विज्ञापनको लागी
news.canadanepal@gmail.com
९८५१०६७८९५ LOGIN TO CANADA NEPAL Contact Us
२१ मंसिर २०७९,बुधबार
समाज

प्रहरीको बर्दी लगाएर सुन लुट्ने ६ जना पक्राउ

९ मंसिर २०७९,शुक्रबार
प्रहरीको बर्दी लगाएर सुन लुट्ने ६ जना पक्राउ

काठमाडौँ— काठमाडौं महानगरपालिका१८ नरदेवीस्थित सुन बनाउने कारखानाबाट १० तोला सुन लुट्ने ६ जना पक्राउ परेका छन्।

प्रहरी हवल्दारको बर्दी लगाएर उनीहरुले सुनका गहना बनाउने कारखानामा लुटपाट गरेका थिए। भारत घर भएका ३२ वर्षीय सेख मुस्तफा अली र ४५ वर्षीय गौतम माझीले न्युरोडमा सुनका गहना बनाउने कारखाना सञ्चालन गरिरहेका थिए। 

चुनावको पूर्वसन्ध्यामा धादिङ घर भई हाल गैरीगाउँ बस्ने  २८ मनिला तामाङ, सुमन राईसहित मिलेर पेस्तोल देखाई डर धम्की दिएर सुनका गहना बनाउने कारखाना लुटेका थिए। 

जिल्ला प्रहरी परिसरका प्रवक्ता दिनेस मैनालीका अनुसार जिल्ला प्रहरी परिसर र प्रहरी वृत जनसेवाबाट खटिएको प्रहरी टोलीले उनीहरूलाई काठमाडौंको विभिन्न स्थानबाट प्रक्राउ गरेको हो। 

मनिला तामाङको कोठा तलासी गर्दा घटनामा प्रयोग भएको प्रदेश ३–०२–००१ प ६२१७ नम्बरको मोटरसाइकल, घटनामा प्रयोग भएको पेस्तोल १ थान, सोही पेस्तोलमा लाग्ने गोली ४ राउण्ड सहितको म्याग्जिन, जर्सी र ज्याकेट सहितको प्रहरी पोशाक एक जोर बरामद गरेको छ। 

यसका साथै उनको कोठाबाट नियन्त्रित लागूऔषध फेनारगन १ सय ९७ एम्पुल, डाईजेपाम १ सय९७ एम्पुल र नुफिन १ सय ९७ एम्पुल बरामद गरेको छ।
 

 

प्रकाशित मिति: ९ मंसिर २०७९,शुक्रबार
Please Login to Comment!!