहाँ ३३ हजार मानिसहरु बस्छन् ।
यहाँ एउटा घरको लागत ३ लाख डलर पर्न जान्छ । यो क्षेत्र आकाशबाट हेर्दा मोती जस्तो देखिन्छ । त्यहाँ धेरै रेस्टुरेन्ट र विलासी होटलहरू, सपिङ मलहरू, बार र सिनेमा घर छन् । कतारमा जारी विश्वकपमा सहभागी अमेरिकी टोली यीमध्ये एउटा विलासी होटलमा बसेको छ ।
सिओभान र इयान टुली एक बेलायती जोडी हुन्, जो सात वर्षदेखि कतारमा बस्दै आएका छन् । उनले आफनो साढे ६ वर्ष ला पर्लामा बिताए । उनी भन्छन्, ‘हामी सुरुमा आउँदा यहाँ कुनै पनि सेवा उपलब्ध थिएन । तर छोटो समयमा यहाँ रेस्टुरेन्ट, क्याफे र व्यवसाय फस्टाएको छ ।’
राजधानी दोहा एउटा यस्तो आधुनिक सहर हो, जहाँ सडक धेरै लेनहरूले जोडिएको छ । तर यहाँका हरेक कुरा सोचे जस्तो सुन्दर पनि नभएको होइन । सिओभान भन्छन् ‘यहाँ सबैभन्दा नराम्रो कुरा भनेको लगातार ड्रिलिङ हो । जताततै निर्माण भइरहेको हुन्छ । यहाँ विशेषगरी अस्पताल र विद्यालय नभएको गुनासो गरेका छन् । अहिले यहाँ ठूलो अस्पताल बनिरहेको छ ।
